【自助餐 放蛇臥底組】$428 海鮮雙子塔 50呎長甜品枱
【自助餐 放蛇臥底組】$428 海鮮雙子塔 50呎長甜品枱

【自助餐 放蛇臥底組】$428 海鮮雙子塔 50呎長甜品枱

九龍城最近有間酒店推出海鮮雙子塔 自助餐 ,任食十款蒸海鮮,仲要有埋50呎超長甜品枱,到底抵唔抵食呢?即睇試食報告!

雖然係晚飯時間,但只有七成入座率,而且座位都幾寬敞,坐得幾舒服。入座無耐有個職員見我無相關的信用卡,都照俾個七折我(原價每人$428,未計加一),即刻覺得好抵。

env

主打七層和九層的海鮮雙子層,一數發現原來得五層同八層。總共有約十款海鮮可選,如龍蝦鉗、青口、翡翠螺等,海鮮屬靚料,如巨大扇貝,因為蒸太耐都變得非常老,嘥料again!海鮮塔的原理是將蒸海鮮配上收集於塔底的海鮮精華,但這裡湯還湯,海鮮還海鮮,兩款法式海龍皇湯和避風塘家鄉番茄薯仔豆腐海鮮湯,味道偏淡,海鮮味似有還無

seafoodtower

soup

shell

選擇好想要的海鮮後,姐姐會把海鮮同湯放埋一齊。

 

然後去拎海鮮,Refill速度都幾快,唔需要搶住咁拎。當晚新鮮海鮮總共有五款,如松葉蟹腳、小白蝦等。麵包蟹的賣相都幾差,斬到屍橫遍野碎濕濕,最重要的蟹膏蟹籽散落於冰上,認真嘥料!原本主打有翡翠螺和虎蝦,但全晚不見蹤影。

musselbreadcrab

crablegshrimp

推介蟹腳和小白蝦,鮮甜彈牙,無雪藏味。

seafoodrecommend

 

刺身和壽司都新鮮,但都係普通款如三文魚、鱲魚等,選擇很少,想瘋狂食刺身壽司的話,呢度一定滿足唔到你。

sushi

 

熱食選擇多但無咩特別,最正係串燒!串燒雖然唔係好多選擇,都係雞翼、翠玉瓜、牛肉等,但味道唔錯,雞翼肉滑,菠蘿多汁!串燒燒完會放旁邊熱住佢,而且有三款醬汁可選,如泰式酸辣醬和甜酸醬等,睇得出都幾細心,讚!

skewersskewersauce

 


食到咁上下又到咗甜品時間,呢度張甜品枱有成50呎長,糕餅選擇超過十五款,最特別都係有得自製窩夫同刨冰!窩夫製作很簡單,只需將適量蛋漿倒落個模到,合埋個蓋等差唔多兩分鐘就搞掂!新鮮熱辣,旁邊有超過十五款配料任你落,如朱古力碎、棉花糖、蜜糖等,窩夫味道充滿蛋香,粉味不重,必試!

waffle

waftop

 

呢部老爺刨冰機雖然有啲生鏽,刨冰是要很用力轉動手柄,並會發出「吱吱」聲,但都幾得意,可以一試。刨出來的冰幾綿,有約十款配料可選,如西米、爆珠、煉奶等。

ice

 

另一款推介甜品係榴槤布甸!我見隔離枱食咗十幾樽,就等我試吓佢!一開蓋不得了,勁香榴槤味,仲要有榴槤肉,食落啖啖都係好濃郁的榴槤味,布甸好滑,想再追加但好可惜只是淨返一樽,榴槤迷要食就要快手!

durian

 

雪糕有Haagen-Dazs同Dreyer’s,合共有十款口味,份量亦都好充足。旁邊有Macaron配Dreyers雪糕夾心,望落好精緻,配雪糕好正!

haagen

dreyers

macaron

 

總分:7/10

雖然主打的海鮮塔效果麻麻,海鮮蒸咗好耐影響口感,但所用材料都係新鮮靚貨,而且甜品大加分,特别係自製窩夫、刨冰同榴槤布甸!任飲任食,再加上有七折,折埋再加一都係$300頭,都算抵食。

儷廊咖啡室

地址:九龍城沙浦道30-38號富豪東方酒店地庫1樓(顯示地圖
電話:2132 3502
晚餐價錢:星期日至四及公眾假期:成人 $428 / 小童 $288;星期五、六及公眾假期前夕:成人 $458 / 小童 $308,另收加一服務費

延伸閱讀:

德國啤酒節 $280 勁平啤酒自助餐 【將軍澳食乜好】

最新吃喝玩樂資訊