【程仔真鬼馬】Paris求婚之旅晚餐篇(上)@為何斯德哥爾摩沒有譚仔三哥
【程仔真鬼馬】Paris求婚之旅晚餐篇(上)@為何斯德哥爾摩沒有譚仔三哥

【程仔真鬼馬】Paris求婚之旅晚餐篇(上)@為何斯德哥爾摩沒有譚仔三哥

嗯嗯,唔知大家記唔記得,上個~再上個禮拜程仔比左個驚喜Trip我。原來古古惑惑帶左我去巴黎求婚呀!(sor9,又係法國!)
話咁快我就做咗準人妻成半個月喇,不如同大家分享下我地係巴黎求婚成功後,當晚食左D咩啦!

當晚我地例牌又去咗間法國餐廳,點咗個海鮮拼盤。
等我同大家逐樣逐樣解構。

1.生蠔

有睇開我嘅朋友都知道我係個生蠔怪,嚟到法國就當然要「隊」吓法國生蠔啦。
而家開始凍,鍾意食爽口生蠔嘅你就趁好時晨食多D喇!

P1020473

2.大隻肥蟹

隻肥蟹好L肥,D膏多都爆出嚟,不過味就唔夠大閘蟹咁正。
一個人食半隻都已經飽死,鍾意食淡淡肉嘅朋友啱哂。

P1020472

3.奇型怪狀小龍蝦

兩隻當中係有一隻好好味,另一隻就霉霉地(就係身上有督野果隻,我好後悔食咗)。
嗯,果然講到小龍蝦都係唔夠瑞典果D好食。

P1020478

4.小海螺

幾好丫,幾有味又唔韌。
不過食嘅時間請小心,唔好食埋佢後面果包屎,有人唔小心食咗不過我唔話你知邊個。
(利申:我冇。)

P1020475

最新吃喝玩樂資訊