松本清
松本清

日本大型藥妝店松本清進駐香港!現正招聘香港店員 你又最想開邊區?

香港好去處

廣告

日本大型藥妝店松本清喺好耐好耐之前已經講過即將進駐香港,不過講咗成一年幾兩年都無咩聲氣,大家眼裡的日本過江龍連鎖店只得Donki同壽司郎,而近日就有好消息啦,有網民在求職網站上發現Matsumoto Kiyoshi (HK)正在招聘店舖售貨員,即松本清即將正式進駐香港!

撰文:GW |來源:Matsumoto Kiyoshi、JobsDB、Japan Travel

日本大型藥妝店松本清正式進駐香港!
現正招聘店員中 你又最想開邊區?

在新冠疫情底下,不少人都無辦法離開香港一解旅行癮,而香港人的「鄉下」日本就令不少人掛念,儘管日本的過江龍連鎖店如Don Don Donki、壽司郎、AEON在香港開舖開得成行成市,都始終差咁小小,未能百花齊放。

日本大型藥妝店松本清正式進駐香港!(圖片來源:Japan Travel)
日本大型藥妝店松本清正式進駐香港!(圖片來源:Japan Travel)
未到12點,門外已排滿等食的街坊!更有街坊清晨6點多已來排隊,認真厲害!(圖片來源:壽司郎)
壽司郎分店一樣愈開愈多(圖片來源:壽司郎)

日本龍頭大型連鎖藥妝店松本清是港人到日本時必逛的藥妝店,勝在日本化妝品、保健品款式夠多夠新奇,價錢亦相宜。而松本清早於2019年已經計劃在香港和越南開分店,當時消息一出就已經令很多人感到雀躍,惟這兩年來都沒有新的消息傳出。

DONKI屯門分店位於屯門巿廣場,全場超過28,000呎。(圖片來源:新假期編輯部)
Donki每間都爆滿,你就知香港人幾掛住日本⋯⋯(圖片來源:新假期編輯部)

正當大家正要遺忘此事之際,就有網民在香港求職網站上,發現Matsumoto Kiyoshi (HK) Co., Limited,即松本清(香港)的招聘消息,無錯,松本清終於要正式進駐香港啦,Are you ready!未來買日本藥妝、日用品、保健食品又有新去處啦!不過在分店地址方面就未有提及,你又最想開喺邊區呢?就等記者以後再為大家更新啦!

Matsumoto Kiyoshi (HK) Co., Limited招聘中(圖片來源:JobsDB)
Matsumoto Kiyoshi (HK) Co., Limited招聘中(圖片來源:JobsDB)
條件不算苛刻,但就未有列明工作地區,好有想像空間!(圖片來源:JobsDB)
條件不算苛刻,但就未有列明工作地區,好有想像空間!(圖片來源:JobsDB)

松本清香港

開幕日期:待定