便利店
便利店

【絕望真相】瑞典 vs 香港 – 數字 便利店 篇@為何斯德哥爾摩沒有譚仔三哥

博客

廣告

雖然好似好多人都對外國生活充滿憧憬。

但正所謂人離鄉賤,今次三家姐帶大家去斯德哥爾摩其中一間既數字 便利店 ,睇睇我日常既生活係有幾咁悲慘同絕望。

1. Bread bread bread

記得當年做空姐既時候,天未光就要出門口。
我最鐘意就係到樓下既數字仔買個熱既營多麵配燒賣,又或者熱辣辣既糯米雞做早餐。

而呢度呢?放眼望過去,全L部都係包!又乾又硬、打得死人既包。
如果你話香港既數字仔似茶樓,呢邊既數字仔就一定係麵包鋪。

P1020503

2.生果篇

呢點係瑞典抵讚既,好多 便利店 都會有生果賣,皆因好多人都好注重健康。
(但係呢邊係冇杯麵賣架!所以扣番一分。)

P1020509

3.熱狗篇

都算係 便利店 入面寥寥可數既熱食,通常都係得腸仔兩三條,場面冷清帶幾分可憐。
餓起上黎都救到一命既,不過不失啦!

P1020508

4.酒

呢度唔似香港, 便利店 一般都唔會有酒賣,就算有都係得呢D爛鬼啤酒,而當中酒精含量最高只有3.5%,飲十罐都唔會醉只會急尿。
如果你要係瑞典飲酒,一係就去酒吧,否則就記得要早小小去一間專賣酒既超市買。(之前介紹過的,請搵舊post。)

P1020507

5.ikea式夾糖

瑞典人對夾糖似乎有一定程度既執著。
無論你去到邊,例如超市、 便利店 ,甚至有D賣衫既潮鋪,都唔難見到有夾糖既出現。
而且唔貴,大家黎到不訪得間夾下。

P1020506

6.雜誌

雜誌架同香港果D一樣咁多姿多彩,分別在於好少人黎企係度打書釘,同埋呢邊 便利店 冇記錯是冇鹹書賣的。
(如果你買過話我知,有錯請指正。)

P1020504

7.收銀員

因為我去既時間個收銀員個樣好兇,又是一名光頭佬所以我唔敢影佢樣咁專。
但係佢地同香港既大同小異,一樣會隔唔中趁你比錢時問你要唔要加幾蚊換排糖之類。
佢地當中大部份都nice既,同香港果D一樣咁專業。

今次分享係咁多,留個言話我知你鐘唔鐘意睇呢類比較系列丫。
如果鐘意,話我知你下次想睇乜,bye!

 

延伸閱讀:

【 南法 之旅】唔食對唔住自己 – 甜食篇(上集) @為何斯德哥爾摩沒有譚仔三哥

【 南法 之旅】唔食對唔住自己 – 甜食篇(下集) @為何斯德哥爾摩沒有譚仔三哥