【自助餐放蛇臥底組】$398瘋狂任食五款 大閘蟹 自助餐

大閘蟹之約,一年一次,絕對值得隆重其事。今年,我決定大~開~殺~戒,來次大閘蟹自助餐,豁出去,吃過痛快。將軍澳的紫粵軒去年首次推出這種除了蟹,只有蟹的新式自助餐,一出就大獲好評,今年再搞,一推出首星期已經訂滿,到底係未抵食先?

5款大閘蟹任食唔嬲

沒有騙你,入座率有9成之多,差不多全部人都在食大閘蟹,很有氣氛。話明任食,真的有5款大閘蟹排住隊等你試,即點即蒸,唔怕凍晒,都幾細心。5款大閘蟹包括:清蒸、冰鎮黃酒、薰衣草蒸、風沙及釀蟹蓋。花款幾多,很有新鮮感。

carb1 (1)
都坐得幾舒服,全場在食蟹,好有氣氛。

清蒸大閘蟹最大路,沒有驚喜。

crab2

黃酒冰鎮大閘蟹,酒香不足,吃不出黃酒獨有甜香。

crab3

風沙大閘蟹最好味,因為夠香,夠惹味。

crab4

釀蟹蓋,蟹肉多,外脆內香,有洋蔥及白菌襯托,啖啖肉。

crab5

薰衣草蒸大閘蟹,聽起來新穎,但其實吃不出任何香氣

crab6

 

蟹仔細細 膏香偏淡

廣告話每隻蟹約4-5両,但偷偷秤過,平均得一百克多啲,未夠3両喎﹗可能未是最當造時期,size普遍偏細,而且吃起來蟹膏不算甘香,顏色亦偏淡,未算好吸引。

蟹膏顏色比較淡,沒有塞滿蟹身的震撼景象,味道亦不夠香濃。

crab7

清一色供應蟹公,size偏細,不足3両,似未發育完成。

crab

 

一人一客特選菜式

大閘蟹雖細隻,但就勝在任點任食,落柯打後,10-15分鐘就上枱。今年特設拆蟹服務,加$5/隻,就有專人席前拆蟹。全個過程,1分鐘搞掂,抵唔抵,見人見智。怕吃蟹太寡,可以加$1換購燕窩蟹粉海皇羮,每人一碗。另外,每位客人亦附送兩粒鴛鴦蟹粉流沙丸。

原以為拆蟹專員會代為起肉,誰知只是剪去蟹肺,挑出蟹心之類,全個過程,1分鐘搞掂,早知慳返。

crab11

 

加$1換的燕窩蟹粉海皇羮,材料足,吃出燕窩及蟹肉,但稍嫌過鹹。

crab9

 

每位有兩粒鴛鴦蟹粉流沙丸,用蟹粉花枝打成,名為流沙,實流沙,扣分。

crab8

總分:7/10

可能是我們太心急,來早了,蟹明顯未合時,希望不是上年太受歡迎而令質素下降就好了。不過整體而言,有5款蟹可以任食,嫌size細,未食多幾隻補返數。好似試食當日,記者同攝影師就合力幹掉16隻,職員沒有黑面,而且服務好好。全程還有薑茶任飲,都幾方便。如果身邊有蟹癡朋友,孖住去互相挑戰,都幾開心呀﹗

 

大閘蟹 膏瘋會

地址:將軍澳唐德街3號2樓紫粵軒(顯示地圖
電話:3983 0688
供應日期:即日至15/11

供應時間:6pm-10:30pm
收費:平日$398/位,星期六、日及公眾假期$428/位
備註:設加一,收信用卡

 

延伸閱讀:

【 自助餐 放蛇起底組】十多款 Mövenpick 任食 $160酒店Lunch buffet
【掃街王】 尖沙咀 歎最Elegant小食甜品
秋天到!打邊爐!4間良心火鍋推介 【Blogger推介】

最新吃喝玩樂資訊