【秋冬大大鑊】全港４大韓式大鑊菜！ 20吋大鑊火燒芝士雞！

1.20吋大鑊 火燒芝士雞！

尖沙咀這家剛開業的韓菜店，餐廳名明叫「大大鑊」！有咩咁大鑊？！事關每桌皆有一個20吋大鑊，用以即炒鎮店的芝士風味雞，選用原隻春川雞起骨去皮，用韓國辣椒醬、醬油和韓國糖漿醃製。配以年糕、雜菌和紅蘿蔔等配料即炒，師傅在客人面前即炒，炒至半熟時灑油再用火槍照燒，最後放上芝士烤至熱溶效果，雞肉炒得剛好，嫩滑不老！老闆娘另一推介無骨鳳爪，同樣以韓式醬料醃製，辣中帶點有麻油香，彈牙爽脆，佐酒一流！

大大鑊
地址：尖沙咀厚福街8號H8 11樓（顯示地圖）
營業時間：12pm – 12am

2.Running Man 芝士奶油麵包炸雞

香港首間 Running Man 主題餐廳，除了店內的插畫，相片外，更有劉士邦專用水槍掛在牆上，各位可以隨便拎頭飾影相，玩RM小遊戲，落order時可以舉牌急call Oppa，最最最重要係可以偷襲Oppa，撕走它們背上的名牌，有大量芝士菜式，其中必食近期韓國大熱嘅芝士奶油麵包炸雞，4—6人份量嘅巨型炸雞，仲有個類似農夫包嘅物體，包脆而不硬，側面有菌類，一味兩食。另一隻味就係俾奶油浸住嘅，超creamy。

Gangnam Oppa‬
電話：2705 0022
地址：旺角彌敦道726號10樓
營業時間：星期一至日 1200-2300 (顯示地圖)

3.咁都有專利？ 過江 Oppa 堂弄炒豚肉

最近 韓國餐廳 一間接一間，不過有 Oppa 攞埋專利的韓國菜式你又見過未? 這間過江龍在韓國有三十多家分店，即鐵板炒黑豚肉，這道菜的食譜、煮法及醬料都在韓國拿了商標專利，醬料說是家傳秘方，認真巴閉。Sioyakki 的食法，是先炒熟西班牙黑豚肉，加上秘製醬料、葱絲及韓國蔬菜等同炒，再把其中1/3的豚肉剪碎，拌入紫菜及米飯，炒香後混入Mozzarella 芝士即可。醬料似升級版豆瓣醬，但更香更濃味，飯內吸收豚肉的肉汁，食落好惹味，亦能做出芝士牽絲效果，好邪惡！

朴將軍全韓烤

•地址：銅鑼灣駱克道491至499號京都廣場9樓（顯示地圖）
•營業時間：12nn-12mn
•座位數目：72
•人均消費：$200
•查詢：2898 7001
•備註：接受信用卡，需加一服務費

4. 古老復時興熨斗烤肉 超JUICY！

當韓燒店愈開愈多，不過卻像倒模般面目模糊時，這連舖頭招牌都設計成像Iron Man 的熨斗韓燒店確實夠搶眼。為什麼食韓燒要用上熨斗？原來用鐵板壓著食物燒並非新鮮事，話說韓國從前打仗時物資短缺，捕到的獵物會直接放在盾牌上烤，由於盾牌表面不平，於是要出動重物壓在上面使食物均勻受熱，後來漸漸應用到韓燒中，可減少燒肉時反來反去流失肉汁的機會。立心想開一間韓燒店的馬先生，覺得這個主意夠噱頭，於是便鑄鐵造成1公斤重的熨斗狀鐵板給客人烤肉，果然令不少年輕人躍躍欲試。

連一嚿鐵都講究，食材也一樣捨得入貨：澳洲M5級肉眼、M9級澳洲西冷、西班牙黑毛豬……連牛舌都用上安格斯牛舌芯，十分落本，厚的肉用上「熨斗」燒，食物相對快熟兼juicy！燒肉之外，一系列的創意料理也是亮點，如韓國傳統水冷麵，人家加冰粒保持冷凍，老闆卻索性用湯加水果做成手工雪條的模樣，完全捉到香港人貪新鮮的心態。

M5牛肉眼 $280

泡沫咖啡炸雞 $128 （半隻），$188（全隻）

寒冰水冷麵 $88

熨烤達人
地址：旺角洗衣街147號地下（顯示地圖）
電話：2336 6308
營業時間：6pm-1:30am
平均消費：$300/位

延伸閱讀：

唔使排隊！$18伯爵茶味 芝士撻 出現了！
最新！Cupcake配雪糕 超呃Like【尖沙咀食乜好】
旅遊淡季繼續加推平機票！嚟呢度揾埋酒店就最著數！