【抵食餐廳錄】 $20有找Tapas!尖沙咀9大中西日韓菜(下)
【抵食餐廳錄】 $20有找Tapas!尖沙咀9大中西日韓菜(下)

【抵食餐廳錄】 $20有找Tapas!尖沙咀9大中西日韓菜(下)

大家都說,香港的物價愈來愈高,出街食餐飯,動輒二、三百元,有時遇到沒良心、沒質素的劣食,吃到成枱一肚氣!抵食的餐廳已經沒有了嗎?當然不是。今期我們搜羅了尖沙咀8間性價比較高嘅中西日韓餐廳,價錢絕不是最平,但就是物有(超)所值,也是我們的拍心口推介!現介紹4間韓式及西式餐廳,但版面有限,當中肯定有不少漏網之魚,如你也有心水選發現,可上「新假期飲食邪惡情報」fb 專頁分享下嗎?

過江龍護心肉★喜來稀肉

韓國燒肉店眾多,質素和價錢也參差,本刊的韓燒達人吃遍港九,最後推介這間價錢合理、質素令人滿意的過江龍。招牌護心肉亦不負其名,食落軟腍、有嚼勁、入味多汁。另外牛大腸、牛五花等也值得推介。前菜味道亦正宗,醬汁由首爾本店大廚黃師傅主理,不同的肉,用上不同醬汁醃製去提升肉的質素,前菜和烤蛋都可免費無限追加,食到你滿意為止!

爐邊三個空格分別放滿泡菜蛋、淨蛋和蒜,全都免費無限任添,包保你食到夠喉。
爐邊三個空格分別放滿泡菜蛋、淨蛋和蒜,全都免費無限任添,包保你食到夠喉。
免費前菜新鮮爽脆,款式雖不多,但卻非常大碟,味道和辣度也比一般強勁。
免費前菜新鮮爽脆,款式雖不多,但卻非常大碟,味道和辣度也比一般強勁。
豬護心肉 $150/150g 由法國入口,肉味鮮甜有嚼勁,吃時可點加了鹽的麻油,更香更惹味。
豬護心肉 $150/150g
由法國入口,肉味鮮甜有嚼勁,吃時可點加了鹽的麻油,更香更惹味。
傳統韓式燒烤圓枱,空間感十足。
傳統韓式燒烤圓枱,空間感十足。

地址:尖沙咀金巴利道79-81號金栢閣1樓連地下(顯示地圖
電話:2723 6692
營業時間:星期一至六 5pm-4am;星期日 5pm-12mn
平均消費:$300
備註:設加一,收信用卡及銀聯

$418半島黃昏晚餐★Felix

一般情況下,在半島28樓的Felix食晚飯,埋單每位肯定過千,但原來餐廳一直提供非常優惠的early dining黃昏晚餐,只需$418便可品嘗前菜、湯、主菜、甜品,連咖啡或茶,仲可以飽覽維港黃昏美景,好彩遇著唔full house的話,更可以睇埋幻彩詠香江先走!前菜、湯、主菜都有2-3個選擇,惟甜品只得1款,基本上約每兩個月便更換菜單,適逢今個月是「粉紅革命」,主廚Kaji san特別設計了10月限定的「粉紅」菜單,運用紅菜頭、石榴、紅酒等作為染料,為食材染上粉紅調,浪漫!

餐廳由名師Philippe Starck負責室內設計,雖然是20年前的作品,格局依然時尚!最正是有金,維多利亞港的醉人景色一覽無遺,不少食客也是衝著此靚景而來。
餐廳由名師Philippe Starck負責室內設計,雖然是20年前的作品,格局依然時尚!最正是有金,維多利亞港的醉人景色一覽無遺,不少食客也是衝著此靚景而來。
前菜— Pan-seared Canadian Scallop with Pink crumble, Chia-seed, Yuzu dressing 香煎帶子鮮味十足又彈牙,脆片以紅菜頭染色,配搭奇亞籽、碌柚沙律,口感清新。
前菜— Pan-seared Canadian Scallop with Pink crumble, Chia-seed, Yuzu dressing
香煎帶子鮮味十足又彈牙,脆片以紅菜頭染色,配搭奇亞籽、碌柚沙律,口感清新。
前菜— Grilled Chicken Breast with Thousand Island Dressing, Romaine Salad, Air-dried Beef 雞胸唔嚡又香口,與羅馬生菜沾上千島醬,配上風乾牛肉,鹹香突出。
前菜— Grilled Chicken Breast with Thousand Island Dressing, Romaine Salad, Air-dried Beef
雞胸唔嚡又香口,與羅馬生菜沾上千島醬,配上風乾牛肉,鹹香突出。
主菜— Grilled 7-oz American Strip loin with Red wine Sauce, Pink Risotto, Confit of White Turnips and Carrot(須加$120升級) 牛前腰脊肉超嫩滑,意大利飯用上紅酒染色,配上日本白蘿蔔和美國甘筍,味道鮮甜。
主菜— Grilled 7-oz American Strip loin with Red wine Sauce, Pink Risotto, Confit of White Turnips and Carrot(須加$120升級)
牛前腰脊肉超嫩滑,意大利飯用上紅酒染色,配上日本白蘿蔔和美國甘筍,味道鮮甜。
主菜— Slow-cooked Platinum Pork Loin with Gravy Sauce, Grilled Mini Onion, Pink Onion Pickles, Butter Glazed Pumpkin 白金豚以70℃慢煮20分鐘,口感彈牙又juicy,沾上自家熬製的牛肉汁,肉香更濃。
主菜— Slow-cooked Platinum Pork Loin with Gravy Sauce, Grilled Mini Onion, Pink Onion Pickles, Butter Glazed Pumpkin
白金豚以70℃慢煮20分鐘,口感彈牙又juicy,沾上自家熬製的牛肉汁,肉香更濃。
主菜— Roasted Cod with Spicy Lobster Sauce, Sautéed Mushroom, Mashed Potato 嫩滑又富鮮味的鱈魚以紅菜頭染成粉紅色, 配搭法國出產的野菌和薯蓉,沾上濃厚的龍蝦汁,鮮味十足。
主菜— Roasted Cod with Spicy Lobster Sauce, Sautéed Mushroom, Mashed Potato
嫩滑又富鮮味的鱈魚以紅菜頭染成粉紅色, 配搭法國出產的野菌和薯蓉,沾上濃厚的龍蝦汁,鮮味十足。
甜品— Strawberry-Yuzu Mousse with Strawberry Ice Cream, Pomegranate Jelly, Hibiscus Cappuccino 以石榴啫喱包裹著的士多啤梨、柚子mousse帶微酸,口感軟滑清新,士多啤梨雪糕中和酸味,伴上洛神花泡沫,入口更富層次。
甜品— Strawberry-Yuzu Mousse with Strawberry Ice Cream, Pomegranate Jelly, Hibiscus Cappuccino
以石榴啫喱包裹著的士多啤梨、柚子mousse帶微酸,口感軟滑清新,士多啤梨雪糕中和酸味,伴上洛神花泡沫,入口更富層次。

地址:尖沙咀彌敦道19-21號半島酒店28樓(顯示地圖
電話:2696 6778
供應時間:每日6pm-8pm(最後點餐時間:7pm)
備註:設加一,收信用卡

$20有找Tapas★Scarlett Café & Wine Bar

尖沙咀這間法式酒吧玩反通脹,指定紅白酒只需$45/杯,送酒Tapas更過分,$168食到9款,即平均每份只需$18.6。別以為平嘢冇好嘢,小食用的海鮮全為新鮮貨,三文魚更是自家醃製,芝士由法國入口。主菜一樣抵食,原隻法國春雞配薯蓉唔使$100,其他如黑豚五花腩、蘇格蘭三文魚等都百零蚊有交易,加上份量唔少,精緻有水準,絕對抵食!

烤春雞配薯泥及沙律 $98 法國入口的春雞,約600g重,先用香料和海鹽等醃過,雞肉嫩滑入味;薯蓉加入了黑松露醬,非常香口。
烤春雞配薯泥及沙律 $98 法國入口的春雞,約600g重,先用香料和海鹽等醃過,雞肉嫩滑入味;薯蓉加入了黑松露醬,非常香口。
Clams in shell with garlic 加拿大新鮮蜆肉以白酒、蒜頭同煮,再加點龍蝦油吊味,蜆肉飽滿帶海水味,充滿酒香與龍蝦油的鮮香。
Clams in shell with garlic 加拿大新鮮蜆肉以白酒、蒜頭同煮,再加點龍蝦油吊味,蜆肉飽滿帶海水味,充滿酒香與龍蝦油的鮮香。
Tuna mi-cuit 菲律賓入口吞拿魚腩蘸上黑椒、香料等再輕煎,外脆內軟腍,油香十足,很香口。
Tuna mi-cuit 菲律賓入口吞拿魚腩蘸上黑椒、香料等再輕煎,外脆內軟腍,油香十足,很香口。
Salmon, Lemon grass Skewer 挪威三文魚插入香茅低溫慢煮後配自家製香草醬同吃,三文魚極嫩滑,香草醬清新,帶點泰國風情。
Salmon, Lemon grass Skewer 挪威三文魚插入香茅低溫慢煮後配自家製香草醬同吃,三文魚極嫩滑,香草醬清新,帶點泰國風情。
Mussel marinated in vinegar 新鮮的加拿大青口以醋、洋葱及紅蘿蔔醃製,青口大隻鮮甜,吃落清酸開胃。
Mussel marinated in vinegar 新鮮的加拿大青口以醋、洋葱及紅蘿蔔醃製,青口大隻鮮甜,吃落清酸開胃。
Black Olive Tapenade 用意大利黑橄欖、蒜頭、橄欖油等自家調成的橄欖醬,橄欖味突出,配麵包或淨吃都好吃。
Black Olive Tapenade 用意大利黑橄欖、蒜頭、橄欖油等自家調成的橄欖醬,橄欖味突出,配麵包或淨吃都好吃。
店子自設酒窖,不少酒都是店子自家引入,所以部分酒價錢很相宜!
店子自設酒窖,不少酒都是店子自家引入,所以部分酒價錢很相宜!
Cuvee Splendid $45/杯 法國出品的Sparkling Wine,汽泡輕盈,帶微微果香及礦物味,很易入口。
Cuvee Splendid $45/杯 法國出品的Sparkling Wine,汽泡輕盈,帶微微果香及礦物味,很易入口。

地址:尖沙咀柯士甸路2號地舖(顯示地圖
電話:3565 6512
營業時間:7am till late
平均消費:$250
備註:設加一,收信用卡

$278歎維港景Brunch★AVA Restaurant Slash Bar

尖沙咀赫德道有間不太起眼的酒店,竟坐擁270度維港靚景!夜晚幫襯,冇六、七百也肯定落唔到樓!想平平地體驗它的靚景,星期六、日去食其半自助早午餐吧!包括一份自選主菜,沙律、小食及甜品都是自助任食!成人原價$388已唔算貴,但原來預先以「Rhombus Dining 」餐飲手機應用程式訂位,每位只需$278(已包加一),變相有65折,真心抵食!

基本上全場都看到這270度維港靚景,不過想近距離一點欣賞,就記得訂位時request window seats了!
基本上全場都看到這270度維港靚景,不過想近距離一點欣賞,就記得訂位時request window seats了!
有即切烤羊腿、鴨肝、凍肉任食;自助甜品則有法式燉蛋、慕斯、朱古力噴泉等。
有即切烤羊腿、鴨肝、凍肉任食;自助甜品則有法式燉蛋、慕斯、朱古力噴泉等。
亦可加$100將主菜升級為芝士白汁焗龍蝦(半隻)。
亦可加$100將主菜升級為芝士白汁焗龍蝦(半隻)。
主菜方面,有四款選擇,牛里脊肉、海鱸、澳洲羊架及自家製意粉。
主菜方面,有四款選擇,牛里脊肉、海鱸、澳洲羊架及自家製意粉。
任食頭盤有十幾款選擇,refill速度快,還不時有新款推出。
任食頭盤有十幾款選擇,refill速度快,還不時有新款推出。

地址:尖沙咀赫德道8A隆堡麗景酒店38樓(顯示地圖
電話:3550 0262
供應時間:星期六、日12pm-3pm
平均消費:$280
備註:設加一,收信用卡

延伸閱讀

【抵食餐廳錄】 巨型炸髀飯!尖沙咀9大中西日韓菜(上)

一次就成功﹗素食派對‧惹味孖寶食譜@麻瓜鄧

最新吃喝玩樂資訊