$200有找!3大勁食放題推介【宵夜食乜好】
$200有找!3大勁食放題推介【宵夜食乜好】

$200有找!3大勁食放題推介【宵夜食乜好】

年尾節日多,同朋友瘋狂聚會時,諗食咩就最傷腦根。有見及此,我們貼心地揀選了3間放題,有$138涮涮鍋放題、任食14款厚切刺身日式放題,仲有豪食泰式火鍋,保證大家每人$200有找,食到抱住肚皮返屋企!

1. $138午市涮涮鍋放題

八幡屋除了推出$50追加生蠔帶子日式料理,最近又開了涮涮鍋放題,放題任食90分鐘,而且還有爐端燒!除了基本的肉類,晚市還有$50升級服務,追加刺身和海鮮料理,有生蠔、帶子任食,其實都幾抵食!想食埋甜品,可以加$30任食酒店級甜品!

肉類款式有4款:
-美國進口牛肉、特選美國牛肉、黑毛和牛(澳洲和牛+美國豚肩肉)和特級霜降黑毛和牛(日本牛肉+美國豚肩肉)

湯底有8款:
-昆布清湯、壽喜燒、骨膠原豬骨湯、蕃茄濃湯、地獄湯、宮崎味噌湯、咖喱湯和辛辣泡菜湯

追加$50!任食刺身+海鮮火鍋配料!

唔夠喉?可以追加$50,任食刺身和海鮮火鍋配料!當中,有生蠔和帶子,抵食!

留意返:升級服務推出日期為23/11,晚市17:00後可使用優惠。

刺身類:珍寶帶子、赤蝦、生蠔
海鮮火鍋配料:蜆、熟帶子、海中蝦、廣島蠔、鯛魚片

壽司款類繁多。

19

燒爐端有蝦食,正!
爐端燒有專人即燒有蝦食,正!

16

八幡屋_放題_配料
Shabu Shabu自助吧。

追加$30,任食酒店級甜品!

就算食到幾飽,甜品環節是不可或缺!甜品方面,由前半島酒店餅師製作,有小型的甜點西餅,黑松露朱古力蛋糕、巨峰提子奶凍和士多啤梨雲石蛋糕,亦有朱古力噴泉,仲有影相一流而且味道清新的櫻花水信玄餅!都只係加$30就可以任食咁多款甜品,好易回本!

留意返:升級甜品服務,每人加$30,只限於晚市。

甜品吧選擇多,全部細細份,試哂都無問題!
甜品吧選擇多,全部細細份,試哂都無問題!

30

八幡屋_放題_甜品

90分鐘任食放題詳情:
-午市放題,12:00-16:00,美國進口牛$138/位、特選美國牛肉$158/位、嚴選黑毛$238/位,另設加一服務費
-晚市放題,17:30-00:00,美國進口牛$188/位、特選美國牛肉$208/位、嚴選黑毛$298/位、特級霜降黑毛和牛$398/位,另設加一服務費
-升級餐牌$50/位;升級甜品$30/位,只適用於晚市

提提你:預早訂位,可以免費加時30分鐘(總共兩小時),優惠至12月15日

八幡屋
地址:九龍旺角彌敦道628號瓊華中心12樓全層(顯示地圖

營業時間:12:00 – 00:00
電話:2141 9918

2.$200有找!晚市任食14款刺身!

觀塘新開的日式放題-御前大江户,性價比非常高!放題食物款式多,有壽司、卷物、沙律、燒物、天婦羅、炸物、一品料理、主食、飲品同甜品。新開期間,二人同行,一人可以$108優惠價食到放題。記者親自試食,刺身幾厚切,燒物都燒得香,食得多好易回本。即刻帶來試食報告!

一、刺身類

刺身方面有14款:
-深海鱸魚、天然赤身、油甘魚、左口魚邊、三文魚、北海道帶子、北寄貝、象拔蚌、響螺片、希靈魚、八爪魚、泰式生蝦、甜蝦和玉子

刺身種類都算多。

個人推介:
1. 左口魚邊:左口魚邊都比較少放題店提供。口感方面,會有水潤質感,亦會有一陣魚的油香味。學DoDo姐個句,好得意!
2. 甜蝦:肥美!
3.帶子:都幾厚身,帶點鮮味。

御前_放題_左口魚邊
左口魚邊
御前_放題_甜蝦
甜蝦
御前_放題_帶子
帶子

其他刺身方面,例如三文魚、吞拿魚和希靈魚等都幾厚切,味道不過不失。

御前_放題_三文魚
三文魚
御前_放題_吞拿魚
吞拿魚
御前_放題_希靈魚
希靈魚

除了刺身夠厚切,燒物、一品料理和炸物都幾出色。

燒物方面有12款:
-鹽燒牛舌、寶貝豬仔髀、鹽燒海蝦、鹽燒手羽、燒有機菠蘿、燒日本蕃薯仔、鹽燒多春魚、廣島焗蠔、大江戶燒羊鞍和鹽燒雞軟骨

一品料理方面有11款:
-鐵板燒帆立貝、蒜片牛柳粒、牛油炒日本粟米、五目炒雜菜、香草芝士煮法國藍青口、炒朝鮮年糕、雪花牛肉鍋、北海道牛乳海鮮鍋、蟹皇粥、大根煮牛舌和日式口水麻香雞

炸物方面有5款:
-大江戶芝麻雞翼、芝士年糕、日本吉列蠔、酥炸魷魚圈和紫心香芋丸

個人推介:
1. 芝士焗蠔:燒香了的蠔肉配上香濃芝士,好味!

2.寶貝豬仔髀:燒得香,肉質軟腍。
3.大江戶芝麻雞翼:芝麻味香,炸得香脆。
4.紫心香芋丸:香芋味濃,帶點微甜,不過有點油膩
5.雞軟骨串:味濃,不過都有點油膩。

芝士焗蠔,超好味!
芝士焗蠔
御前_放題_寶貝豬仔髀
寶貝豬仔髀
大江戶芝麻雞翼都值得一試。
大江戶芝麻雞翼
御前_放題_紫心香芋丸
紫心香芋丸
雞軟骨有d油。
雞軟骨

仲有8款甜品任你揀,又有Haagen-Dazs雪糕食,好易回本!

甜品款式有8款:
-一口忌廉泡芙、木糠布甸、迷你香濃咖啡杯、黑森林切餅、芒果切餅、車里子慕絲蛋糕、雪米糍、Haagen-Dazs雪糕(每人一杯)

木槺布甸
木槺布甸
Haagen Daze 味道有香蕉、朱古力、咖啡、曲奇忌廉、士多啤梨同雲尼拿。
Haagen Dazs 味道有香蕉、朱古力、咖啡、曲奇忌廉、士多啤梨同雲呢拿。

2小時30分鐘任食放題詳情:
-午市放題,12:00-15:00,$198/位,另設加一服務費
-晚市放題,18:00-20:30,20:30-23:00,另設加一服務費
星期一至三:$228/位;星期四:$238/位;星期五、六、日及公眾假期:$248/位
-星期一至日19:30前離座或21:30後入座,二人同行,一人可享至尊優惠$108
御前大江戶
地址:觀塘觀塘道414號1亞太中心8樓(顯示地圖
營業時間:12:00 –15:00;17:30-23:30
電話:2755 5328

3. 豪食泰式火鍋放題

講起Siam就會聯想起曼谷商場,原來香港都有間Siam!九龍灣的SIAM AI Fresco Dining,有得打泰式火鍋,湯底方面充滿泰式風味,有椰汁雞湯、冬陰公同冬瓜排骨湯,食港式火鍋食到悶,不妨試下!

必試原因一:湯底夠特色

湯底款式有3款,椰汁雞湯、冬陰公同冬瓜排骨湯。款款都味道濃郁,忍不住打邊爐前就想飲飲個湯先。

Siam_放題_湯底

必試原因二:送大蝦和帶子一份

配料方面,其實與一般火鍋放題店相近,不過,這兒有得食埋大蝦和帶子,抵食!

配料款式:
肉類:美國肥牛片、豚肉片、雞胸肉片、扎肉片、芝士腸、午餐肉、廚司腸
海鮮類:鮮蜆、魷魚鬚、墨魚片、蟹柳
丸類:牛丸、貢丸、芝心丸、龍蝦丸、蟹粉丸、炸魚片、炸魚蛋、獅子加卷

蔬菜類:唐生菜、西洋菜、娃娃菜、皇帝菜、小白菜、白蘿蔔、冬瓜片、粟米、南瓜、金菇菜、芋頭、蕃茄、鮮冬菇
其他:嚮玲卷、豆卜、炸枝竹、生根、山水豆腐、芋絲、彈牙烏冬、出前一丁、粉絲、米線

Siam_放題_帶子

放題_蝦_菜
任食火鍋附設自助沙律吧。

 

放題_蝦_牛肉

必試原因三:平價飲泰式特飲

這兒普通汽水是任飲的,不過,想來點泰式風味,可以加$10-$28試試泰式特飲。

免費任飲款式:
-可樂、Zero、檸檬仙地、荔枝仙地、七喜、獅威啤酒

另外收費泰式飲品:
加$10:珍多冰、青檸梳打、泰式凍奶茶、泰式凍咖啡、嘉士伯
加$18:Singha啤酒
加$28:鮮椰青$28

Photo 12-11-2015, 18 59 15

必試原因四:超吸引泰式甜品

甜品款式,除了千層糕,還有這款芒果椰汁糯米飯,就唔喺間間都有得食!

放題_蝦_mango
芒果椰汁糯米飯 $18

任食火鍋詳情:
原價$288;必食價$158;會員價$128;加一以原價計算

SIAM AI Fresco Dining
地址:九龍灣宏照道33號國際交易中心2樓3號舖(題示地圖
電話:2790 3288
營業時間:星期一至日2:00-15:00;18:00-22:00
備註:有加一服務費;接受信用卡
延伸閱讀:
熱石沾麵始祖 湯底升溫Keep住暖身 【銅鑼灣食乜好】
宵夜最強!5大港九暖笠笠燒烤店

最新吃喝玩樂資訊