Oreo
Oreo

【超市零食伏‧唔伏】香濃日本咖喱湯麵 VS 淡栗子軟 Oreo 邊款領嘢?

飲食

廣告

番緊工想食魚蛋、拿破崙點算?唔駛愁,佢地已經以零食形式係香港出現了!今期同大家比拼下一堆唔應該係零食的零食,當中有芝心餡手指餅、香濃日本咖喱湯麵、超鬆脆拿破崙、超班優質魚蛋、唔捨得飲櫻花酒同淡栗子軟 Oreo,邊樣好食、邊樣伏?試過先知!

1.芝心餡手指餅

這芝心脆卷標榜由21種穀物及8種 蔬菜焗製而成。有三隻味可以選擇,今次買車打芝士味。脆卷外層口感與桃哈多粟米條相似,包著口感順滑的車打芝士餡,味道香濃,食完一條已經成口芝士,不過食得多很易膩,一包8條有排食。

全線百佳、松坂庫有售
電話:2690 0948(百佳);2323 8700(松坂庫)

2.香濃日本咖喱湯麵(推!)

由日本最大型連鎖咖喱屋 Coco 壹 番屋監製,湯汁與餐廳內的咖喱味道很相近。淥起後聞到好濃的咖喱香味,不會太辣,配合番茄酸甜的味道,食到停唔到口。配料有肉、油揚和椰菜等,足料!不過麵吸湯力強,煮了就唔好等,馬上食!

7-11便利店
電話:2299 1110

3.超鬆脆拿破崙

大坂人氣甜品店 Pablo 繼芝士撻後的新作,11月9日前指定一田超市都設有攤位售賣。拿破崙長達20cm,可切 6-8件。每層夾住宇治抹茶和cream cheese,酥餅鬆脆,配搭軟滑的cream,層次豐富,不過奶油味過濃,蓋過抹茶的甘香味。

一田超市
電話:3955 1818
備註:產品於指定分店如觀塘、沙田店有售,詳情致電查詢

4.超班優質魚蛋

四海魚蛋的品質一向不錯,在眾多產品中,此 Upgrade 版魚蛋餅包裝最特別,一盒16粒,價錢合理,即買來試下。魚蛋餅一開已傳來魚蛋的鮮味,白魚蛋口感彈牙,入口是濃厚的魚肉味,外形同味道都超晒班!

Piago
地址:九龍灣德福廣場二期4樓
電話:2997 2848

5.唔捨得飲櫻花酒

櫻花酒內有原朵櫻花和食用金箔,單是外形已相當吸引,味道像梅酒,入口香甜,酒味隨後出現,凍飲酒味更突出。11度酒精濃度,與葡萄酒的濃度相若。開瓶後,最好當天飲完,放進雪櫃,可保存兩星期。

松坂庫
地址:尖沙咀金馬倫道35號地舖 (顯示地圖
電話:2323 8700

6.淡栗子軟 Oreo(最伏!)

Oreo又有新搞作,加入秋季大熱 的栗子口味。一包10件朱古力軟餅,外形像 Macaroon,口感像軟蛋糕,十分鬆軟。可惜朱古力軟曲奇味過濃,蓋過了栗子忌廉的味道,唔講唔知係栗子味。

一田超市
電話:3955 1818
備註:產品於指定分店如觀塘、沙田店有售,詳情致電查詢

延伸閱讀:

必掃!日本限定 即食麵 @小Q

冰火二重!流心芝士雪糕撻 【大坑食乜好】

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..