冷糕
冷糕

【大埔食冷糕】賣足13年‧好食過雞蛋仔多多聲@大仁生活

博客

廣告

食冷糕食上癮, 可惜油麻地宙叔又不是經常開檔…有朋友告訴我:「大埔都有得食啦」, 真的嗎?? 即時動身出發.

「昌運中心」不就是從前吉之島斜對面, 旺角坐72x總站一過馬路的商場??

一步入商場, SY已大大聲:「我知間雞蛋仔舖一定係附近…(我:你點知?), 好香喎, 你聞唔到咩?」(係!真係好香雞蛋味)

朋友教路:「你買冷糕之餘, 記得賣金莎朱古力醬格仔餅, 超好食…」 我們17:26到達, 第一時間跟女店員說:「金莎朱古力醬格仔餅, 同冷糕唔該」

老闆:「唔好意思, 今日無晒金莎, 普通朱古力醬好唔好, 冷糕就等3分鐘即整」. (吓?? 咁早就賣晒?? 老闆每日限量有冇10件呀?)

老闆豪氣答:「吖! 咩十年, 每日最少過百件呀! 今日假期早咗賣晒咋」(我專登旺角入嚟食㗎…朋友話新假期推介喎)

老闆搖搖頭::「我哋做咗超過13年, 真係最怕D雜誌走嚟, (多啲生意唔好咩?),好麻煩, 會有更多人唔鍾意…
你唔明㗎啦…」(你講白D我就一定明囉)

結果, SY指定要朱古力雞蛋仔, 飲荔枝玉露, 套餐價$22, 便宜了$2. (唔… 雞蛋仔算合格啦, 味道濃一點會更好…
早知早D過來就有金莎食可能仲好!!)

問到冷糕的問題, 想不到老闆竟然是高手:「我以前跟師父做冷糕, 唔係咁細件, 大大舊, 再要切細佢先賣㗎…E家全部用電爐, 唔夠火力, 所以先改良咗細細件…風味一定唔及以前嘅, 叫做有得食啦」

原來舖頭叫冷糕做花生夾餅, 這裡跟油麻地宙叔版本…Size一樣, 餡料同樣豐富, 牛油、砂糖、花生碎和椰絲,
蛋香則輕巧了一點.

「雞蛋仔專門店」有一個好處, 就是永久舖位, 不怕走鬼….下次過開大埔, 又想止止咳, 頂頂癮, 感受一下冷糕的氣味…去昌運走一轉唔會失望.