中環好去處
中環好去處

中環好去處13大一日遊景點!百年古蹟教堂/法國扒房/纜車主題Cafe

香港好去處

廣告

中環好去處|平時周末要「捐窿捐罅」搵盡香港影相打卡秘點,今次記者為大家介紹中環好去處,精選13大必去景點,包括文青cafe、法國扒房等,原來香港都一樣咁好玩!

中環好去處13大一日遊景點!百年古蹟教堂/法國扒房/纜車主題Cafe

按連結跳至

中環好去處|1.中環街市

中環街市是三級歷史建築,修復及保育項目早於2017年已經開始,經歷超過3年的修復及保育工程後,由老舊的建築活化成全新設計,同時保留多個原有建築元素,設有4萬呎的休閒用地。全新的中環街市引入不同類型的商戶進駐,有100多個零售及餐飲食肆商戶,場內採用開放式日光設計,空間感開揚;13個具特色而保留的街市檔口,部分邀得香港老字號如金源米業及南丫天虹,或社企如銀杏館等營運,承傳特色和意義。

中環街市詳情
中環好去處
(圖片來源:新假期編輯部)
中環好去處
(圖片來源:新假期編輯部)

中環街市

地址:中環皇后大道中93號(顯示地圖
日期:即日起開業
時間:10:00am-10:00pm

中環好去處|2.大館 百年古蹟打卡聖地

大館前身是中區警署建築群,經過多年活化工程後2018年正式開放。去大館除了可以了解中區警署、域多利監獄、中央裁判司署的歷史之外,雖然已經開放咗好一段時間,但環境依然值得影相, 大多熱門打卡位都俾人影晒,不妨可以嘗試利用近鏡,或者搵一啲比較冷門嘅角度影相,咁就唔會咁易就認得出喺大館,有返啲新鮮感。

中環好去處
以大館其中一個水泥牆角落做背景,配搭埋顏色突出嘅衣物,更加可以突顯人物~(圖片來源:IG@chandaikim)
中環好去處
利用樓梯欄杆罅隙去做前景,再以簡單道具襯托,喺咪即刻唔同晒呢~(圖片來源:IG@ey._.photomemory)
中環好去處
唔少人影呢條旋轉樓梯都會就咁企喺到影,但只要花少少心思,用高抄角度影落去,令成條樓梯更具空間感。(圖片來源:IG@huen_618)

大館

  • 地點︰香港中環荷李活道10號(顯示地圖
  • 時間︰星期一至日8am-11pm
  • 前往方法:
    1)中環站D1出口,沿皇后大道中步行往上環方向,於域多利皇后街交界左轉,經100QRC內之自動扶梯以及中環至半山自動扶手電梯直達大館
    2)香港站E出口,沿中區行人天橋步行至前中環街市,經中環至半山自動扶梯系統直達大館

中環好去處|3.聖母無原罪主教座堂

呢座聖母無原罪主教堂係香港天主教過百年古蹟之一,有一種去咗歐洲嘅錯覺!由中環坐扶手電梯,一直上到過埋SOHO就會到達堅道48號,再落返地面沿堅道向金鐘方向步行約7分鐘,見到動植物公園後再轉右上斜,無耐就會見到呢座極唯美嘅歐式教堂,教堂前有一大片空地,不過影相時候要小心留意教堂前有沒有車輛經過,小心為上,咁就影都影得放心~

中環好去處
難得中環鬧市居然會有座哥德式純白教堂。(圖片來源:IG@viklhm)
中環好去處
影相記得唔好著白色衫,避免同個背景融為一體。(圖片來源:IG@karenvermouthcheung_)
中環好去處
女士們都不妨著返件洋裝,襯托返呢個咁唯美嘅地方。(圖片來源:IG@misscloud852)

中環好去處|4. 己利連拿 末世廢墟感隱世天橋

由聖母無原罪主教堂落返迴旋處再上斜,經過引水道離開小徑,沿路直上就到羅便臣道,上多幾層樓梯就會到達呢條己連拿利天橋,地點咁神秘,真喺相當隱世!中環一向人多擁擠,鬧市中居然都有呢個充滿末世廢墟感嘅打卡地點,不妨帶埋男女朋友逃離人類荒謬。

中環好去處
情侶呢個位影相勁有feel,記者即刻諗起句歌詞:「那裡只得我共你~」(圖片來源:IG@ljackylau0930)
中環好去處
天橋基本上極少人使用,即使有車行緊都唔會太嘈吵。(圖片來源:IG@maxhikinghk)
中環好去處
水泥構造嘅破落感,吸引唔少人嚟打卡。(圖片來源:[email protected]
中環好去處
香港比較少見彎型斜上嘅行人天橋。(圖片來源:IG@winniew_w)
中環好去處
適當調色就已經有末世廢墟感。(圖片來源:[email protected]

中環好去處|5. PMQ

PMQ原身是已婚警察宿舍,經活化後成為文青聚焦點,有超過100多個小店品牌進駐,包括本地設計師、Café、藝術家等。PMQ 還不時舉辦藝術展覽和特色市集,特別是節日的時候,非常熱鬧!PMQ裝修保留著昔日情懷,有不少人都會來打卡!

中環好去處
(圖片來源:新假期編輯部)

中環一日遊|6. 中環壁畫街

中環街頭另一特色是壁畫!來自世界各地的藝術家都會展現作品,令鬧事變得更色彩繽紛,有不少本地人和遊客都會特意尋寶打卡!

中環好去處|7.Art Central 2024

香港藝術周的重磅盛事Art Central 2024將於中環海濱盛大回歸,為各位帶來一場精彩絕倫的藝術饗宴。Art Central 2024 是香港藝術周的重要焦點,由大華銀行贊助,將於2024年3月28日至31日在中環海濱舉行(貴賓預覽日為3月27日)。 活動匯聚了亞洲新興畫廊的精英及國際知名藝術大師的傑作,展示當代藝術最新趨勢。

Art Central詳情
中環好去處
(圖片來源:官方圖片)

中環好去處|8.添馬公園「teamLab: 光漣」展覽

康樂及文化事務署(康文署)夥拍國際藝術團隊teamLab打造的「teamLab: 光漣」展覽,將在添馬公園和中西區海濱長廊(中環段)舉行,即睇詳情!

teamLab詳情
中環好去處
(圖片來源:政府新聞網圖片)

中環好去處|9.香港動植物公園

假期無去旅行,其實留喺香港過節行程都可以好豐富,不如就去香港動植物公園一日遊啦!呢度種植咗過1,000種植物,每月都有精選花卉開花,園內亦飼養咗唔少罕見嘅動物,即睇詳情。

香港動植物公園詳情
中環好去處
(圖片來源:官方圖片)

回到目錄

中環好去處|10. La Vache法國情調平價高質扒房

位於蘇豪區嘅La Vache,向來以平價優質牛扒薯條套餐見稱,更有齊晒前菜、沙津、牛扒及薯條。餐龐燈光偏昏暗,周邊牆身貼滿巴黎景色插畫,背景播放住法國音樂,完全感受到法國浪漫氣息嘅氛圍。牛扒用上肉味油香較平衡、貴價的肉眼,蘸上自家製牛肉醬汁,夠香又夠濃!薯條以牛脂肪炸成,香口好食,仲有得無限refill,記者曾經有位朋友足足添咗5次薯條,男士都唔驚會食唔飽!

中環好去處
牛扒薯條套餐。紅肉夾雜明顯的雪花紋路,入口甘香鬆化。黃色自家芥末醬汁做得Creamy富層次,蘸來吃感覺更油潤。薯條炸得金黃香脆,難怪客人都最少吃2-3碟。(圖片來源:新假期資料室)
中環好去處
周邊牆身貼滿巴黎景色插畫,尤如去左法國鋸扒!(圖片來源:新假期資料室)
中環好去處
牛扒放鐵碟上以燭光保暖,咁就唔驚食到一半就凍晒,非常貼心。(圖片來源:新假期資料室)

La Vache!

  • 地點︰中環蘇豪卑利街48號地舖顯示地圖
  • 電話:2880 0248
  • 營業時間︰星期一至三、日及公眾假期前夕 12nn-3pm 、6pm-11pm;星期四至六12nn-3pm 、6pm-12mn;公眾假期 12nn-15pm、6pm-10pm
  • Facebook專頁:La Vache
  • Instagram專頁:@lavachehk
  • 注意事項:
    1)可致電/網上訂座
    2)午餐時段歡迎任何訂座,而晚餐時段訂座只限於5位或以上之客人

中環好去處|11.Tram View Cafe

第六代山頂纜車正式投入服務,不少港人都爭先想與新一代纜車影靚相,這間位於中環半山區的隱世Cafe值得一去。T Tram View Cafe坐落在中環纜車的路軌旁邊,當纜車經過時,還會聽到纜車駛過的隆隆聲,與纜車正正擦身而過!最受歡迎一定是其窗邊打卡位,大玻璃窗戶可以看到新款的復古墨綠色纜車,呷一口咖啡再望著纜車駛過,相信眼前的觀景是絕無僅有。除了室內位置可以欣賞到靚景,室外一樣有打卡熱點,小店特意佈置木調吊椅,供客人以另類角度和環境與纜車留倩影。

Tram View Cafe詳情
中環好去處
中環半山Tram View Cafe很適合跟新一代山頂纜車打卡,窗邊位置特別受歡迎!(圖片來源:IG@yue0227)
中環好去處
Cafe外也是一個不錯的打卡地點,可以與纜車擦身而過。(圖片來源:IG@vanessafooddiary)
  • 餐廳:Tram View Cafe
  • 地址:香港半山䌫車徑2號地舖
  • 開放時間:星期一至五11am-7pm、星期六日及公眾假期10am-6pm
  • 前往方法:於中環纜車站入閘口外面
  • 電話號碼:2323 6873
  • Facebook:Tram View Cafe

中環好去處|12.八時神仙草

台灣的刨冰出名「平靚正」,是不少港人遊台的必食清單,今次八時神仙草於中環開設首間海外分店,相信可以滿足港人的胃口!小店由逢甲夜市的小攤檔起家,主要供應手工嫩仙草和仙草系列甜品,例如芋泥嫩仙草盛盤、焙茶燕世雪花冰、仙草凍奶茶等。所有嫩仙草都堅持用上8小時熬煮成形,不添加任何鹼粉,因此仙草呈琥珀色,食起來的Q彈口感全是純天然!

八時神仙草詳情
中環好去處
台灣八時神仙草登陸中環!主打嫩仙草雪花冰和手工芋圓。(圖片來源:FB@godlike1019)
中環好去處
首間海外分店開設在中環區,相信會吸引到不少港人到店重拾台灣風味。(圖片來源:FB@godlike1019)
  • 餐廳:八時神仙草
  • 地址:香港中環區歌賦街 19 號地下
  • 電話:2343 6933
  • 營業時間:星期一至日1pm-11pm
  • Facebook:godlike1019

中環好去處|13. 香港美利酒店

香港美利酒店由歷史建築美利大廈改造而成,酒店以白色和銅金色為主調,高大半圓形的拱廊配上嵌入式窗戶,充滿濃厚殖民地色彩。酒店設有室內泳池、24小時健身設施、水療和頂級餐廳食府。除了Staycation,有不少人都會來享受下午茶和拍照!特別是美利酒店的圓拱形走廊和獨有節果決明花樹,吸引不少人前往。

中環好去處
(圖片來源:新假期編輯部)
中環好去處
(圖片來源:新假期編輯部)

中環有甚麼打卡位?

中環有多個打卡景點,包拾位於…更多詳情

中環有甚麼餐廳推介?

中環區的餐廳類型眾多,文中介紹了CP值相當高的法國扒房…更多詳情

撰文:Icy圖片來源:相關機構官方圖片、新假期編輯部、Facebook、Instagram、新假期編輯部