【 自助餐 放蛇起底組】十多款 Mövenpick 任食 $160酒店Lunch buffet

食 自助餐 邊間好? 近日皇家太平洋酒店lunch buffet引起網上熱話,只需要上網登記及繳付全費,就可以六折優惠價歎自助午餐,每位只係$160!簡直係超筍價,更有可能係全港最便宜的Lunch buffet!優惠期仲只係去到九月尾,等我地即刻為大家放蛇試食!

六款凍海鮮任食

入場前都有擔心過,埋單唔使$200的 自助餐 ,會否無啖好食,誰知由凍海鮮開始就已經有驚喜。雖然沒有生蠔,但款式也不少,有凍蝦、翡翠螺、蜆肉、青口,連凍瀨尿蝦都有,最多人搶的就是凍蟹,原隻斬 開兩件很巨型,每次Refill完都極速沽清。味道方面也值得一讚,凍蟹佈滿甘香的軟滑蟹膏,全無半點腥味,唯獨中間直接斬開會令蟹殼碎趺入蟹內,食時不太方便;蜆肉、青口等貝殼類也完全唔韌,青口更帶微微的牛油香氣,好食!凍蝦肉質不算彈牙,但超級鮮甜。難怪每個食客都拿到盤滿砵滿。

buffet15
無呃你,凍蟹真係極速沽清。

buffet14

buffet16

再來瘋狂食谷巴火腿、厚切刺身

食完凍海鮮,再發現即刨的谷巴火腿配蜜瓜,同場亦有莎樂美腸等的凍盤,誠意真係滿分。谷巴火腿口感比較濕潤,食落油潤鹹鮮十足,更能引出蜜瓜的甜味。

buffet4

頭盤仲未完!即切的日本刺身也不容錯過,有齊三文魚、吞拿魚、鯛魚及蟹柳,件件厚切又肥美;唔夠喉更有細細碗的魚生飯,以這個$160的 自助餐 而言,真係齋食頭盤都已經回晒本了。唯一缺點是刺身豉油淡而無味,需要改善。

buffet5

享受完豐富的頭盤,立即轉移陣地去熱食區。居然有四個Live Station咁多,分分鐘比平時坊間一般的 自助餐 還要多!當中包括即煮的粉麵檔,有清湯或喇沙湯底,麵底及配料的選擇也很豐富;另外還有即蒸點心,款式每輪不同,皮薄餡靚的蝦餃熱辣辣,食完一粒又一粒,仲有燒賣、咖喱魷魚、鳳爪和包點等,全部都很高水準;必食推介有即炸天婦羅,看著師傅不停將新鮮的蔬菜、蝦等材料蘸上薄薄的粉漿再炸,外脆內軟,完全不油膩。最後仲有燒烤Live station,有燒秋刀魚、燒雞翼等的燒物,燒牛仔骨充滿油脂香,肉質腍滑,很惹味,試食專員encore咗四件,絕對係必食!

buffet6
即煮麵檔Live Station
buffet17
即蒸熱辣辣點心,蝦餃皮薄餡靚好好味!

buffet13

buffet8
新鮮食材蘸上炸漿,即製香脆天婦羅。
buffet9
燒烤Live Station

Live station夠多之餘,其他熱食也是喜出望外。 自助餐 的熱食大多質素低落,甚至平平無奇,味道一般。但這裡的熱食卻值得一讚,除了保溫做得好,令食物長期保持新鮮溫熱之外,款式也很多元化,味道也很美味,中式小炒做得最好,風味十足。其餘的西式料理也是花心機之作,例如墨汁飯釀魷魚筒等。不論味道和質素都比一般 自助餐 優質。

buffet7

輪到甜品時間,這個超筍價自助餐仍然唔放過你。每枱附送一張雪糕卡,憑卡無限次任取。走到雪糕車前一看,竟然是Mövenpick 雪糕!而且有12款口味 任選,除了大路的款式如士多啤梨、原味乳酪外,還有特色味道如提子冧酒、楓糖合桃雪糕、法式焦糖燉蛋雪糕等。面對十多款口味的雪糕,記者已經覺得好難揀! 就連Topping也有十款,朱古力彩針、香蕉乾、熊仔糖,甚至連雞蛋仔和窩夫都有,可以逐件插在雪糕上,實在是太邪惡了!

buffet19
憑雪糕卡就能無限任食Mövenpick雪糕。
buffet1A
十多款 Mövenpick 擺在眼前,好難揀呀!
buffet3
Topping一樣令人感到花多眼亂!
buffet23
揀埋雞蛋仔做Topping,即刻變成hit爆的雪糕雞蛋仔!

食完雪糕,還有十多款的糕品甜品等著你。Cheesecake、慕絲、蛋糕、果撻、果凍…….女生們定必失守。味道也不錯,士多啤梨慕絲酸酸甜甜,絕非士多啤梨香精味道;合核撻很香脆,而且齒頰留香。而且甜品size很的骰,等你可以試晒咁多款都唔覺得飽滯。最後還有朱古力噴泉也是不容錯過。

buffet10

buffet12

飲品也有驚喜發現,一般自助餐都是咖啡、奶茶等款式可以任飲。這裡竟然有冰凍的藍梅沙冰!冰感度很足夠,沙冰更是幼滑,紫色的沙冰裡是甜甜的藍梅味,完全不是藥水味。記者於是又飲了三杯先罷休,整餐飽到捧住個肚走。

buffet24

總分:9 / 10

這個六折 自助餐 絕對能以無敵來形容,確實要給予一個極高的分數。作為一個自助午餐,由頭盤的凍海鮮、熱食到甜品都充滿驚喜,款式多,就連味道也屬高質,很抵讚。而且 自助餐 能夠做到中伏指數接近零,絕不容易,更不要說由頭到尾都令人滿意。再加上這個價錢非常吸引,真的做到平、靚、正!不過要溫馨提示你,優惠期去到九月尾咋,睇啱就快啲上網登記Book位喇!

柏景餐廳 Café on the PARK

地址: 尖沙咀廣東道33號中港城皇家太平洋酒店園景翼2樓(顯示地圖

查詢: 2738 2322

收費: (星期一至五、公眾假期前夕) 成人$268;小童$208
(星期五至日、公眾假期)成人$348;小童$258

備註:六折優惠須於dining.royalpacific.com.hk/tc/iprestigerewards登記並支付全費

 

延伸閱讀:
【Food Battle】 和牛火鍋 放題激鬥
【自助餐放蛇起底組】$148 放題 新場 試食安格斯肩胛肥牛
新假期周刊 電子書:

ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!

1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!
see first template

最新吃喝玩樂資訊