白色松本清
白色松本清

【日妝迷新蒲點】日本買藥妝!識去全新白色松本清

日本

廣告

雖然藥妝店真係「總有一間在附近」,但每間都總係人頭湧 湧,加上「 強國人 」已攻佔東京,以銀彈式「 爆買い」掃貨,想舒舒服 服逛藥妝店真係難過登天!如果你唔介意搭 JR 坐多幾分鐘,推薦你去 位於有樂町駅的「 白色松本清 」,這是「マツモトキヨシ」在今年專為 外國人開設的店舖,白色招牌勁易認(一般松本清分店是黃色招 牌 ),雖然只有一層女但貨物種類超齊全,而且店舖分析了全日本上千 間分店的銷售成績後最熱賣的商品,最緊要是同系列會放在同一貨架 上,唔使四圍搵;店中走廊又夠闊,真係揀到心水款開心到跳起轉兩 個圈都唔怕撞到人!不過最正還是店員個個都精通外語,所以出發前 再唔怕無時間做 Research,直接來問店員心水推介仲實際!

購物 TIPS

店內買滿30,000日圓,更有額外95折! 同朋友一齊來掃貨超抵!

兩色松本清大比拚!

「 白色松本清 」咪又係藥妝店一間,為何要特登坐多幾個站去?留時間去附近的「 黃色松本清 」尋寶隨時有驚喜喎!小記率先為「 兩色 」松本清來個 大比拼,分析優缺點,等大家因應需求再選擇吧!

1. 介紹

白色松本清
為了方便旅客,店內部分大賣 款及新品都會有中英文介紹,唔明亦可以問店員,所以掃貨前唔使上網做定 research 都無問題!

黃色松本清
店內商品只有日文介紹,雖然 會有熱賣排行榜,但始終難了解妝物的功效!

2. 存貨

白色松本清
存貨量超級充足,店員會不停整理貨架及補上新貨;而且 有齊同一品牌所有熱賣新款,唔怕會走漏眼!

黃色松本清
雖然款多,不過經常有缺貨情 況,以 Sanrio 系列為例,銀座 店只剩下款,所以想搵目標可能要碰碰運氣。

3. 貨款

白色松本清
如果你的目標是藥物,就一定要來白色松本清,因為連大熱售罄款都仲有貨 ; 妝物方面則以熱賣款為主!

黃色松本清
4層店中只有地面一層為藥物區,其餘層數都是擺放彩妝品,款式超多不過有舊款囤積,想搵新貨就要慢慢睇!

4. 店鋪

白色松本清
只有一層,佔地約半個足球場大,不過貨架勁整齊,而且指示清楚,非常容易便可以搵到目標又行得舒服!

黃色松本清
部分店舖都有 3至4 層,但係貨物擺放得比較混亂,人又多但付款counter勁細,排隊畀錢多數會打蛇餅!

5. 位置

白色松本清
暫時只得有樂町店,雖然離原宿站只有約 10分鐘車程,但如果你住在新宿、池袋等鬧市區,去始終無咁方便!

黃色松本清
全國有約700間分店,齋在東京市內已經有約150間,而且 多數在車站附近,所以真係唔使睇地圖都搵得到,勁方便!

Alex (妝物調查專員):「若你想買齊熱賣新品又怕同人逼,亦無時間在家慢慢上 網做功課的話,建議你去白色松本清一間舖買齊心水 貨;鍾意自己一個人慢慢尋寶,又有時間去發掘小眾品牌,當然要去黃色松本清作「 地氈式搜查 」吧,始終行 藥妝店同人逼也是一種日本獨有的購物樂趣!」
下一頁:白色松本清必逛三大專區

白色松本清必逛三大專區

1. 超人氣妝物區

2. 地膽推介藥物區

3. 男士化妝品專區

難得可以同店員傾兩句,當然要測試她 的語言能力,想不到她除了精通國語,英文都好流利!有藥劑師資格的熊本小姐就提提大家秋冬轉季要留意敏感肌,推介要用低敏配方或成分天然的護膚品,而且記得要多多敷 mask 保濕!而秋冬轉季一定要美白,她勁興奮咁叫我一定要試試最新的 CC 美白噴霧,用上手時發現質感透薄,而且保濕度十足,連女同事用過都讚好,真係無介紹錯!

 

 

 
下一頁:松本清店員推介必敗藥物!

為了方便遊客,店內更設有「 專區 」,所有熱賣款集中在同一個貨架上,一目了然就勁容易鎖定目標!所以比起在其他藥妝店漫無目的地尋寶,我在「 白色松本清 」 短短30分鐘已執齊心水款及必敗新品,計計數,仲有時間去食個 high tea!

1.【超人氣】MELANO 維他命美白CC噴霧 (¥972 / HK$65)

特別研發的雙重維他命配 方,能有效抑制黑色素產生, 最新噴霧裝用法更方便,而 且加入了抗炎成分,同時可 預防暗瘡!

2.極潤 「特濃」化妝水(¥972 / HK$65)

十月新品,比以往配方濃度 更好,如果你肌膚屬乾性, 轉季又會開始甩皮,這支化 妝水便可以深層改善膚質!

3. SUGAO Air Fit CC Cream (¥1,420 / HK$94)

㗎妹最愛的CC Cream,質 感輕盈而且可以完全遮蓋毛孔,不需再補上BB Cream 或遮瑕膏,愛好裸妝必入!

4. CoenRich Q10夜用保濕手霜 (¥498/HK$34)

品牌於 8月新推出的手 霜,加入特濃美容液,可有效去除死皮及乾紋,更可厚敷當作手膜急救用!

5. 黑薔薇R仮面R面膜 (¥463 / HK$31)

日本超熱賣面膜,這款在普 遍藥妝店已經缺貨,這裡竟 然有存貨!敷後可以提升彈力及吸走毛孔內污垢。

白色松本清

地址:東京都千代田區有樂町2-7-1(顯示地圖
電話:+81(- 0)3-5292-0112
營業時間:10am-11pm
交通:乘 JR 山手線到有樂町駅,中央口步行約2分鐘。
網址:www.matsukiyo.co.jp

延伸閱讀:

京都新手信UCHU WAGASHI和菓子@小Q

【東京必敗藥妝】激平¥100店!10大化妝好物推介