銀行優惠
銀行優惠

2招賺盡銀行優惠!零成本拎走$1,888+免息套現10萬!得呢間虛擬銀行可以做到!@優惠黑客專欄 |購物優惠情報

購物優惠

廣告

銀行優惠隨住政府積極發牌發展虛擬銀行而愈嚟愈多,傳統銀行也紛紛推出優惠迎戰,受惠當然係我地消費者啦!當各個虛擬銀行都出盡全力吸引新顧客開戶,推出數百元的開戶優惠時,中信銀行(國際)inMotion 發動更強的銀彈攻勢,以$1,888開戶優惠,冠絕全場!

撰文:優惠黑客|圖片:inMotion、銀行|資料來源 :優惠黑客

只需2步賺$1,888
零成本拎走銀行優惠

拿走$1,888的門檻首先要有十萬元存款,相信不少人會因此卻步,今天小編就為大家帶來一個小方法,可以免費借出10萬元開戶,變相零成本賺取$1,888!

第一步:
開立中信銀行(國際)inMotion動感戶口

首先等我哋了解一下$1,888嘅優惠係點來:

  1. 優惠一:開設綜合貨幣結單儲蓄戶口:賞你3.8%活期儲蓄年利率 (上限10萬三個月,即$955利息)
  2. 優惠二:申請虛擬信用卡,並於三個月內簽帳$3,000:賞你$400
  3. 優惠三:開立1戶通戶口 (即投資戶口,申請後不用有任何買賣):賞你$100
  4. 優惠四:開立以上三個服務:額外賞你$433

注意事項:

  • 優惠一之「新客戶」定義:過去13個月沒有維持或關閉任何戶口或服務的客戶
  • 優惠一之存款要求為10萬元,不足十萬元並不享有3.8%,亦不能享有優惠四
  • 優惠二及三之「新客戶」定義:過去6星期沒有維持或關閉任何戶口或服務的客戶
  • 必須在2020年12月31日完成開戶

詳情

第二步:
用渣打信用咭免費套現10萬元

優惠攞到盡先係我優惠黑客嘅強項吧!若你覺得inMotion抵開,但又冇10萬元資金嘅話,渣打信用咭會幫到你!你只需要有渣打銀行戶口同埋一張有10萬元信用額以上嘅渣打信用咭即可 (最好有20萬)。

具體操作如下:

  1. 舉例你10月31 日在渣打網上銀行以SC Pay 轉10萬元到inMotion戶口
  2. 只要選擇以信用咭提取,將視之為簽帳 (但沒有積分),你只需要好似其他簽帳一樣,在還款日 (例如12月15日) 前還清,便沒有任何收費
  3. 還款期一般50日以上,所以你未還款,下月便可以在信用咭再提取10萬元出來 (例:11月1日再提10萬元去還12月15日到期的那10萬)

渣打每月只有10萬元俾你免費轉走,其後會收你3.5%手續費(詳情)其實渣打一向都有免費借錢的做法,不過以往最多每月借出$2.5萬,自本年8月開始增至10萬,優惠期到12月尾。那麼這借出的10萬剛好可以拿去inMotion開戶,變相零成本攞銀行優惠呢!

inMotion仲有乜用?

其實除了開戶銀行優惠外,inMotion戶口亦有以下4個過人之處!

01|投資優惠

如果你有做開投資的話,該戶進行之香港股票、美國股票及中國A股買入交易可獲享$0經紀佣金買入證券優惠。優惠長達24個月。詳情

02|智投360 (Robo 360)

是一個嶄新嘅概念,你只要設定投資目標,AI 便會透過量化分析向你提供建議,助你構建個人投資組合,佢會緊貼追蹤組合表現,適時提供買賣基金建議。只需支付諮詢顧問費(頭12個月可豁免,其後1%),便可享用「智投360」服務。同時,戶口亦不收取任何基金認購費,最低投資額僅為港元800 (或美元100),適合唔識投資嘅人或者啲忙到唔會時刻睇住個市嘅投資者呢!詳情

03|抽獎

開戶後每日成功於電子銀行完成指定活動後,就可自動參加信銀國際Go 2 Digital幸運大抽獎並有機會獲得$888,或每周$8,888。呢啲銀行活動包括登入銀行戶口,同埋轉數俾人,不妨試試你運氣。

詳情

04|永久豁免年費
網購高達3%回贈

戶口內的虛擬版信人咭係永久豁免年費的,而且網購可高達3%回贈呢!詳情

小編已成功開戶,過程簡單,大概10分鐘便可以。值得一提,與傳統銀行一樣,inMotion動感銀行受金管局監管,並參與存款保障計劃,萬一銀行倒閉,客戶最高可獲50萬元補償,所以大家不必擔心開inMotion會否沒有保障。還有,雖然這次提供的方法可謂零成本,零風險,但始終係借錢,提醒大家一句:借唔借,還得到先好借。以上提及之優惠全部只到2020年12月31日。

自問 marketing 出身,做過好多唔同嘅tactical campaigns鍾意發掘好多唔係大品牌/ 細budget推嘅優惠,利用優惠漏洞去賺到盡。有時賺錢 ,唔係睇賺幾多,而係搵啲人地搵唔到嘅地方去賺錢,咁先最爽!
撰文:優惠黑客|圖片:inMotion、銀行|資料來源 :優惠黑客

即睇更多:交租都有得平!教你用信用卡交租賺回贈 1年慳番過萬蚊!@優惠黑客專欄|購物優惠情報