首現! 黑白朱古力噴泉 $360老牌酒店Buffet

佐敦有間酒店開咗廿幾年,平時行過都唔覺眼,但原來個Buffet有得食生蠔、長腳蟹,仲有 黑白朱古力噴泉 !網上有人話質素不錯,平日仲有七五折,計埋加一,埋單每位$400,等我試下佢先~

入座後,記者第一時間衝去睇下有咩海鮮!呢度有加拿大長腳蟹、英國麵包蟹、紐西蘭生蠔等,Refill速度夠快同埋望落幾新鮮!

buffet1

 

紐西蘭生蠔雖然細細隻,但肉質肥美,而且充滿濃濃海水味,雖然不是在客人面前即開,但都幾新鮮。

buffet2

 

刺身有五款,三文魚、鯛魚、帶子等,望落幾新鮮。帶子每人每次限取一粒,三文魚超厚切!

buffet4buffet5

 

「法式煎鴨肝伴蒜茸包」,鴨肝剛煎好,聞落好香又夠熱,鴨肝煎得香脆,食落冇鵝肝咁多油而且甘香,蒜蓉包夠脆,推介!

buffet8

 

串燒區勁香~主打有「白松露和牛串燒」,由於唔係即叫即燒,想食就要等。其他串燒如多春魚、雞翼、三文魚頭、肉丸等,好香好惹味,不過如果有啲秘製醬汁就更好喇!等咗30分鐘左右,終於見到和牛串燒!不過白松露變咗做番茄,有啲失望。和牛食落冇入口即溶嘅感覺,同普通牛柳粒冇咩分別,仲有啲黐牙。

buffet6

「法式海龍皇湯」每人每次可取一碗,仲有隻巨虎蝦!味道濃郁,海鮮味好出,虎蝦好入味,必試!

buffet7

熱食區有8-10款食物可選,不過味道大致上非常一般。如西班牙海鮮飯,非常乾身,蝦又冇味;豬仔骨肉超韌、薯條放咗好耐,超腍。最好味的是咖喱雞,雞肉夠嫩滑又入味,咖喱味香又不會過辣,配埋印度薄餅就最正!

buffet9

一行過甜品區就被 黑白朱古力噴泉 深深吸引住!配料雖然都係普通嘅棉花糖、士多啤梨等,但白朱古力噴泉真心少見。白朱古力奶味香濃,又不會過甜,要食!

buffet10

 

甜品當然唔少得macaron, Movenpick同Haagen Dazs!食到尾聲時Movenpick只剩幾杯,想食到想食嘅味就要快手喇!

buffet12

buffet11

另外可試的甜品有:豆腐花香滑豆味濃,焦糖燉蛋層焦糖脆卜卜,蛋夠滑!

 

總分:6.5/ 10

攞分位是凍海鮮和即燒串燒,海鮮新觧度和味道也不錯,串燒選擇都幾多,而且味道唔錯。電話訂位平日有七五折,埋單每位$400,假日一樣有七五折,埋單每位$440,價錢算幾平,但熱食實在太一般,鵝肝變鴨肝,白松露變番茄,大扣分!

紅煙窗餐廳

地址:佐敦彌敦道222號恆豐酒店2樓(顯示地圖
供應時段:晚上6時半至9時半
每位:成人$478,小童$278(星期一至四)
成人$518,小童$318(星期五至日、公眾假期及前夕)

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!
see first template

最新吃喝玩樂資訊