8款京都買完唔捨得食嘅秋天限定和菓子

旅遊

廣告

(Presented by Standard Chartered Bank)

如果想喺日本買食物做手信,首選除咗乜乜香蕉之外,應該就係一盒盒賣相非常精緻嘅和菓子啦!要買最頂級最有歷史嘅和菓子,最好梗係去百年和菓子老店林立嘅京都,不過話明啲和菓子賣相好特別,揀嘅時候真係難免有啲花多眼亂,所以即刻為你送上8款精挑細選過嘅和菓子,包你買俾自己又唔捨得食,但又唔會捨得送俾人!

龜屋清永

位於京都嘅一間超過400年嘅老牌和菓子店,會跟住唔同季節同天氣推出相應嘅季節限定甜品,概念有啲似「不時不食」,唔同嘅地方就係龜谷清永係用季節嚟做設計甜品嘅靈感。不過除咗季節限定之外,佢哋仲有好多全年都啱食嘅和菓子,包保你幾時去都買到嚟做手信。但係買完捨唔捨得食就係另一回事啦!

最受歡迎嘅和菓子,「星づく夜」。以滿天星星同月亮嘅夜空做靈感,加埋檸檬口味,好有秋天感覺。

另一款秋天主題和菓子「秋の訪れ」。感覺好似喺京都滿遍枯葉嘅草地上面散步一樣。

龜屋清永

地址:京都府京都市東山区祇園石段下南

 

虎屋

坦白講,喺京都市要搵一間過百年嘅老店真係其實唔難。但喺老店林立嘅京都裡面,有超過450年歷史嘅虎屋菓寮都算係老店中嘅XO!菓寮曾經係日本皇室御用製菓店,到咗依家喺日本全國都有好多分店,但識食一定係返番去京都食虎屋啦。

好有秋意嘅「季節の羊羹」,用位於更科嘅深山日落做靈感。

「金魚の和菓子」,老老實實條金魚真係做得好真,呢款反反而唔係唔捨得食,而係唔夠膽食…

虎屋
地址:京都府京都市上京区一条通烏丸西入広橋殿町400

 

千本玉壽軒

鍾意京都嘅原因通常都係因為嗰度有好多又靚又宏偉嘅寺廟,例如清水寺、金閣寺等等。原來千本玉壽軒仲係金閣寺、大覺寺同仁和寺嘅「大會指定和菓子供應商」,當中仲有一款係全京都最出名嘅和菓子添!

呢款真係全京都最出名嘅「牡丹」和菓子,真係十足十一朵真花一樣。

呢款做「野路の菊」,除咗賣相得,個名仲得!

「星月夜」,睇多幾眼有啲似《數碼暴龍》嘅黑球獸,唔知你又點睇呢?

千本玉壽軒
地址:京都府京都市上京区千本通今出川上る上善寺町96

擔心淨係買和菓子都買到破產?唔怕,依家網上成功申請指定渣打信用卡,即有機會贏取HK$5,000旅遊禮券等你飛大阪,慳埋機票錢又多咗budget shopping啦!
立即申請

 

 

圖片來源:亀屋清永トップページ、pinterest