韓國人經營 必食亞朱媽 年糕多士 !@Poortravellers窮遊
韓國人經營 必食亞朱媽 年糕多士 !@Poortravellers窮遊

韓國人經營 必食亞朱媽 年糕多士 !@Poortravellers窮遊

今日趁番學個break又搵下附近有咩食,發現原來第三街都幾多野食。一入門口就見到一個Oppa,特別親切。呢間鋪有室外同室內可以坐,但去到室外已經滿座,所以最後揀咗室內。 餐牌都有幾多選擇,揀左好耐先揀到一個主食。

流心芝士拌飯配泡菜雞柳($82)

嗌呢個飯完全係因為見到「芝士」而吸引住,一層一層咁擺相當有心思,旁邊放咗芝麻紫菜,更加重要就當然係佢頂上面嘅芝士啦,用叉吉起真係可以拉到絲架。因為呢個有芝士,所以唔可以影太耐相就要食佢,如果唔係芝士會硬哂。食果時就直接將全部嘢撈埋一齊就食得,唔好睇佢個樣細細,整散佢勁大碟,如果1個人食應該會飽到癲咗。呢碟幾惹味,上面有拉得嘅芝士,食到咸香,有泡菜雞柳,唔太辣,仲有青瓜、蘿蔔、紫菜帶番d fresh嘅味道,更加特別嘅係佢有一層係甜甜地嘅南瓜蓉,撈埋飯食都幾得意。

IMG_0037

食完主食就當然要食甜品啦,仲同朋友一人嗌咗一款。

亞朱媽 年糕多士 和雪糕大戰烤棉花糖和奧利奧($62)

個名真係超長,見到棉花糖同Oreo又忍唔住嗌咗,見到已經相當邪惡,暫時將減肥嘅念頭放埋一二邊先,年糕同棉花糖,兩個根本就係鬥拉嘅角色!

螢幕快照 2015-11-26 下午5.04.32

棉花糖烤得靚,外面脆入面軟綿,而且吉起佢仲見到纏綿不斷嘅棉花糖,多士中間夾住年糕,連切開都唔容易,多士烤得香脆,連埋年糕嘅煙韌,相當唔錯。由於本身中意食甜野,所以即使呢個係Oreo加棉花糖都唔覺得佢太甜,但如果唔太中意食甜就會覺得太甜啦,怕甜嘅可以選擇嗌紫薯。

IMG_0040

亞朱媽 年糕多士 和雪糕大戰紫薯($63)

呢碟個外型好靚,呃like之選,紫色令人心心眼,中間仲有球咖啡雪糕。唔好睇佢咁紫,其實紫薯粉嘅味道唔太濃,有d淡呢。但中間嘅紫薯蓉加分不少,有令到紫薯嘅味道提升番d,上面仲有葵花籽,葵花籽嘅香味令到成個甜品好香,多士一如既往咁香脆,整體唔錯。

螢幕快照 2015-11-26 下午5.07.47

飲品方面同朋友嗌左兩款唔同既野飲,咁樣可以試多d野麻。

熱綠茶拿鐵($42)


螢幕快照 2015-11-26 下午5.10.38

有靚靚拉花,綠茶味甘香,雖然有拉花係上面,但佢竟然仲可以保持到熱嘅溫度,上面嘅一層綠茶粉令到綠茶味道更出。

熱紫薯拿鐵($48)

上面有紫薯粉,熱飲嘅紫薯味道更濃郁,但就有d飽肚,冬天飲夠哂warm。

IMG_0041

呢間仲有Teaset,逢星期二至五如果嗌野飲食cake有8折呀。

IMG_0043

Seoulmate Cafe
地址:西環西營盤第三街83號(顯示地圖)
電話: 2104 6788
營業時間:星期二至日: 12:00-22:00; 星期一: 休息

圖文提供:Poortravellers窮遊

延伸閱讀

金鈴Sii韓語教室!第二集!10個韓國買衫血拼實用韓語!

聖誕限定!入手日韓台 Starbucks 杯

最新吃喝玩樂資訊