【周末有節目】Bubble Football 達人開講！@運動祥

【泡泡足球運動祥】領展赤柱廣場「雜果大激戰」喺啱啱嗰個星期日（1/11）終於開波！身為泡泡足球（Bubble Soccer）fans嘅我，又點可以錯過！？小弟已經身先士卒組隊參加，嗰日戰況激烈，我隊同對手實力不相伯仲，結果係點…er…唔重要，最重要係全力以赴，做到最好！仲俾我見到Bubble Football Hong Kong 教練－Larry同呀文，梗係捉實佢哋問到篤，等我下場比賽殺對手一個片甲不留先！

第1「講」－笠住護膝，撞到唔會慌失失

好多人都以為Bubble Soccer淨係得個波，咁就錯晒喇！正所謂「著波boot都要著襪先」，Bubble Soccer都一樣，教練話「笠戰衣先要笠護膝」，保護番個菠蘿蓋。

成日撞嚟撞去會好容易整親，都係一場誤會，教練話Bubble Soccer充足保護到頭部和腰部，加上有護膝，真係落雪不怕，落地也不怕！

第2「講」－輕輕一伸，戰衣好易笠

未上陣前，梗係要著好戰衣先！好多人都以為Bubble Soccer咁大粒好難著，咁就錯晒喇！教練話只要先將Bubble Soccer平放原地，然後將身體「捐」入去。

再以「揹書包」方式固定Bubble Soccer和身體嘅位置，兩手捉實扶手，就可以輕鬆駕馭方向，點走點撞都無問題！

第3「講」－致勝關鍵，身心放鬆先

想贏！？唔係講爭勝心，而係要玩得開心！碰撞性十足，但比起普通運動更加有趣，就算唔識踢波都可以參加，一大班friend一齊玩，非常過癮！友誼就係最犀利嘅teamwork！

星期日，赤柱廣場，等你迎戰！

今個星期日唔好又係行街食飯睇戲喇！而家有埋Bubble Football教練開金口教路，一於去領展赤柱廣場嘅「雜果大激戰」領略下當中真諦，免費報名就有得玩，勝利隨時喺你手！

日期：11月8日及15日（逢星期日）
時間：下午1時至6時
地點：赤柱廣場天幕廣場
活動詳情：LinkHK.com （查詢熱線：6113 2730）