|周末遊懶人包|大東山另一芒草勝地!蓮花山睇日落路線推介
|周末遊懶人包|大東山另一芒草勝地!蓮花山睇日落路線推介

|周末遊懶人包|大東山另一芒草勝地!蓮花山睇日落路線推介

近期芒草盛開,不少人都會到大東山一賞金黃芒草美景。正因太多人上大東山,周末去的話,仲多人過旺角。介紹返大東山以外,同樣可以欣賞芒草的山嶺,就是大東山隔離的蓮花山,再話你知5大影相位。包你唔駛同人逼,又可以影到靚相!

蓮花山小知識:

蓮花山是香港第五高的山峰,於大東山隔離,海拔有766米高,大家可以360度望到整個香港,又望到大東山、二東山同鳳凰山。

前往方法:

由東涌出發,可以坐36號大嶼山巴士入白芒村,不過班次非常疏,假日只有五班巴士(0745,1000,1430,1715同1900),平日更少,只有三班巴士(0745, 1000, 1930)!假日的士站又好多人排隊,所以記者決定行入去!先行去東薈城北門,出咗去向右邊沿文東路一直行,行到喜東街,向右轉會見到中化石油油站,靠右會見到一條好隱蔽的小路,穿過後繼續直行!

過咗油站,左邊喺海,右邊喺路軌,好似身處於日本!
過了油站,左邊是海,右邊是路軌,好似身處於日本!

第一個影相位

浴路見到d草,配埋藍天,靚!
沿路見到啲草,配埋藍天,靚!
可以行出石灘影相,不過要小心!
可以行出石灘影相,不過要小心!

行到盡頭會見到條隧道,穿過後就到白芒村口!

由東涌行到入來,要一小時!
由東涌行到入來,要一小時!
沿右邊直行。
沿右邊直行。

之後會見到分叉路,靠右直行,行到見到焚化爐,再行前多十米左右,就會見到個好隱蔽的上山入口,旅途正式開始!

上山入口!
上山入口!
初段都喺上石級。
初段都係上石級。

第二個影相位

初段要上山,都幾難行,需要一定體力。行咗一陣會見到有舊石,又可以行出去影相,一覽第三跑道的風景!

不時仲會睇到飛機降落!
不時仲會睇到飛機降落!
山上都喺這種小徑。
山上小徑。
跨過婆髻山,就開始上蓮花山喇!
回望婆髻山。放心,唔駛爬上去,側邊有小路行。

第三個影相位

開始上蓮花山,會見到愈來愈多芒草,愈近就愈多,即刻站到草中央影張相先!

IMG_4627

IMG_4661

第四個影相位

途中見到有塊大石,又可以企上去影靚相。

IMG_4649

IMG_4759

穿過無限的金黃芒草,就會見到蓮花山頂,可以上、可以唔上,記者就覺得辛辛苦苦行到來,當然要上埋啦!

有條小路上山頂。
有條小路上山頂。

終極影相位

上到去766米高的山頂,可以360度睇成個香港!起碼可以影一個鐘先走,撞正埋日落時間,望向大東山方向,不得了!

IMG_4725

IMG_4729

望向大東山方向,有雲海同日落。
望向大東山方向,有雲海同日落。
爬上大石,影番張剪影相。
爬上大石,影番張剪影相。

上蓮花山頂不難,但落就要小心,都幾斜,重心偏低會易落少少。記得要預時間落山,向南山方向行落山都要一個半小時,入黑睇唔到路,帶定電筒。中途都會有分叉路,靠左行就落到山。

見到個牌,重要行多一個鐘。
見到個牌,重要行多一個鐘。

落山以樓梯為主,會經過山澗,要注意有蛇出沒!青竹蛇雖然有毒,不過你唔搞佢,佢都唔會搞你,佢哋見到光亦會自己走。行到落山腳,又會見到路牌,向梅窩方向行,要上樓梯,經過一個直升機停機坪,再落山,出番石屎地,向嶼南道行多200米左右就會見到大馬路。旅途結束,可以在南山營地巴士站等車出番東涌,或者向梅窩方向行,入去食番餐好!

行山小貼士

1. 需一定體力,要食完飯先好出發
2. 無補給,一定要帶水貼乾糧
3. 落山路段有蛇出沒,要小心讓路
4. 預時間落山,冬天6點已經開始入黑
5. 帶備電筒,遲咗落山都唔怕

蓮花山

路線:白芒村(顯示地圖)-婆髻山-蓮花山-南山-南山營地巴士站

時間:約5小時
難度:✭✭✭✭✩
前往方法:由東涌站坐36號大嶼山巴士/的士/步行至白芒村

延伸閱讀:

【周末攻略】呃like之選 5大日落靚景!

【周末遊懶人包】蘆葦草+美食+日落 鹿頸谷埔超易行!
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!
see first

最新吃喝玩樂資訊