蘭桂坊再嬉戲@Dining娜

博客

廣告

(Presented by UnionPay)

 

香港人工作忙碌、生活節奏快,全世界都知,講笑咁講真係揚威國際,好似蘭桂坊咁出名啊。可能就係因為生活太緊張,一有機會就想飲番杯、放鬆下。特別係喺中上環返工嘅朋友,無論係應酬、約同事定約朋友,對「老蘭」更加唔會陌生。嗱,講明先,我Dining娜絕對唔係喜愛夜蒲,不過同啲姐妹飲嘢,都離不開諾士佛臺同蘭桂坊㗎啦,Right?而近排蘭桂坊啲餐廳、酒吧,又開始做Promo喇,咁我就不妨推介幾間不時都會去嘅Bar俾大家,各有特色之餘,無論約Friend定係Dating,都好啱Feel㗎。

 

Hard Rock Cafe

_O5W9646

講真,呢間我諗都唔使點介紹,喺正蘭桂坊最當眼嘅位置,有Music Live Show、有露天位,有嘢食又有嘢飲,連T-shirt都有得賣,以酒吧嚟計真係好多元化。而且佢哋啲嘢食整得幾有心機,唔係隨隨便便Bar Snack咁簡單,有時有啲Set幾有驚喜添㗎。如果好彩嘅話,仲有機會見到傳說中好靚仔嘅韓系美男酒保,一路欣賞佢調酒,聽下音樂、飲番兩杯,係唔錯嘅享受。

近排新驚喜之一,Set Lunch燒牛柳漢堡,烤肉眼配埋秘製Pesto Mayonnaise,矜貴嘅組合,啖啖都係滿足。
近排新驚喜之一,Set Lunch燒牛柳漢堡,烤肉眼配埋秘製Pesto Mayonnaise,矜貴嘅組合,啖啖都係滿足。
都係新Set Lunch主菜,墨汁包食落特別香,個龍蝦餅更加無得彈,炸得外脆內軟,仲食到一粒粒彈牙龍蝦肉,好正啊。
都係新Set Lunch主菜,墨汁包食落特別香,個龍蝦餅更加無得彈,炸得外脆內軟,仲食到一粒粒彈牙龍蝦肉,好正啊。
傳說中嘅美男酒保,女士們可以多啲嚟,睇下撞唔撞到佢。
傳說中嘅美男酒保,女士們可以多啲嚟,睇下撞唔撞到佢。

地址:中環德己立街55號LKF Tower地下(顯示地圖
電話:2111 3777
網址: www.hardrock.com/cafes/hong-kong-lkf

 

HAVANA

_MG_9292

講位置呢,佢就比較隱蔽,因為係上樓舖,但論氣氛一啲都唔輸蝕!橙橙紅紅嘅裝修,加埋牆上面好有Mood嘅相,真係有心機營造一個充滿古巴風情嘅環境俾你。古巴除咗雪茄、老爺車、音樂出名,Mojito呢款雞尾酒都係代表作,一定要試下。而每逢星期一,HAVANA仲會有英俊嘅外籍型男駐場開班,唔係教調酒,係教跳舞。聽住熱情嘅古巴音樂,欣賞大家浪漫起舞,真係別有一番風味啊。

一杯經典嘅Mojito,就係最古巴嘅味道。
一杯經典嘅Mojito,就係最古巴嘅味道。
香口惹味的烤雞肉串,係雞尾酒同好音樂嘅絕配。
香口惹味的烤雞肉串,係雞尾酒同好音樂嘅絕配。
無論係睇人學跳舞定係自己跟住跳,氣氛都一流。
無論係睇人學跳舞定係自己跟住跳,氣氛都一流。

地址:中環德己立街21號The Plaza 4樓(顯示地圖
電話:2851 4880
網址:www.havanabar.com.hk

 

Volar

_O5W9754

我諗蒲開蘭桂坊嘅朋友一定唔會陌生,因為Volar都有番咁上下歷史,絕對係屬於唔使多介紹嗰啲。不過老實講,如果想認真傾下偈嘅,多數唔會嚟呢度,因為佢哋揀嘅音樂出名節奏感強,而且播得幾大聲㗎,配合番夠晒動感嘅裝修,係Match嘅,想郁動下、跳番Part舞嘅就啱晒。Volar久不久又會搞下Event,好似之前萬聖節就搞咗個喪屍之夜,我就無去,不過應該都好熱鬧,下次有大節日記得留意下。

佢哋啲雞尾酒都好高質㗎,有唔少果味同酒味並重嘅選擇,就好似呢杯Lady Anxiety咁,抵俾個讚!
佢哋啲雞尾酒都好高質㗎,有唔少果味同酒味並重嘅選擇,就好似呢杯Lady Anxiety咁,抵俾個讚!
有俊朗嘅Bar Manager親自調製雞尾酒,感覺特別好飲。
有俊朗嘅Bar Manager親自調製雞尾酒,感覺特別好飲。

地址:中環德己立街38-44號地庫(顯示地圖
電話:2810 1510
網址:www.facebook.com/VOLARHongKong

 

Zinc

_MG_9131

講到呢間Zinc,我都係去過幾次先發現,尖東嘅Ra係佢姐妹店。Ra係用埃及做主題嘅酒吧兼餐廳,室內設計好有特色,而Zinc都一樣,雖然細間好多而且只賣酒,但裝修一啲都唔馬虎,正中間掛喺度個大鐘已經夠晒型,好有禪味,所以喺咁多間酒吧入面,呢度絕對係靜靜地傾偈嘅首選啊。

_MG_9089

唔好以為呢度淨係得嘢飲會好寡,雞尾酒、啤酒、紅白酒選擇非常多,包你不醉無歸。

 

地址:中環德己立街35號地下(顯示地圖
電話:2868 3448
網址:www.zinchk.com

 

後記

蘭桂坊固然係多姿多采,最緊要係無論餐廳定酒吧,耐唔耐就會同銀行Crossover下,搞下優惠,你諗下飲杯酒如果買一送一嘅話,抵好多㗎。近排好多間餐廳都同銀聯卡合作,唔止選擇多,優惠嘅內容都層出不窮,原價有折、送嘢食、送嘢飲、買一送一乜都有。如果想知多啲,自己去睇睇啦。

詳情:http://unionpayintl.com/article/en/enCard/en_asia/en_HongkongChina/en_HongkongChina_sale/3007697.shtml