東京食堂
東京食堂

【大隱隱於巷】美食平民價 兩位年輕人的夢想 @ 東京食堂 @大仁生活

飲食

廣告

「年青仁」最支持內心有團火的真正年輕人, 絶對支持有創業夢的他們,因為自己當年也曾經創業, 可惜最後守不住失敗收場.

「 東京食堂 」位處於尖沙咀三角公廁附近, 一個絶密的後巷內, 從未想過尖沙咀有如此一個隱世地方, 非常好Feel.

東京食堂 別有洞天

阿太:「車!我晏晝成日去隔離間「聯威」架啦…你唔係咁大鄉里呀?仲話自己係搵食Blogger」(我知你係地膽喇)

這間秘密食堂, 由兩位剛剛畢業的年輕人合營,我問魁梧大廚阿樂:「點解無端端創業?」阿樂:「因為我同Nick都好鍾意食, 我鍾意煮, 又唔想打工, 所以就諗到一齊開間日本料理」

剛剛送畢外賣, 泊好單車的另一位老闆Nick回來, 聽到我問接口:「我哋理想係能夠做到好食之餘,重要有人情味, 一個同客人有交流嘅食堂感覺」

其實食堂的的式式, 坐位只有10個, 為何放Minions的位置不坐客呢? Nick:「樓上冷氣機滴水呀!我都想做多幾個客」(係呀!我頭先企一陣都以為落雨)

阿太:「以前E個位係食肉骨茶, 不過E家有氣氛好多」(你哋點搵到E度呢?)Nick:「我同地產講, 尖沙咀最平嘅舖位, 咁佢就帶我嚟咗E度」

用「別有洞天」, 遠離煩囂來形容這裡絶不為過,原來就是這種感覺吸引兩位老闆:「好似D客人有尋尋覓覓先搵到嚟, 先有嘢食, 好似都有少少驚喜掛」

餃子雞翼($24)配烏冬($25), 一定要點荔枝紅茶($18), 絶配就是這樣登場. (記得店內有5款凍飲…唔駛諗其他, 荔枝頂呱呱)

阿囝:「雞翼無骨㗎, D骨呢? (有啲婆婆專幫人lung骨麻), 你講真講假, (~偷笑中), 哦…你講大話」

蟹肉忌廉薯餅($24), 配沙律($32), 我最愛薯餅內軟軟滑滑的忌廉, 好好食…(賣咁平點賺錢?)

Nick:「我哋想做到街坊價價, 抵食, 人人都負擔得到囉」(你哋真係好…E家觀塘食過福建炒飯(麻麻地), 都賣$52)

(不過你哋要諗諗計, 真係要翻多幾次枱先得) Nick:「我哋每日要賺$2000先可以打個和, 無辨法, 舖頭太少位, 所以我哋主力外賣」

我非常佩服這兩位老闆的膽色,全個餐單都是街坊價錢之外,白飯竟然用上日本珍珠米…(黐線㗎~E兩條友…我有衝動不如日日嚟買外賣呀!)

食堂的串燒一定要定位時預先點選, 所以, 我們一早就點了牛舌和燒菠蘿.


阿樂好好人建議, 將牛舌切成條狀:「咁小朋友都可以易D食」, 牛舌很厚身,又爽又惹味,調味好, 鹹鹹甜甜, OK!


最後上枱的就是我們的甜品燒菠蘿, 阿樂:「之前朋友說, 外層燒得不夠脆, 所以今次加埋火槍」

菠蘿燒得不會太燶, 外層甜甜脆脆, 內裡多汁又夠潤, 這菠蘿是阿菠親自揀選的, 他說:「其實只要料靚, 唔駛點煮都已經好好味」

套用阿樂的煮食心得, 就是因為「東京食堂」兩位熱血老闆, 這裡的食物才會變得與別一同, 一份誠意加一份情, 成功在望!!


「東京食堂」
地址:尖沙咀柯士甸路15A柯士甸大廈地下D舖(顯示地圖

大仁生活facebook


香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..