Va Bene Italiano
Va Bene Italiano

【必吃環球特色美食】九龍塘Va Bene Italiano推$208半自助餐 90分鐘任食虎蝦+青口+燒牛扒+甜品|自助餐我要

飲食

廣告

九龍塘Va Bene Italiano推出午市半自助餐,只需 $208即歎到,單是前菜已有10多款,還有凍海鮮、烤肉、甜品,每人包一款主菜,有Pizza、意粉、肉扒等,款款吸引,份量之多,絕對能夠捧腹而回。難怪客人絡繹不絕,日日爆場!

撰文:Rice|圖片來源:Rice、Charlotte

蘭桂坊Va Bene Italiano九龍塘重開!$208半自助餐

在廿多年前已於蘭桂坊開業的Va Bene Italiano,最近於九龍塘又一城重開,推出$208半自助餐。90分鐘可任食凍肉、沙律等前菜;虎蝦、青口2款凍海鮮任夾,最正的有燒美國牛扒及燒春雞即叫即切,食肉獸大愛。單看牌頭已經夠飽,未夠?還有每人包一款主菜,有意粉、薄餅及肉扒,意粉可是自家製,煙韌彈牙有蛋香。首推波士頓龍蝦意粉,龍蝦肉結實,配上酸爽番茄汁,夠晒開胃。薄餅分成8等份,餅底夠薄,不會食到滿嘴麵粉而蓋過配料味道。肉類方面,自助區已經有燒牛扒任食,主菜就建議點一客加拿大豬鞍,肥瘦均稱且帶淡淡油脂香氣,以蘋果蓉作解膩之用,配搭出色。留意,主菜可會不定期更換。

Va Bene Italiano
Va Bene Italiano位於九龍塘又一城商場內。
沙律區方面有過10款可選,夠晒多樣。
沙律區方面有過10款選擇,夠晒多樣。
海鮮區則有虎蝦及青口可任夾任食。
海鮮區則有虎蝦及青口可任夾任食。

Brownie+紅絲絨千層蛋糕

記得留肚食甜品,有木糠布甸、Tiramisu、朱古力撻、Brownie等,小巧精緻,多吃幾件都不會有罪惡感。當然不少得必吃紅絲絨千層蛋糕,色澤鮮艷,清甜軟滑,甜品迷大愛!加$68即可加配法式焦糖燉蛋或芝士餅。留意,甜品款式也會不定期轉換!

朱古力撻中間流心,朱古力味道香濃回甘。
朱古力撻中間流心,朱古力味道香濃回甘。
紅絲絨蛋糕Creamy軟滑,富濃濃奶香。
紅絲絨蛋糕Creamy軟滑,富濃濃奶香。
最特別是有紅絲絨千層蛋糕,餅皮做得薄身,忌廉味道不會過濃死甜。
最特別是有紅絲絨千層蛋糕,餅皮做得薄身,忌廉味道不會過濃死甜。
  • Va Bene Italian半自助餐
  • 供應時間:星期一至日11am-3pm
  • 價錢:星期一至五 $208/位、星期六及日 $268/位
  • 備註:
    1)收加一
    2)每位限時90分鐘。
    3)菜式會不定期轉換。
  • 立即投票!《新假期》必吃食店大獎2021
    餐廳地址及投票(按此

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..