豪歎姊妹團 澳門Bridal Shower Tour @Dining娜
閨密即將出嫁做人妻，見婚禮籌備得七七八八，我哋一班做姊妹嘅，梗係要安排一個畢生難忘嘅bridal shower同佢大肆慶祝啦，順便搵個藉口瘋狂玩番日嘛！
事前一早探過口風，知道佢呢段日子又要搞結婚又要兼顧工作，完全冇時間好好休息，希望大婚前可以豪歎一下，所以我哋都好識做，特登揀咗澳門文華東方酒店嘅套票，嚟個5星級嘅girls ONLY私密聚會！基本嘢好似船飛、早餐嗰啲唔講喇，今次個package最精彩嘅地方係包埋免費升級湖景客房、massage同餐飲coupon，仲可以優惠價享用澳門旅遊塔設施，簡直好似預先實習做貴婦一樣！
豪華湖景靚房
以為住5星級酒店好歎？有得免費升級豪華湖景客房仲爽呀！成間房以啡白調做主色，和諧得嚟又顯得高貴大方，襯晒我哋呢班優雅嘅女士，仲有落地玻璃對正海灣靚景，簡直舒服到一坐低就唔願離開。不過話晒係告別單身之旅，冇理由成日匿喺房虛耗青春，點都要出去行下，懶懶地第1日留喺酒店玩住先，爭取多啲時間girls’ talk，第2日再出去四圍玩！
精緻貴婦下午茶
話明豪歎，點少得滿足口腹之欲？以我咁嘴刁嘅性格，即使下午茶都一定要食到最好！大堂酒廊除咗品酒同品茶，仲係歎下午茶嘅好地方，呢度嘅獨特氣氛俾人一種慵懶愜意嘅感覺，大廚不時都會轉換tea set menu，咁就可以keep住為客人帶嚟新鮮感。今次個3層架有成10款茶點，件件都好精緻繽紛，幾個人一齊share試多幾款都仲得，啱晒眼闊肚窄嘅姊妹們。
全身按摩療程
行程其中一個主要目的係歎massage，放鬆下身心。唔講唔知，原來澳門文華東方嘅水療服務攞過好多次獎，呢度嘅按摩房絕對稱得上100分，唔單止環境舒適，仲有個無敵海景，邊按摩邊欣賞日落，夠晒relax！我哋做嘅係全身按摩護理，按摩師力度適中，配合埋特製精油，可以針對性咁舒緩身體繃緊嘅部位，做完成個人鬆晒叉滿電，又可以繼續食買玩歎！
(圖片由專業旅運提供)
專業旅運
查詢：3700 2877
網址：travelexpert.com.hk
Facebook：TravelExpertHKG
