估下誰是100人口中 奶黃月餅 之王?

飲食

廣告

講起 奶黃月餅 ,香港人只識半島嘉麟樓。8月尾連續5日網上訂購,8am開賣,8:04am售罄;淘寶炒至人仔6百蚊盒,明顯不是我等平民可以吃到。放心,天涯何處無芳草,本刊已經搜羅全城 奶黃月餅 ,由編輯部試食選出三甲。再到旺角街頭,請來100名市民即場投票,選出香港人心目中的奶黃之王。

旺角百人票選奶黃No.1

每年踏入9月,家家戶戶都關心的問題就是:今年邊間月餅最好食?與其靠估,又或者人云亦云,不如自己做判斷。本刊從市面買到的多款 奶黃月餅 品牌中,經試食選出三甲,再在旺角擺下月餅擂台陣,即場試食,選出冠軍。

3款被試的月餅分別是,以A為代號的「半島迷你 奶黃月餅 」;以B 為代號的「美心奶黃」;以及以C 為代號的「九龍酒店迷你酥皮 奶黃月餅 」。我們隨機邀請100名路過的行人進行投票,事前各人均不知月餅品牌,試食前每人均獲發「lam lam 脷」貼紙一個,試食完畢,即時在心水月餅的空格內貼上,過程公平、公開,又公正。

試食之始,大家都眼望望,怕怕醜,直至有幾個中年女士好奇 前來查問,人群就開始一湧而至。為了讓每位街坊明白投票的意義,同事Ning 逐個解釋,再派出選票,才開始進行試食。期間不止一次,有市民以為我們是推銷月餅的,第一句就問:「有沒有五仁月可以試?」亦有人在試食過後,向我們詢問 價錢及購買地點;有部份自由行可能嗚鳩後太肚餓,不問情由,全個月餅取走,邊行邊食,令人哭笑不得。不過,最多市民想知道,還是自己選出的心水月餅,到底是來自哪家寶號。

前後大約1.5小時,100名街坊就試食完畢。登登登凳……ladies and gentlemen,2015年 奶黃月餅 之王就是得票近半(47票) 的九龍酒店;排第二的半島迷你 奶黃月餅 就以6票之差,輸了馬鼻。至於第三的美心,就只得12票,遠遠落後。街坊的口味如此,你又會點揀?

1.精緻的骰九龍酒店迷你酥皮 奶黃月餅 (17.5分!NO.1!)

坊間傳聞九龍酒店與半島嘉麟樓共享同一 奶黃月餅 秘方,故此亦甚受追捧。由自家餅房生產,純手工製造,年年大賣。兩年前,開始推出兩個裝 奶黃月餅 ($78),適合小家庭,非常細心。

記者評分:
外觀:
賣相絕佳,顏色金黃,「龍」壓字清晰可見,美中不足是沒有獨立包裝。

味道:奶黃味濃,具蛋黃香,甜度適中,帶幽幽果仁香氣,又不失牛油和蛋香,不會太甜。

口感:整體不油膩,酥皮夠香,外皮厚薄適中,外酥內香,吃起來有鹹蛋黃碎,有質感!

價錢:$248/8個(每個$31,重39g)

銷售點:尖沙咀彌敦道19-21號九龍酒店大堂(顯示地圖
查詢:2929 2888

2.質地幼滑半島酒店迷你 奶黃月餅 (16分)

受惠於嘉麟樓的風潮,半島月餅的捧場客亦不少。酒店方面聲稱,半島月餅亦是依嘉麟樓秘方製作,但由於需求高,生產線並非設於酒店內。酒店主要負起監督的角色,保證質素。

記者評分:
外觀:
每個呈淡黃色,結實的骰,切開後仍可保持完整。

味道:內餡奶香濃郁,同時不失牛油和蛋香,三者平衡得好。

口感:整體質地幼滑,餅身油份較多,少許黏口。

價錢:$338/8個(每個$42,重37g)

銷售點:尖沙咀半島酒店商場內半島餅店 (顯示地圖
查詢:2696 6969

3.水準平穩美心奶黃月餅 (16分)

美心的 奶黃月餅 一向甚受好評,同樣自設本地廠房,以門市多,價錢大眾化取勝。除了傳統奶黃,還有流心 奶黃月餅 ,標榜不用加熱,切開就有奶黃流出,味道香濃。

記者評分:
外觀:
外觀完好,字印清楚,惟切開後每個中間有空窿。

味道:內餡似奶黃包的味道,偏甜。

口感:內餡口感Creamy濕潤,質感均勻;餅皮尚算薄。

價錢:$198/8個(每個$24.7,重48g)

銷售點:全線美心西餅、美心MX及中菜
查詢:2101 1333

 

延伸閱讀:
【FOOD BATTLE】新口味 月餅 邊隻伏味?教你整冰皮
【Food Battle】10支$300下超市好味 梅酒

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..