旅遊宋禮勤 好壞不由人@杜遊珍
旅遊宋禮勤 好壞不由人@杜遊珍

旅遊宋禮勤 好壞不由人@杜遊珍

阿珍年中出席不少旅遊局、酒店的活動,收到的禮物不計其數,最常收的依次為USB、行李牌和護照套,可惜呀珍只得一件行李和一本Passport,咁多根本用不著,况且禮品通常設計老土,兼大隻字寫著「xx航空」,我夠膽講就算送給我的那位航空公司Marketing朋友,自己都不會用。

講到無用,呀珍最怕收到Cap帽,天呀!到底送禮人有無想過呢頂帽除了維園阿佰會戴,有誰會呢?同樣問題,亦出現在當我收到意大利國旗iPhone case的時候。

當然,呀珍都收過唔少正野,試過去大陸Resort,就獲得 iPod Touch,PR話喺小小心意,澳門Grand Hyatt亦送過Android tablet ,好不實用。

收禮當然開心,但如果行李牌是現金,呀珍就發咗喇。

巴黎半島酒店開幕,呀珍獲得實用的行李分類袋,半島名字低調地刻在拉鍊扣上,實用有心思。

倫敦五星酒店Claridge’s送來的鉛筆,靚到唔捨得用。

英國酒店Connaught送上國寶級文具品牌Symthson的筆記簿,一粒酒店名字也沒有,但足以叫人記得酒店。

鑲石的阿婆勾,出差掛野,捨我其誰?

虎航的Marketing朋友,你真的會用這個心心行李牌嗎?

真的不要再送Cap帽了!

韓國旅遊局送的Mioggi護膚品,實用,不過Innisfree好至紅啲。

 

最新吃喝玩樂資訊