誘發感性的元朗歐陸餐廳@Dining娜
誘發感性的元朗歐陸餐廳@Dining娜

誘發感性的元朗歐陸餐廳@Dining娜

(Presented by 金壘餐廳)

11月絕對係令一眾打工仔憂鬱嘅月份,事關閒日都有假放嘅10月已經過去喇!揭下個日曆,最快都要到聖誕先再有呢支歌仔唱!(喊)漸濃嘅冬意加上吹過一陣幽幽的色士風,吖唔係,係涼風先啱,唏噓之情油然而生!如果你問Dining娜做咩無啦啦咁有feel?我會答你因為去完位於元朗八鄉嘅金壘餐廳之後觸景生情!點解?睇落去你就知!

1
金壘同好多有咁上下歷史嘅餐廳一樣,都有個好舒服嘅露天雅座。

金壘餐廳個名,我Dining娜細細個就聽過!金壘有30幾年歷史,仲記得喺我的少女時代,我阿爸阿媽已經會帶我去食嘢!嗰時家住九龍,一家人搭車入黎元朗已經好似去旅行咁興奮!搭西鐵到錦上路又或者喺觀塘坐巴士,再轉綠Van入嚟1個鐘車程同屋企人有講有笑嘻嘻哈哈咁,其實好快唔經唔覺就去到!

聽講金壘最近出咗新菜,連近期好紅嘅盧覓雪都有去試,令我都好有衝動去試下,順便懷緬過去!細個阿爸阿媽帶我去,大個到我帶番佢哋,而家有車嘅我特別欣賞佢哋門口都有泊車位俾客人泊車,就算冇位都可以問餐廳拎車飛,泊喺附近嘅上村停車場,夠晒方便!

金壘招牌豬手之一:烚豬手
金壘招牌豬手之一:烚豬手

我Dining娜鍾意試新菜就係人都知,但其實我對老字號都情有獨鍾,不過又好怕桃花依舊,味道全非!你知啦,有啲餐廳會因為大廚走咗又或者繼承人學藝未精而令菜式變質。但滾動嘅係金壘嘅招牌豬手同以前一樣咁好味!佢有烚、焗同炸3款味道!我肯肯定細個時烚豬手只此一家,而家當然喺其他地方都試過,但就只有金壘嘅烚豬手先做到肉質嫩滑得嚟有「口趙」頭。

而3款豬手之中,本小姐最鍾意嘅係焗,蜜糖包住豬手再加入黑椒去焗,外層嘅皮焦脆內層仍然食到肉汁,鹹度適中,我阿爸都話水準keep到同以前一樣!
而3款豬手之中,本小姐最鍾意嘅係焗,蜜糖包住豬手再加入芥末去焗,外層嘅皮焦脆內層仍然食到肉汁,鹹度適中,我阿爸都話水準keep到同以前一樣!
除咗招牌菜,當然亦要試新嘢!呢款牛肋骨一切落去即刻骨肉分離,好容易就食到香口惹味嘅牛肉,幸福到呢!好!有一種幸福叫,食牛肋骨但唔使切半日先食得一塊肉仔!我Dining娜話嘅!
除咗招牌菜,當然亦要試新嘢!呢款牛肋骨一切落去即刻骨肉分離,好容易就食到香口惹味嘅牛肉,幸福到呢!好!有一種幸福叫,食牛肋骨但唔使切半日先食得一塊肉仔!我Dining娜話嘅!
另一款新菜式係牛肝菌松露意大利雲吞,雖然賣相無咩特別,但食落口一啲都唔會覺鹹,仍然好滋味,喺呢個落重調味料就話好味嘅年代,淨係呢點已經好值得加分!
另一款新菜式係牛肝菌松露意大利雲吞,雖然賣相無咩特別,但食落口一啲都唔會覺鹹,仍然好滋味,喺呢個落重調味料就話好味嘅年代,淨係呢點已經好值得加分!
食咗咁多相對濃味嘅菜式,食番個沙律是常識吧!呢兩款味道清新嘅芒果大蝦沙律同鮮果煙鴨胸沙律實在相當合我心意。
食咗咁多相對濃味嘅菜式,食番個沙律是常識吧!呢兩款味道清新嘅芒果大蝦沙律同鮮果煙鴨胸沙律實在相當合我心意。
我屋企人特別鍾意食海鮮,食完紅肉食番海鮮拼盤亦係指定動作!呢碟拼盤有齊食海鮮應有嘅優點,鮮甜又多汁!
我屋企人特別鍾意食海鮮,食完紅肉食番海鮮拼盤亦係指定動作!呢碟拼盤有齊食海鮮應有嘅優點,鮮甜又多汁!
好多情侶都鍾佢個interior 夠情調,又或者好多朋友會喺度包場開party 。我同屋企人就唔想嘥個view ! 有得揀都會揀露天位!偶爾仲可以見到有人帶幾隻狗嚟嘢,個樣悠然自得到,我指啲狗啊!
好多情侶都鍾佢個interior 夠情調,又或者好多朋友會喺度包場開party 。我同屋企人就唔想嘥個view ! 有得揀都會揀露天位!偶爾仲可以見到有人帶幾隻狗嚟嘢,個樣悠然自得到,我指啲狗啊!

今日兩老都好開心,講番多往事,最深刻都係我啲為食史!不過呢,食嘢呢家嘢,好食梗係基本啦,但食個景食份情同回憶又係另一個層次!記得金壘餐廳附近有好多好去處,好似大帽山同嘉道理農場咁,難得入到去,我地間中都會去埋行山或者去農場玩。啊!究竟嗰時我哋係為咗去金壘食嘢先去農場去行山,定係為咗玩先去金壘食嘢呢?望住食得開懷嘅兩老,或者細個我笨唔純粹係為咗食又或者玩而入嚟,佢哋都一樣啫!

金壘附近嘅好去處之一:嘉道理農場
金壘附近嘅好去處之一:嘉道理農場

金壘餐廳

地址:元朗八鄉上村DD114號(顯示地圖

電話:2488 1642

 

最新吃喝玩樂資訊