759
759

著數!759 阿信屋推電子錢包 增$100送$100

熱話

廣告

拍卡消費(嘟八達通卡付費)就用得多,「拍機消費」就無乜點用過!最近 759 阿信屋就向這個消費模式進發,推出新式電子支付系統,再同7-11便利店聯成一線,為這個電子錢包進行支援,今次真係絕!想知係乜?下面慢慢話你知!

用過八達通、 支付寶及NFC網上付款系統嘅用家可能對呢個新推嘅電子錢包無乜驚喜,用手機付款好似唔係咩新鮮事喎!不過呢個TnG Wallet系統仲有即時轉帳、中港繳費通、團購同電子優惠券等功能,實情係香港版嘅支付寶!對IOS用戶嚟講,NFC網上系統只得Andriod機用戶 用得,而TnG Wallet 亦有開放畀IOS用戶,終於唔駛得個望字啦!

介紹返,TnG Wallet係由亞洲軟件開發公司SINO Dynamic 研發,現與259間759阿信屋及924間7-Eleven便利店連接,此外,亦與銀通 (Jetco) 的ATM終端機,及23間銀行的網上銀行合作及協議,以作增值及直接付款,咁以後去買嘢食,就真係帶部電話落街就搞掂。

 

其實TnG Wallet 係點玩?

1. 下載

於GOOGLE PLAY STORE或APPLE STORE下載TnG手機應用程式及登記成會員。

2. 增值

打開手機程式後,選取「增值帳戶」,再選取增值方法。
可到759阿信屋或7-Eleven各門市即時增值,或以信用卡、網上銀行、銀聯及銀通轉帳。

3. 付款

增值完成後,選取「我的錢包」及選取付款模式,其後,「輸入交易密碼」。待畫面便會彈出QR CODE,手機對準「拍」後,即完成交易。

 

用新電子錢包有咩著數?

著數1:

首20萬名用戶下載TnG Wallet手機程式及增值$100(不論是店內增值或是程式內網上增值),TnG Wallet即多送$100!不過每個電話號碼會員限登記一次及只可享用首次增值優惠,即是如果你手機多、號碼多,先有機會做多幾次會員,然後喺20萬新會員之中爭到幾個席位,至有多幾百蚊洗。

著數2:

由本日起至11月19日,到759阿信屋及759 Kawaiiland購物及以TnG Wallet付款,可以正價7折,街坊價8折,公價9折外,可再享88折,但優惠不適用於膠袋徵費、「熱賣價」貨品、「清貨價」貨品、換購價貨品、香煙及自動販賣機出售之貨品。前者折扣時不時都有,但折上折呢個著數就較為少見,以購物$100為例,如果是正價7折的話,折後即是$70,但再以TnG電子錢包付款的話,再88折後只是付$61.6,比原價慳$38.4,咁又唔錯喎!