今秋必試5大金牌蟹舖@Dining娜

博客

廣告

(Presented by肥仔號、華興行、旭海、永富、上海新三陽南貨)

雖然天氣愈嚟愈凍,但身為一個「吃貨」,喺呢個秋冬之際,對食嘢嘅欲望,同氣溫相反,係會愈嚟愈熾熱嘅!秋風起,唔使我提,各位為食人士都知道又到蟹季啦。聽過人地話「世界上第一個食蟹嘅人係相當勇敢嘅」,諗落又真係,而身為蟹迷,更加要多謝佢嘅勇敢,造福後人啊。

大閘蟹可以話係蟹中極品,食咗咁多年,唔敢話自己係專家,但總有少少心得嘅。廣告話打邊爐最緊要係個爐,唔通食蟹最緊要係碟醋?咪玩啦,要食到靚蟹,關鍵當然係去邊度入貨。買靚蟹唔使過海嘅,九龍區已經有好多優質選擇,等我介紹番啦。

肥仔號大閘蟹專門店

呢間肥仔號主要賣太湖同陽澄湖大閘蟹,最有型係佢標榜「唔靚包換」呢個保證,你就知佢對自己賣嘅蟹幾有信心啦。聽老闆講,佢每年都會親自去當地揀靚蟹,品質上乘,價錢公道,所以街坊熟客都好支持。

員工同老闆都係專家,佢哋教路尾部睇落淡黃色,表示蟹膏新鮮;蟹肚有少少鼓起,就係飽滿嘅象徵,記住喇!
老闆同員工都係專家,佢哋教路尾部睇落淡黃色,表示蟹膏新鮮;蟹肚有少少鼓起,就係飽滿嘅象徵,記住喇!
每年9月10月,呢個櫃對蟹迷嚟講,就好似金庫一樣,睇見都興奮啊!
每年9月10月,呢個櫃對蟹迷嚟講,就好似金庫一樣,睇見都興奮啊!

地址:九龍城侯王道73號地舖(顯示地圖
電話:2718 7207
網站:www.fatho.com.hk

華興行

Organic嘅菜同生果聽得多,你有無諗過原來大閘蟹都可以有機!華興行喺江蘇太湖有自己嘅養殖場,對水質、養殖員經驗同養殖方式呢幾方面,都有嚴格規定,確保無污染,而且堅持用魚仔、水藻呢類天然飼料嚟餵蟹,唔用人工飼料,所以真係有機嘅大閘蟹。至於食落味道有乜唔同?你自己試下啦。

想大手買入有機太湖蟹?華興行可以網上訂購或者國內取貨,蟹迷隨時隨地都可以輕鬆入貨啦。
想大手買入有機太湖蟹?華興行可以網上訂購或者國內取貨,蟹迷隨時隨地都可以輕鬆入貨啦。
食蟹慣咗配酒嘅話,華興行都有唔少選擇,一定可以滿足到你。
食蟹慣咗配酒嘅話,華興行都有唔少選擇,一定可以滿足到你。

地址:佐敦吳松街148號I-J地舖(顯示地圖
電話:2838 1688
網站:www.wahhinghong-crab.com

旭海

呢間老字號除咗陽澄湖蟹出名,近年嚟講,太湖嘅同樣係主打。以前就話陽澄湖先正宗,但其實今時今日技術進步,兩個地方嘅出品已經一樣咁高質。而旭海有個優勢係成本相對低,因為舖頭係老闆自己物業,唔使交租,自然可以喺價錢上調整下,回饋一班熟客仔啦。

反正介紹蟹舖,我都唔怕長氣咁講,記得剔走個六角形嘅蟹心,相傳佢係「最寒涼之物」,唔食好過食。
反正介紹蟹舖,我都唔怕長氣咁講,記得剔走個六角形嘅蟹心,相傳佢係「最寒涼之物」,唔食好過食。
大閘蟹證書基本上係每間老字號必備嘅,擺出嚟有氣勢,客人又買得放心。
大閘蟹證書基本上係每間老字號必備嘅,擺出嚟有氣勢,客人又買得放心。

 

682_旭海_07

地址:深水埗海壇街227A地下(顯示地圖
電話:2360 0663 / 2360 0762

永富大閘蟹專門店

平時呢,永富睇落係生果舖,但一到蟹季,就會多咗幾個專櫃,賣頂級陽澄湖大閘蟹!呢度老闆同大陸蟹商一齊搞蟹場,千挑萬選至誕生1款鎮店之寶:輝皇蟹。聽個名都feel到佢會爆膏,因為係每100隻之中揀30隻出嚟,再重點培育嘅,難怪好多城中名人好似蔡瀾、發哥、劉青雲都係佢Fans啦。

如果要形容,每間蟹舖都係名校,而輝煌蟹係名校生入面考頭3名嘅,膏嘅量同鮮味係幾突出。
如果要形容,每間蟹舖都係名校,而輝皇蟹係名校生入面考頭3名嘅,膏嘅量同鮮味係幾突出。
嚟永富除咗買蟹,仲可以揀下日本生果同酒,品質一樣有保證。
嚟永富除咗買蟹,仲可以揀下日本生果同酒,品質一樣有保證。

地址:九龍城侯王道47號舖(顯示地圖
電話:2718 2688 / 2718 2689
網址:www.wingfu.hk

上海新三陽南貨

終於輪到壓軸嘅呢間老字號喇,就係喺九龍城接近60年嘅新三陽,佢絕對可以話係全港知名嘅大閘蟹專家。為咗確保品質,佢哋直頭喺江蘇太湖自己開咗養殖場,用螺螄、田螺呢類天然飼料餵蟹,聽講會令蟹膏同蟹肉嘅蛋白質量更加高,味道會比較鮮甜。佢最特別係舖頭賣好多配蟹一流嘅酒,又有好多傳統乾濕貨,好似金華火腿、雪菜咁,就算唔係蟹季,我都不時去幫襯㗎。

一到蟹季,放工啊、晚飯嘅時間呢,舖頭就非常熱鬧㗎喇,一班老伙記連飯都唔得閒食,忙住做生意。
一到蟹季,放工啊、晚飯嘅時間呢,舖頭就非常熱鬧㗎喇,一班老伙記連飯都唔得閒食,忙住做生意。
食大閘蟹飲花雕類靚酒是常識吧?新三陽靚蟹多,靚酒一樣多,呢款雕皇就係我嘅至愛。
食大閘蟹飲花雕類靚酒是常識吧?新三陽靚蟹多,靚酒一樣多,呢款雕皇就係我嘅至愛。

地址:九龍城侯王道49-51號舖(顯示地圖
電話:2382 3780
網址:newsamyung.com