雪糕 雞蛋仔 襲港!溝埋奶昔仲吸引!【旺角】
雪糕 雞蛋仔 襲港!溝埋奶昔仲吸引!【旺角】

雪糕 雞蛋仔 襲港!溝埋奶昔仲吸引!【旺角】

之前我哋都介紹無窮無盡咁多款色既 雞蛋仔,抹茶、紫薯、芝士咩口味都試過晒,證明香港人對雞蛋仔嘅熱愛,創意嘅野真係無極限,上星期同大家介紹,喺美國食到嘅 雪糕 雞蛋仔經已係香港出現!

7月份先喺旺角開業,主打 雞蛋仔 嘅呢家甜品小食店,就推出咗6款雪糕雞蛋仔,大熱嘅抹茶紅豆同Oreo都有份,賣相經已好呃Like,不過呢間創意雞蛋仔品牌仲未夠喉,仲推出埋兩款雪糕奶昔雞蛋仔(奶昔雞蛋仔請參閱第3頁),睇完佢哋嘅賣相,記者肯定佢將會係Facebook同IG今個月最洗版嘅小食!

雞蛋仔, 雪糕, 街頭小食
士多啤梨雪糕雞蛋仔配糖霜曲奇 $48
雞蛋仔, 雪糕, 街頭小食
薄荷朱古力雪糕雞蛋仔配Oreo曲奇 $48
雞蛋仔, 雪糕, 街頭小食
石板街雪糕雞蛋仔配糖霜曲奇 $48
雞蛋仔, 雪糕, 街頭小食
綠茶雪糕雞蛋仔配紅豆蓉 $48
雞蛋仔, 雪糕, 街頭小食
芒果雪糕雞蛋仔配蘑菇蛋白脆餅 $48
雞蛋仔, 雪糕, 街頭小食
忌廉曲奇雪糕雞蛋仔配糖霜曲奇 $48

唔好睇奶昔雞蛋仔個樣好似鬼仔Milk Shake!但味道就好本土!暫時推出咗兩款口味包括阿華田同好立克,之上有多層Topping例如馬卡龍、燒棉花糖同pocky咁,賣相無得彈!

雞蛋仔, 奶昔, 街頭小食
好立克雪糕雞蛋仔奶昔 $88 Topping:馬卡龍、棉花糖、士多啤梨百力支及彩針朱古力
阿華田雪糕奶昔 $88 Topping:朱古力蛋糕、燒棉花糖、朱古力百力支及花生朱古力醬
阿華田雪糕奶昔 $88
Topping:朱古力蛋糕、燒棉花糖、朱古力百力支及花生朱古力醬

一開店就推出印度咖喱同肉醬雞蛋仔幾款鹹味雞蛋仔,今次同樣新增兩款鹹味雞蛋仔,同樣創意爆燈,分別係熱狗雞蛋仔同豬扒包雞蛋仔!

雞蛋仔,  豬扒包, 街頭小食
豬扒包雞蛋仔 $68
鹹味雞蛋仔配豬扒、太陽蛋、紫洋蔥及羅馬生菜
雞蛋仔, 熱狗, 街頭小食
熱狗雞蛋仔 $68
鹹味雞蛋仔配德國肉腸、兔治肉碎、羅馬生菜及芝士醬。

EAT WITH ME
地址:旺角廣華街2-20號翠園大廈2座地下8號鋪 (顯示地圖
營業時間:2pm-10:30pm

延伸閱讀:
全港最強雞蛋仔總匯!
全港最強街頭小食總匯!
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!
see-first2

最新吃喝玩樂資訊