【周末攻略】呃like之選  5大日落靚景!
【周末攻略】呃like之選  5大日落靚景!

【周末攻略】呃like之選 5大日落靚景!

秋天就最適合親親大自然㗎喇!除咗行山郊遊之外,記者都好鍾意四出睇日落,又靚又浪漫~ 今次就介紹5個睇日落勝地畀大家啦!

下白泥

周末 日落 下白泥

相信香港人對下白泥都唔陌生,呢度係新界最西面嘅地方之一,所以出咗名可以睇到靚日落!有體力嘅話,仲可以由屯門良田坳行入去,路程大約兩小時,沿途風景都好靚~

周末 日落 下白泥
睇完日落,記得留低等埋Magic Moment!

不過下白泥靚就靚喇,交通就比較唔方便,目前只得一架33號小巴來往元朗同下白泥。日落之後,排隊等小巴嘅人龍絕對會嚇親你,而且20分鐘先一班車,記者試過足足等咗兩個鐘先上到車呀嗚嗚!

交通:★☆☆☆☆
難度:★☆☆☆☆
靚景指數:★★★★☆

機場維修區

周末 日落 機場維修區
來源:西文Simon

呢度係另一個少有可以睇到太陽從海平面消失嘅地方,完全冇高樓大廈遮掩,只要天氣符合預期,就可以影到靚靚日落!除咗日落之外,仲可以近距離睇到飛機升降。

周末 日落 機場維修區
來源:西文Simon

記者當日由東涌踩單車去到機場維修區,都只係大約1小時,不過只有大約一半路程有單車徑,接近飛機維修區嘅路段都要踩馬路或者行人路,記住要注意安全。如果唔想踩單車,亦可以喺東涌搭S52巴士,班次都算密。呢度嘅草地亦可以影到好多靚相~

周末 日落 機場維修區

交通:★★★☆☆
難度:★☆☆☆☆
靚景指數:★★★★★

南朗山

海洋公園就去得多喇,附近嘅南朗山你又去過未?以黃竹坑巴士總站起點,15分鐘就可以去到南朗山休憩公園,再行45分鐘就可以到達山頂停機坪。近至深灣、海洋公園,遠至南丫瓜、鴨脷排、香港仔避風塘嘅景色都可以盡收眼底!

周末 日落 南朗山

交通:★★★☆☆
難度:★★☆☆☆
靚景指數:★★★★☆

蛇嶺

近年先開放嘅蛇嶺,以往一直都係邊境禁區,所以識得嚟嘅人並唔多,由馬草壟軍營小巴站行到山頂,都只係需要45分鐘,呢個毫無阻擋嘅小山丘,絕對係睇日落嘅好地方!

周末 日落 蛇嶺
來源:流浪攝

除咗日落之外,呢度嘅夜景亦都好吸引!

周末 日落 蛇嶺
來源:流浪攝

交通:★☆☆☆☆
難度:★★☆☆☆
靚景指數:★★★★☆

九龍炮台山

呢個炮台山並唔係講緊港島線港鐵站嗰個炮台山,而係油塘附近嘅炮台山,又稱魔鬼山。由油塘港鐵站一出,往鯉魚門邨方向,經衛奕信徑第三段就可以到達炮台山,呢度絕對係睇維港景色嘅九龍區代表!

來源:流浪攝
來源:流浪攝

歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!
see first

最新吃喝玩樂資訊