芝士吐司
芝士吐司

【掃街王】荃灣5大邪惡新食事!7重7彩芝士吐司!

飲食

廣告

雖然筆者非荃灣人,但都一定知道荃灣人好食!事關新食店如風車輪流轉,新食事仲愈嚟愈邪惡,近個月新加入的7重7彩芝士吐司、流心蛋龍脷柳漢堡、巨型芭菲等,令人垂涎又驚肥幾磅,筆者以大無畏既向橫發展精神,同大家橫掃荃灣5大邪惡新食事!

1.番茄、薰衣草變Cheese !7重7彩芝士吐司!

剛剛昨天(10月27日)才正式開業的這家芝士吐司專門店,試業期間經已大排長龍,店主參考韓國Issac Toast,加以改良,引入大量新芝士口味,芝士由法國直送,最突出的必數紅色的芝士番茄、藍色的薰衣草芝士和綠色的羅勒芝士,即使基本的芝士口味也混合了Mozeeralla、Cheddar、Gruyee和Emmental四種芝士,此為之7重7彩芝士,麵包每日由本地麵包廠鮮製,其他配料如意式肉醬和豬腩片由店主每日新鮮醃製,吐司即叫即烤,吐司外脆內軟,配合不同口味芝士,不知不覺又肥幾磅了。

KALA Toast
地址:荃興徑昌泰大廈地鋪(顯示地圖
營業時間:12pm-12am
電話:3706 5432

2.韓國引入 巨型年糕芭菲

荃灣這間韓式甜品 Café 開張,總廚曾飛到韓國跟韓籍廚師學整甜品,賣相十足在首爾吃的一樣!刨冰機從韓國運到,打出的冰比雪花幼細,加奶和忌廉,牛奶味極濃,質感綿密,上面 topping 選擇多,份量大到可以兩三個女仔 share! 芭菲也是大大杯,有齊忌廉、雪糕、酸乳酪、粟米片等,夠晒飽 肚。其他韓式甜品例如爆谷雪糕、韓式年糕多士及自家製蛋糕都 好受歡迎,更有小量意粉及包類。店內有多款小遊戲及卡 game 可以拎埋位玩,年輕人 gathering 又多個選擇!

冰雪公主
地址:荃灣享和街都城大廈地下 A 舖(顯示地圖
營業時間:12nn-1am
電話:2812 2981

3. Wasabi 芝士拉麵

荃灣新開這間拉麵店,自家製豬骨湯底,用上荷蘭豬手及本地豬肚骨12個小時熬製,濃郁豬骨鮮味在口中久久不散。口味可選青芥末、黑蒜油、辛辣味噌和周末限定的海老湯,最特別就是自家製日本芥末湯底,選用了信州 Wasabi,同時亦加入了 Mozzarella、 Cheddar及Parmesan三款芝士平衡口感,令 芝士拉麵 湯底更細滑。

豚道樂
•地址:荃灣大河道63號卓明大廈地舖(顯示地圖
•營業時間:12nn-10pm
•電話:39569163
•備註:不收加一服務費,暫不接受信用卡

4.萌爆癲噹主題餐廳

卡通公仔 Pop-up Café 永不過時,幾時門口都大排長龍。除了外國卡通,本地可愛又為食的 癲噹 都加入戰團,去西日式餐廳夢見屋做店長!走進店子,平時和風設計大改變,換成鋪天蓋地的癲噹,就連餐具都印有肥嘟嘟 癲噹 樣。

士多啤梨貓屋吐司 $65(左一)
新鮮士多啤梨點綴厚多士,再配充滿奶香的雪糕 和忌廉,味道酸甜清新。

搗蛋奄列伴貓咖喱飯定食 $75(左二)
癲噹可愛嘜頭飯,伴滑嫩有蛋香的奄列蛋,再加微辣咖喱,惹味。

癲噹熱牛奶抹茶 $32(右二)
充滿茶香及濃郁奶味,口感厚滑。

噹噹紅芭菲 $55(右一)
香脆粟米片配草莓果醬及牛奶雪糕,酸酸甜。

食物跟一向夢見屋的分別不大,分別供應咖喱飯、蛋包飯、炸雞等,但賣相就大不同,芝士年糕、熱香餅、厚多士都烙印了癲噹嘜頭,就連白飯都有癲噹個萌樣,夠晒搞笑。今次餐廳還推出以前夢見屋未有的限定兒童餐和9款甜品,當中最驚喜是士多啤梨貓屋吐司,新鮮草莓肉,味道酸甜,加上牛奶雪糕,配搭佳。除了影食 物,還可抱癲噹公仔呃like,人咁高癲噹店長會隨時出現。餐廳亦有限量版癲噹餐具套裝發售,粉絲們準備掃貨啦!

夢見屋 X 癲噹主題餐廳
地址:荃灣愉景新城商場1樓1028號舖(顯示地圖
營業時間:11am-10pm
電話:2493 2183
備註:平均消費$80/位;加一服務費,接受信用卡

5.12cm高!流心蛋龍脷柳漢堡

漢堡熱潮唔好比佢停,事關荃灣路德圍最近又增添多一位賣 漢堡 嘅成員,Mr & Ms Burger。呢度嘅 漢堡 都有返咁上下份量,其中龍脷柳流心蛋 漢堡 ,淨係塊龍脷柳都已經有成吋厚,而成個漢堡包加埋有成12cm高,差啲就大過記者塊面,再加埋流心蛋壓落去爆開的一下,真係無得輸。

Mr & Ms Burger除咗推出漢堡包,仲有熱狗。呢隻熱狗,雖然無熱溶芝士熱狗咁邪惡,不過佢個賣點係夠晒大份,有成22cm長(又係差不多手臂咁長),想食漢堡包以外食物人士可以考慮下。

女孩子總係覺得食咁多肉就好肥,呢隻菇就啱晒你啦!首先佢隻菇本身都幾大隻,都差不多手掌咁大,而上面又加咗芝士同埋煙肉碎去焗。食落,隻菇本身好juicy,而個芝士同煙肉都焗得幾香,唔錯!

最後介紹返一款傳統漢堡,雙層牛肉芝士漢堡。用上雙重安格斯牛肉和雙重車打芝士做餡料,食肉獸們,係時候發動攻勢啦!

提提你:所有食物可以加$28變做套餐,會有一杯飲品和薯條,如果想轉為薯角要再加$5。

Mr & Ms Burger
地址:荃灣海壩街77號地下(顯示地圖
營業時間(試業期):星期一至五:17:00-23:00;星期六和日:12:00-23:00

延伸閱讀:

掃街王】平到震怒食新蒲崗!$10鮑魚+$218生蠔放題

【掃街王】荃灣夜市好去處 試食報告

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..