蔡思貝又發功搵徐肇平陪食 曾曖昧探班片場失蹤一粒鐘

影視娛樂

廣告

有「無綫發電機」、「姣思貝」的稱的蔡思貝又發功喇!日前她在IG stories上載了與一名男子撐枱腳的相片,雖然戴晒口罩,但一睇就知不是與她打得火熱的胡鴻鈞,原來是四年前已傳過緋聞的黃淑儀之子徐肇平。趕劇中的蔡思貝仍有時間搵仔陪,可見二人關係絕對非一般。要數圈中花旦收兵之冠,蔡思貝認第二,無人敢認第一。

原文刊於《東方新地》

蔡思貝日前放了一張二人合照上IG stories,相中男子一睇就知唔係現任男友胡鴻鈞,一度被指有新仔上場。
蔡思貝日前放了一張二人合照上IG stories,相中男子一睇就知唔係現任男友胡鴻鈞,一度被指有新仔上場。
與蔡思貝撐枱腳的男子正是黃淑儀之子徐肇平,他與蔡思貝於15年相識。
與蔡思貝撐枱腳的男子正是黃淑儀之子徐肇平,他與蔡思貝於15年相識。

蔡思貝百忙中搵仔陪

蔡思貝最近人氣高企,《使徒行者3》與《踩過界2》兩劇同時播映,被指有突圍機爭視后,現在忙於趕拍邵氏網劇《飛虎3壯志英雄》的她,日前在IG stories上載了與一名男子撐枱腳的相片,男方不是胡鴻鈞,難道蔡思貝又有新仔上場?非也!其實是黃淑儀之子徐肇平。相中的蔡思貝托晒頭好作狀,枱上有隻只剩湯的碗,看來二人剛剛食飽。

正在趕劇的蔡思貝,仲有時間分身約仔撐枱腳。
正在趕劇的蔡思貝,仲有時間分身約仔撐枱腳。

蔡思貝曖昧有前科

蔡思貝與黃淑儀之子徐肇平究竟有咩關係?呢層真係要問他們才知道,不過出道七年的蔡思貝鍾意主動收兵就全世界都知,身邊拍檔幾乎個個傳過绯聞,集郵名單由奀星大隻仔溫家偉、大孖周志文等,晉級到羅仲謙、洪永城、陳展鵬、王浩信等一線小生,而黃淑儀的孻仔徐肇平也曾經是其中一個,16年曾被本刊斷正男方暧昧探蔡思貝班兼夾片場雙雙失蹤一小時!

徐肇平當年冧蔡思貝冧得勁揚,例如曾話自己唔鍾意睇恐怖片但鍾意睇蔡思貝演的《陀地驅魔人》,又話多謝蔡思貝支持,喺舞台上演出聽到蔡思貝笑覺得好特别。
徐肇平當年冧蔡思貝冧得勁揚,例如曾話自己唔鍾意睇恐怖片但鍾意睇蔡思貝演的《陀地驅魔人》,又話多謝蔡思貝支持,喺舞台上演出聽到蔡思貝笑覺得好特别。
徐肇平當年的Ig内有大量蔡思貝的相,幾乎每隔幾張便有一張,密度多到離譜,更經常借po 相讚蔡思貝。
徐肇平當年的IG内有大量蔡思貝的相,幾乎每隔幾張便有一張,密度多到離譜,更經常借po 相讚蔡思貝。

蔡思貝背男友私會

70年代花旦黃淑儀的孻仔徐肇平,大隻靚仔擁6呎3吋身高,15年經圈中朋友介紹認識蔡思貝,由溫哥華回流的徐肇平跟德國留學性格爽朗開放的蔡思貝勁啱嘴形,一拍即合,有指他們由最初大班人見面,漸漸變成單獨約會。被大台重用劇接劇擔正女一的蔡思貝當年明明正同大隻跳舞男麥秋成同居清水灣村屋,但仍有時間分身瘟仔,經常背男友私會徐肇平,被指關係暧昧。

原來徐肇平都識蔡思貝當年的正印男友麥秋成,仲試過三人同場,同框的還有徐肇平母親黃淑儀。
原來徐肇平都識蔡思貝當年的正印男友麥秋成,仲試過三人同場,同框的還有徐肇平母親黃淑儀。

蔡思貝有仔探班

當年蔡思貝於中環海濱爲劇集《心理追兇》拍跳舞戲,演四眼社工的蔡思貝埋位前心不在焉,電話不離手,不時對着電話甜笑,未幾一位六呎cap 帽男現身探班,原來就是徐肇平,蔡思貝對徐肇平的出現完全不驚喜,還主動走近,初時兩人仍尷尬盡量避忌,並由共同朋友林師傑作掩護,但很快已忍唔住愈行愈埋雞啄唔斷。蔡思貝埋位拍攝,徐肇平在附近留心欣賞,又爲蔡思貝影相留念,sweet到暈。期間蔡思貝跟徐肇平更雙雙失蹤一小時,由十點到十一點完全唔見影,估計天時暑熱,竄上車歎冷氣談心。事隔四年,蔡思貝與徐肇平依然保持來往,其實徐肇平已經有個拍拖多年任職內衣模特兒的火辣女友Joey,蔡思貝亦與胡鴻鈞過從甚密,大家都有另一半,仲要傳過緋聞,避忌吓都好應該!

16年蔡思貝拍劇,徐肇平去探班,最初兩人企到離行離列,之後好快愈行愈埋,徐肇平仲拿風扇仔幫蔡思貝搧涼。
16年蔡思貝拍劇,徐肇平去探班,最初兩人企到離行離列,之後好快愈行愈埋,徐肇平仲拿出風扇仔幫蔡思貝搧涼。
二人有講有笑,當身邊其他人透明。
二人有講有笑,當身邊其他人透明。
之後仲齊齊失蹤一小時,真係耐人尋味。
之後仲齊齊失蹤一小時,真係耐人尋味。
估唔到蔡思貝拖住胡鴻鈞,照樣可與其他男性朋友單獨約會。
估唔到蔡思貝拖住胡鴻鈞,照樣可與其他男性朋友單獨約會。
自從與內衣模特兒女友Joey公開關係,徐肇平把IG內與蔡思貝的合照全部剷走。
自從與內衣模特兒女友Joey公開關係,徐肇平把IG內與蔡思貝的合照全部剷走。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地