機票入手全攻略 大阪廉航 $1,000有交易
ROUND 1
廉航VS傳統航空！機票移動平均線
•「 $60最低價」往往只為宣傳噱頭，票量少、時間唔靚，可遇不可求。
•廉航價格非常海鮮，大時大節往往「博懵」收取傳統航空價；若只能於聖誕新年紅日出發，實在冇必要揀廉航。
•以上價格以出發日前3個月訂票為準、須另加稅項及雜費約$300。
Round 2
大阪廉航逐個秤
快運班次時間完勝，樂桃輸在行李收費偏貴，捷星則主力服務日客，時間 尷尬。留意快運減價多過食生菜，$1,100左右的優惠幾乎隔個禮拜就出 現；論貨量同入手機率，都係優先選擇。
Round 3
針對性平飛部署
三間廉航中，捷星甚少明顯劈價；樂桃雖然劈得多，但重大減幅通常只會於轉季時出現。HK Express 的60蚊瘋狂勁減約三個月推一次，但往往時間唔靚、好難爭到，主攻每月兩、三次的半價優惠會較為可行。
1. 永遠凌晨劈價！
快運減價分為大劈、中劈及小劈，價錢由一折、半價至八折。$1,100左右的小劈優惠，逢星期一、二例必出現，例牌於凌晨零時推出，大家可守株待兔，增加成功機會。
2. 行頭慘過敗家？
劈價雖然準時開賣，但預早狂撳F5並非上策；有員工踢爆開賣首小時往往幾千人塞爆server，成交卻只得廿幾宗！黃金入手時機是凌晨1時，人潮已過、飛未賣晒，機會自然較大。
3. 分開買回程最抵！
快運的機票價是按出發地的貨幣結算，建議可單獨買回程機票、用¥埋單；近月日圓沉底，但以¥結算的機票價卻未調整，同一張機票換算後可平近$80！
延伸閱讀：【日本中部】在 長野 開始慢旅行（連住宿和手信介紹）@西文Simon
全面淪陷！ 進擊的巨人 新展率先睇【大阪】
