麥當勞批!6個全球好味精選款式
麥當勞批!6個全球好味精選款式

麥當勞批!6個全球好味精選款式

大家仲記唔記得麥當勞三角朱古力批?想當年香港都有賣,每個$7,可惜一陣間就消失咗。反而日本愈賣愈旺,麥當勞決定由120円減至100円,約港幣6至7元,打算開心share益街坊。其實仲有好多海外麥當勞批喺香港買唔到,以下介紹6個精選款式俾大家。

日本麥當勞將朱古力批減至100円
日本麥當勞將朱古力批減至100円

1. 芝士批

我都想拉絲呀!但係得墨西哥、巴拿馬、哥斯達黎加先有。真心覺得麥當勞可考慮將芝士批引入香港,反正香港咁多芝士控,確實有商機。

墨西哥、巴拿馬、哥斯大黎加限定芝士批
墨西哥、巴拿馬、哥斯大黎加限定:芝士批

2. Smores批

由於Smores喺美國及加拿大極受歡迎嘅營火小吃,所以亦只有呢2個地方出售呢個批。Smores即係將朱古力同棉花糖夾埋一齊,相信鍾意食牛奶朱古力嘅人一定為佢著迷。

美國及加拿大限定:Smores批
美國及加拿大限定:Smores批

3. 紅莓朱古力批

驟眼看,加拿大限定紅莓朱古力批同香港椰子批差不多。不過,呢個係朱古力外層紅莓餡,應該點都好味過椰子批。只係賣相不太討好,加拿大人都俾好評㗎。

加拿大限定:紅莓朱古力批
加拿大限定:紅莓朱古力批
傻傻分不清,紅莓朱古力批椰子批。
表面看,傻傻分不清紅莓朱古力批、椰子批。

 

4. 煙肉薯仔批

一聽到煙肉薯仔批,確實令人抓狂!點解香港冇㗎?香港都係亞洲啫!不過世事就係咁唔公平,只有日本先買到。諗起香噴噴嘅焗薯,咬落去脆卜卜嘅煙肉粒,我要即刻飛去日本啦!但好似係限定食品喎。

日本限定:煙肉薯仔批
日本限定:煙肉薯仔批

5. 咖喱炒蟹批

泰國最出名係冬陰公?錯啦,梗係當地麥當勞獨有嘅咖喱炒蟹批!睇相就知幾吸引,又聞到啲咖喱有幾惹味。推薦大家,泰國必試。

泰國限定:咖哩炒蟹批
泰國限定:咖喱炒蟹批

6. 菠菜批

本來覺得馬來西亞限定菠菜批唔錯,聽落非常健康。但諗深一層,兼且睇真啲,菠菜好易攝牙罅!一個唔覺意急得制冇剔牙,咪好大獲。

馬來西亞限定:菠菜批
馬來西亞限定:菠菜批

你最想食以上邊個批呢?都係個句,必試款式:泰國咖喱炒蟹批。

延伸閱讀

【FOOD BATTLE】好味暖胃 4大日式咖喱飯比拼

【掃街王】九龍東小葵廣!藍田5大街坊美食

最新吃喝玩樂資訊