欣澳紅葉
欣澳紅葉

欣澳紅葉2024|即睇3大打卡位+交通+欣澳海濱長廊鐵路軌前往方法!

香港好去處

廣告

欣澳紅葉2023|只要有紅葉嘅地方無論市區定郊區都必定人頭湧湧,想人少少咁靜靜欣賞紅葉,欣澳可能係一個唔錯嘅地方。新假期尾經為你整合了前往欣澳海濱長廊鐵路軌的方法和3個打卡位,想去欣澳睇紅葉就不能錯過了!

香港賞紅葉好去處6大地點推介!

欣澳紅葉2023|欣澳海濱長廊鐵路軌+打卡好去處 附交通及前往方法

位於欣澳嘅小楓香林,由欣澳港鐵站出發,只需約30分鐘,路程平坦十分方便。沿途仲有幾個充滿旅行感覺嘅打卡位,包括海濱石堤、棕櫚樹、以及鐵路旁邊嘅狼尾草同蘆葦草,適合一家大小同情侶來賞楓兼chill。

欣澳紅葉2023|交通方法

首先由欣澳港鐵站A出口出發,於欣澳運輸交匯處前往海濱方向走。海濱的景觀很開揚,對岸可望到屯門青山一帶的景色。

 欣澳紅葉 欣澳港鐵站A出口出發。
欣澳港鐵站A出口出發。(圖片來源:新假期編輯部)
 欣澳紅葉 欣澳呃like 懶人包三大打卡位+睇紅葉!附前往方法
於欣澳運輸交匯處前往海濱方向走。(圖片來源:新假期編輯部)
 欣澳紅葉 到達海濱保持直行,沿途都有海濱石堤俾大家隨意打卡。
到達海濱保持直行,沿途都有海濱石堤俾大家隨意打卡。(圖片來源:新假期編輯部)

欣澳紅葉2023|欣澳海濱長廊前往方法

於欣澳站A出口,於欣澳運輸交匯處直行穿過巴士站,到海堤路轉左一路向前行。

欣澳紅葉2023|打卡位1. 漫遊海濱石堤

 欣澳紅葉 石堤嘅石頭凹凸不平,行去拍照嘅時候要注意安全。
石堤嘅石頭凹凸不平,行去拍照嘅時候要注意安全。(圖片來源:FB@Minayeungwm)

欣澳紅葉2023|打卡位2. 鐵路旁 狼尾草+蘆葦草

海濱沿路海天一色,好有鄉村小路嘅感覺。旁邊嘅鐵路間中會有列車駛過,感覺有啲似去咗台灣或者日本。

 欣澳紅葉 有唔少鐵路迷偶然會攞定相機喺度捕捉鐵路經過,即按快門,捕捉震撼時候。
有唔少鐵路迷偶然會攞定相機喺度捕捉鐵路經過,即按快門,捕捉震撼時候。(圖片來源:新假期編輯部)

喺呢度唔洗行山,都可以睇到生得好茂密嘅蘆葦草。周圍亦比較少人,可以慢慢擺pose打卡。

 欣澳紅葉 唔使同人迫都可以親親蘆葦草。
唔使同人迫都可以親親蘆葦草。(圖片來源:FB@Minayeungwm)
 欣澳紅葉 溫馨提示,大家影還影,記得切勿採摘。
溫馨提示,大家影還影,記得切勿採摘。(圖片來源:FB@Minayeungwm)

欣澳紅葉2023|打卡位3. 小楓香林

經過藍白色嘅露天貨倉後,繼續向前走,轉右穿過大橋底。去到分岔路口再轉右,就去咗鐵路嘅另一邊,而小楓香林就隱藏喺白千層林嘅後面。

 欣澳紅葉 藍白色嘅露天貨倉。
藍白色嘅露天貨倉。(圖片來源:新假期編輯部)

呢度大約有十幾棵楓香樹,樹高約2至6米,可以話係零距離感呀!紅葉1至2月係成熟期。而家嚟就係最佳嘅時候!溫提大家無論睇定打卡時,都要愛護呢度嘅一草一木!自己垃圾自己帶走!

 欣澳紅葉 嘩!四周圍都無人,我可以獨佔成棵樹慢慢影!
嘩!四周圍都無人,我可以獨佔成棵樹慢慢影!(圖片來源:FB@Minayeungwm)
 欣澳紅葉 欣澳小楓林嘅紅葉正處於成熟期,唔洗P圖都夠紅。
欣澳小楓林嘅紅葉正處於成熟期,唔洗P圖都夠紅。(圖片來源:FB@Minayeungwm)
 欣澳紅葉 小楓林附近都有種植其他樹木,呢張相有無萬綠叢中一點紅嘅感覺呢?
小楓林附近都有種植其他樹木,呢張相有無萬綠叢中一點紅嘅感覺呢?(圖片來源:FB@Minayeungwm)

欣澳紅葉2023|離開方法

大家離開的時候可以沿著原路走就可以返回欣澳港鐵站。

如何去欣澳海濱長廊?

於欣澳站A出口,於欣澳運輸交匯處直行…更多詳情

仲有無其他紅葉好去處推介?

香港還有不少地方都有紅葉盛放,像是石龍拱、欣澳等,以下就為大家整合了6大推介,又係時候bookmark定:更多詳情

圖片來源:新假期編輯部、FB@Minayeungwm、IG@minaywm