零食
零食

【今期必試零食】爆紅!綠茶可樂與抹茶梳打!

旅遊

廣告

一年容易又聖誕,一大班朋友聚會,點少得零食?一般嘅零食食到厭,不妨試下今期為大家介紹嘅六款零食,當中最殺嘅梗係今期大熱雙綠系列!就係綠茶可樂,早排便利店一出就賣到斷晒,唔緊要,我哋搵到更厲害嘅日本金賞版!仲有堂飲版添!

1.日本金賞綠茶可樂(推!)

上期講過香蕉味汽水,今次就講吓綠茶可樂。不過可以放心,呢隻新味係得金獎之作,飲落比一般可樂多氣好多,既飲到可樂味,又飲到淡淡綠茶味,兩者出奇咁夾,餘韻清新,貴少少都一定要試!

OK 便利店
電話:2991 6337

如果驚我哋介紹完都好快斷市,可以考慮去旺角呢個抹茶甜品店試試新推出嘅抹茶梳打,有Blogger試飲過大讚有抹茶味之餘唔會過濃而苦澀,甘香又清甜!

GUM”JENG” x御前上茶
•地址:旺角廣華街13號廣輝大廈地下4至5號舖 (顯示地圖)
•營業時間:7pm-11pm

2.懶人恩物即沖燕麥

睇盒面介紹話係紅豆湯,點知沖出來是燕麥居多,不過唔緊要,反正都係好食又有益,最抵讚係不會太甜,反而粒粒杏仁、紅豆、提子、燕麥的 原味仲喺度,感覺更加健康。

Aeon(康怡店) (顯示地圖
電話:2884 6888

3.像真度高飯焦糖

天氣凍,煲仔飯的飯焦令人回味,估唔到糖都出飯焦味,貪新鮮即管一 試,竟然有驚喜喎!入口除咗有甜味,仲有少少帶苦的焦香,有點似咖啡糖,之後又會有陣陣飯味滲出,一粒糖做到咁像真又多層次,好嘢!

Aeon(康怡店) (顯示地圖
電話:2884 6888

4.極重口味大蝦粉絲(最伏!)

出街食大蝦粉絲煲,總係會油到膩,呢個叮叮粉絲雖然係非常乾身,選用的南美白對蝦亦無霉味雪味,可惜泰式香料落得太多,變成好聞唔好食,而且食落非常鹹,建議配一碗白飯,係重口味人士專用。

Aeon(康怡店) (顯示地圖
電話:2884 6888

5.北海道土產朱古力

呢款粟米朱古力,係人都知是北海道名物,粟米有粟米香,朱古力唔係死甜都係常識吧!獨立包裝最方便儲存,今期Sogo做緊周年感謝祭做緊特價,買定擺喺公司,一定食唔停口呀!

崇光超市(銅鑼灣店) (顯示地圖
電話:2833 8338

6.冬日限家甜味薯片

聖誕將至,卡樂 B 就出咗隻法式焦糖燉蛋味薯片來應節,記者率先試味,覺得食落先鹹後甜,最後有一陣奶油香,喜唔喜歡就見仁見智,最抵讚嘅係包裝有新意,一款口味有四款包裝設計,每款都印有不同訊息,其中一款係留白的 Message box,可以自己寫嘢,夠浪漫。

12月頭於各大超市、便利店及零售店有售

延伸閱讀:

超抵$8紫薯蛋撻!最新5大必試紫薯小食!

【首爾美食】最Hit 街頭小食 手信推介