D2 Place 白色飄雪聖誕裝飾｜3大超美打卡位 日本夢幻溫泉＋仙氣雪國階梯＋日式地道澡堂！
廣告
白色飄雪聖誕裝飾登陸荔枝角D2 Place！聖誕節2020將到，今年因疫情關係，無得去日本、韓國等會落雪的地方過聖誕，令不少港人大感可惜。荔枝角D2 Place為解港人心中鬱悶，今年D2 Place 聖誕裝飾就以日本雪國《荔湯物語》為主題，造出了超逼真的雪中溫泉、雪國階梯及日式澡堂，白皚皚的地板加上飄雪的美景，令人宛如真的走入日本一樣，超有氣氛，即刻睇吓現場環境同有咩打卡位啦！
撰文、拍攝：GW ｜來源：D2 Place
日本雪國聖誕裝飾登陸荔枝角D2 Place！3大超美打卡位
荔枝角D2 Place 聖誕裝飾今年以《荔湯物語》為主題，打造出仿如聖誕節日本雪國的環境，現場白皚皚一片，超有聖誕的飄雪氣氛，隨便影都似真係去咗日本咁，超多勁靚打卡位，另外仲有兩款特色錢湯遊戲玩！
D2 Place 聖誕裝飾 1.漫天飄雪＋蒸氣仿真溫泉
只要踏入天台花園，一片白皚皚的景象隨即映入眼簾，仲有一個充滿和風氣息的「雪の泉」，於冬日限定的仿真溫泉仲會湧出蒸氣，令人宛如置身日本溫泉山區，於每日的指定時段內，仲會有雪花漫天飛舞，超夢幻呀！
D2 Place 聖誕裝飾 2.白皚皚雪地＋雪國階梯
另外一個必到打卡位就是這條「雪國階梯」，階梯一路向天空延伸，走上階梯一片雪地美景一覽無違，再加上飄雪紛飛的景象，按下快門點影都有仙氣！
D2 Place 聖誕裝飾 3.地道日式澡堂＋《荔湯》小遊戲
去日本時又點少得去澡堂泡個澡！D2 Place 聯同 PowerPlay Arena，於商場二期地下 The Garage 打造獨家室內澡堂「荔の湯」造景，澡堂的設計由內到外都參照地道「錢湯」，由入口的門簾、玄關的木製儲物櫃以至大型富士山壁畫，仲以牛奶同小臉盆兩大特色，準備了2款小遊戲，有興趣朋友要注意啦！
