$98茶餐廳平民部隊鍋！仲要係放題～
廣告
嘩～土瓜灣出現平民部隊鍋放題！呢間黃河餐廳小廚，聽落同睇落都似係一間茶餐廳。不過，一到夜晚七點，茶餐廳就會變身搞埋任食部隊鍋，價錢超街坊價，大人$98、小朋友$68。部隊鍋湯底當然唔少得韓國辣醬同泡菜，呢度仲有超多蕃茄片，所以茄味比較濃，而唔會太辣。
呢度提供任飲韓國罐裝飲品，又有任食肥牛、豬頸肉、午餐肉、丸類、蔬菜、韓國芝士麵等等……仲聽講有得任拎片裝芝士，咁平嘅價錢有咁多選擇，又可以滿足到芝士迷、食肉獸朋友，真係無得輸啦！
從相中就知道，即使係茶餐廳，飲品都唔一定係可樂芬達，韓式芒果汁、韓國汽水，真係唔好睇少茶餐廳嘅實力！
仲可以留意番，十一月去食部隊鍋放題，每人都會免費有串燒煙肉車厘茄～～～約成班朋友去茶記食部隊鍋，個Feel都零舍不同，可以一試。
黃河餐廳小廚
地址：九龍土瓜灣下鄉道63號地下（顯示地圖）
營業時間：07:00-22:00（19:00開始供應部隊鍋放題）
電話：2369 5566（可訂座）
延伸閱讀：
邪惡打邊爐！4間惹味芝士火鍋推介！【芝士迷食乜好】
焦香撲鼻～5大必吃熱辣辣煲仔飯！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
