IKEA
IKEA

港情侶每周都行IKEA 男友大呻愈行愈絕望:係咪應該放女友走?|玩樂熱話

熱話

廣告

不少人愛行IKEA,但早前有港男就發文指會與拍拖5年女友最近開始都會每周行IKEA,為未來買樓作參考,但就表示一個原因愈行愈頹…

女友憧憬蝸居生活 倍添無形失落感

有網民在討論區發文,坦言「每次同女友行完IKEA,都會有好大嘅無力同失落感」。事緣樓主跟女朋友拍拖5年,兩人即將步入30歲,大家都視對方為終生伴侶,並開始計劃另一階段。

IKEA
(圖片來源:新假期編輯部)

樓主表示,雙方都有儲錢計劃,期望再儲多數年後,有足夠首期上車。為了實現上車夢,樓主跟女友每逢假期就會逛大型家品店,揀選心水傢俱:「每次逛IKEA,女友甜笑地跟我訴說將來蝸居間隔、佈局和擺設,還抄下各款心水產品的價錢同尺寸。」

年輕網民表示:「每次同女友行完IKEA,都會有好大嘅無力同失落感。」
年輕網民表示:「每次同女友行完IKEA,都會有好大嘅無力同失落感。」(圖片來源:連登討論區)

港男自知過不到壓力測試 絕望放負:「睇唔到將來!」

但是,樓主看到另一半對將來充滿期盼,自己卻感覺萬分無力。原因是樓主知道自己月薪過不到壓力測試,而居屋「抽獎」機會微乎其微,因此產生無力感,責備自己不能為女友付出更多。

樓主自覺「睇唔到將來」,內心同時掙扎:「之後5年繼續一起和女友逛IKEA發上車夢,延續她的期盼?或是放她離開,讓她跟有能力上車的男生交往?」

IKEA
(圖片來源:TVB《香港愛情故事》劇照)

網民得悉樓主因逛IKEA而悲從中來,紛紛留言表達同情。有背景相似的網民留言:「背景同你類似,但係每次我講起對將來屋企裝修設計嘅諗法,女朋友都即刻end topic,話到時先算。」亦有人為樓主獻計,可由租樓入手:「唔通真係各自同屋企人住到40歲咩。」

IKEA
(圖片來源:《金秘書為何那樣》劇照)

網民突破盲點:IKEA令你有買樓動力

  • 真係好灰,我都唔明點解香港人鍾意行IKEA
  • 明知買唔到樓,做住「租租」先囉
  • 我都好中意同男朋友行IKEA
  • 兩個加埋都過唔到壓測?
  • 好奇樓主搵幾多一個月
  • 抽居屋有冇得諗?地方遠嘅200萬以下

「今日IKEA有很多蝸居範案,就像示範單位,每看一次,都很渴望自己能有這樣的一套房子,但每看一次,只會加重自己的無力感。」

現實派:移民解決問題,仲蝸居?

  • 放過人啦!自己窮就算啦,仲要連累人
  • 簽紙抽居屋囉
  • 會唔會係你哋大想頭?
  • 咁你放假都返工啦,仲行IKEA
  • 香港人好得意,個個畢業就要講買樓
  • 兩個加埋都過唔到啲話,真係要反省下

「一定要買樓先可以結婚嘅話,其實香港好多人唔使結婚。」

IKEA 樓主大呻跟女友逛IKEA悲從中來,網民紛紛留言表達同情。
樓主大呻跟女友逛IKEA悲從中來,網民紛紛留言表達同情。(圖片來源:IKEA官方圖片)

網民批IKEA:一睇就知貧民傢私

網民討論愈演愈烈,網民更順帶評論IKEA產品的質素,為新手業主和租客添置傢私時提供另類參考:

  • 貪佢又平又快壞,隔年可以換傢私
  • 我都無買過IKEA,款又唔係靚,料又差
  • 淘寶好過
  • 一睇就知貧民傢私
  • 啲傢俬用蔗渣板,輕飄飄咁,我就唔敢用

原文刊於經濟一週

圖片來源:連登討論區、IKEA官方圖片、TVB《香港愛情故事》劇照、《金秘書為何那樣》劇照