【自助餐放蛇起底組】$148 放題 新場 試食安格斯肩胛肥牛

任食打邊爐 放題 邊間好?香港人一向都好鍾意打邊爐,最近在荃灣發現了家火鍋 放題 店,開業不足兩星期已有人龍!標榜無味精湯底,仲有16款咁多,愛打邊爐又鍾意 放題 任食的小編即管幫大家試味,睇下食唔食得過!

16款無味精湯底

打開menu一望,除了沙嗲、麻辣幾款常見湯底外,亦有滋補系列如藥膳湯及木瓜雪耳湯底,更有坊間少見的潮汕湯、櫻花蝦湯及酸菜魚湯等。Menu上寫明每個湯底入面有咩食材,一目了然,不用估估下。

5
Menu寫明有咩材料,一目了然

鴛鴦鍋要另外加$50,我哋今次點了潮汕湯及櫻花蝦湯,而打邊爐前可以先飲一碗靚湯。潮汕湯入面有大地魚、蝦米、豆卜、鹹菜、唐芹、大蒜、胡椒碎及豬骨,用料一點也不吝嗇,半鍋湯底入面有三塊大地魚,未飲都已經有好香濃的味道湧出。味道充滿魚香,甘甜味好突出,後勁重帶有好強勁的胡椒辣味,不能吃辣的千萬不要點。而櫻花蝦湯是由櫻花蝦、紫菜及味噌等熬製,有好多紫菜,清甜之選。飲完後一點口渴也沒有,無味精湯底飲多幾啖滋補一下,讚!

6
潮汕湯有三塊大地魚,好足料!
7
非常多紫菜的櫻花蝦湯

最抵讚是一入座每枱都會有一壺豬骨湯,供你自行加湯,不用叫店員過來,非常方便。另外,九成枱會有韓式抽風機,吸走油煙,打完邊爐不會有成大陣味,好貼心。

8
韓式抽風機抽走啲油煙,唔會成陣味。

開餐時間!打邊爐不可缺少的肥牛,店家落重本用上安格斯肩胛肥牛, 族題 店少見。肥牛肉味濃香又無渣,不過略嫌切得太薄身,唔夠口感。另外有自家法式牛肉,較肥牛厚身,但比較韌,味道竟然像吵嗲牛肉,太驚喜了!

11
安格斯肩胛肥牛肉味濃,回本之選!
12
自家法式牛肉有沙嗲牛肉味。

其他配料選擇與坊間款式差不多,但都有不少特色配料,例如有炙燒芝心包、薑汁皮蛋貢丸、鮮炸響鈴及花膠等,還有不少手打丸類,例如孜然雞肉丸、鯪魚球及墨魚滑等,食落特別彈牙,但味道就較一般。孜然雞肉丸本期待吃到很香濃的味道,但吃落似香精,失望。

 

自家製麻辣豬紅做小食或者打邊爐食都得,夾起時不易鬆散,但食落好潺,重會痴牙,麻辣味欠奉。

14
感覺好潺,又痴牙!

 

薑汁皮蛋貢丸好爽口,入面皮蛋饀料爆多,雖然小編平時不吃皮蛋,但都接受到它的味道,可以一試。

13
薑汁皮蛋貢丸好足料,有驚喜!

自助飲品甜品區

店內飲品都是自助,除汽水外,還有花果茶可選擇,不過收得好隱蔽,要問店員先有,驚喜的是有泰國飲品木敦果茶,味道似甜的玄米茶,聽聞可以幫助消化,打邊爐最啱飲。

15
木敦果茶幫助消化,好飲!

 

甜品區都是自助,有日式雪糕及乳酪機,港式火鍋店少見,不過個脆筒一啲都唔脆,太腍,要扣分!

16
可以自己整乳酪

總分:6 / 10

今次的任食火鍋 放題 值6分,配料選擇同坊間港式火鍋 放題 店差不多,雖然都有自家特色配料,但味道尚有進步空間。而且亦有漏單情況出現。但值得一讚的是無味精湯底真喺好足料,重有16款咁多,亦有自助飲品及甜品區,有花果茶飲好健康,港式火鍋 放題 店少見。價錢大路,亦可以一試。

 

一鍋堂

地址: 荃灣眾安街55號大鴻輝中心11樓(顯示地圖
電話: 24083771
營業時間:5:30pm-10pm 成人$148;小童$88
10pm-03:30am 成人$128;小童$88
假期前夕及周末+$10

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!
see first template

最新吃喝玩樂資訊