【元朗食乜好】Yoho Mall「鹽」選 元朗 人氣肉食!
【元朗食乜好】Yoho Mall「鹽」選 元朗 人氣肉食!

【元朗食乜好】Yoho Mall「鹽」選 元朗 人氣肉食!

元朗 多美食就個個都知架喇!依家又有新力軍!今個月雲集多國菜式食肆嘅 YOHO MALL 形點開幕,商場總面積達110萬平方呎,餐飲品牌總數超過30間!雖然有部份嘅食肆喺區外都已經有分店,但當中仍有喺香港開首間店舖嘅食肆,就係以鹽做主題嘅SALT Recipes,記者就趁餐廳試業期間入去試食!

以鹽入饌 SALT-Homeless

SALT- Recipes係潮流家品店Homeless嘅北歐主題餐廳,記者就趁試業期間入去試食,店內烹調方法主打以6款天然海鹽入饌,每款都有其特別味道,好似夏威夷火山紅粘土鹽,有烤搸子嘅香味;黑熔岩鹽有煙燻香,而質感較脆;波斯藍岩鹽,鹹中帶辛辣。

德文郡蟹扁意大利麵 (套餐價 $118)
香焗果仁鱸魚配紅花忌廉汁 $118/set
以紅粘土鹽混果仁粒放在鱸魚上烤焗,令鱸魚帶有焦香味,加上有粒粒果仁,增加口感。
DSC04680 copy
德文郡蟹扁意大利麵 $98/set
意大利麵有蟹膏及蟹汁,口感Creamy,麵中混有蟹肉,有海鮮味之餘,口感亦豐富。

由於餐廳仍在試業,現只有set menu,set lunch食材主要係海鮮,並會配不同鹽提味,價錢方面有兩種,分別係$118及$98,$118多為魚類食材、而$98就有意粉及Full Breakfast等,跟餐可揀水果雜飲或檸檬薑茶,亦可加$12配丹麥燻鹽布奇諾咖啡。不過食物偏細碟,男士可能要兩個set先夠食,而且價錢唔平,食個set連加一都成百三蚊,但環境唔錯,都可以hea下。

凍丹麥燻鹽卡布奇諾咖啡 (跟餐+$12)
凍丹麥燻鹽布奇諾咖啡 set lunch +$12
同普通加Cream凍啡差唔多,但特色在於杯邊灑有燻鹽,可惜無助提升咖啡味道層次,最終只有甜味同奶味。
DSC04692 copy
店內裝修行北歐簡約風,地方闊落。

SALT-Recipes
地址:新界元朗元龍街9號Yoho Mall一期2042舖 (顯示地圖)
營業時間:星期一至四及日 11am-11:30pm;星期五及六 11am-12:30pm
電話:2320 0979
人均消費:$120
備註:加一收費,接受VISA、現金

同場加映:龍蝦海鮮桶+大胃王漢堡包

除SALT-Recipes有鹽味特色菜外,其他食肆亦都推出限定菜式,包括The Sky Bar嘅熱海鮮桶,內有鱈場蟹腳、蜆、蝦、藍青口、魷魚同龍蝦6款新鮮海鮮,全部一桶過!仲有Applegreen嘅California Burger,包入面有2塊足4安士的安格斯牛扒,勁夠份量,一個人都唔知食唔食得晒!

KEL_1132 copy
The Sky Bar熱海鮮桶 $198 (另收加一服務費)
Photo Credit:YOHO MALL
Applegreen嘅California Burger材料包括兩塊足4安士嘅安格斯牛扒、美國芝士、牛油果、煎蛋等。
Applegreen California Burger (售價待定)
Photo Credit:YOHO MALL

yohomall_list

DSC04740 copy

YOHO MALL
地址:新界 元朗 朗日路8-9及元龍街9號 (西鐵元朗站F出口) (顯示地圖)
電話:2476 9920

元朗 咁大,又點只一個YOHO MALL可以搵食呢?其實喺呢個商場附近,仲有好多抵食又好味嘅美食等緊大家架!例如有即叫即煎豬扒飯、米芝蓮星級甜品、仲有邪惡 YG 級自選漢堡,有精緻嘅亦都有大大份嘅,實行掃街掃到飽!

1. 勁食開心豬扒飯

中午時份去到呢間開心小敘,門口企滿外賣客,店內例牌全Full。豬扒於11點後供應,雖然係即叫即煎,但由柯打到上枱只需5分鐘,煎得微焦,油份少,扒身比較薄,仍肉質鬆軟,食得出醃肉時無落梳打粉。

開心豬扒飯 $35
開心豬扒飯 $35
e51 copy
扒身雖然薄,仍肉質都幾鬆軟。

e61 copy

開心小敘
地址:元朗鳳攸南街3號好順景大廈地下43號舖 (顯示地圖)
電話:2473 4433
營業時間:星期二至六7am-5pm;星期日8am-5pm;星期一休息

2. 即叫即做心機甜品

呢間甜品店蜜密嘅甜品用料都幾講究同花心機,好似呢款抹茶心太軟,以黑、白朱古力做 Base,搭上日本同台灣嘅抹茶,又加入酒突出抹茶香,同時以蜜糖代替砂糖,令甜味、抹茶味自然。

和蜂抹茶心太軟配雪糕 $56
和蜂抹茶心太軟配雪糕 $56

店內亦有另一招牌甜品Honey Sercret,面層嘅金絲波波其實係即叫即製嘅糖絲網花罩,加上即叫即做的朱古力酥, 製作需時20分鐘。朱古力酥入口微暖,朱古力呈半溶狀態,整體味道比較甜。$98嚟講都比較貴,不過個金絲波波都幾靚,可以呃下like!

Honey Secret $98
Honey Secret $98

蜜密
地址:元朗鳳攸東街9號好順意大廈B座地下15號舖 (顯示地圖)
電話:9285 6961
營業時間:星期一至四3pm-11:30pm;星期五至日3pm-12:30am
人均消費:$50
備註:不設加一,只收現金

3. 玩得又食得米芝蓮甜品

Dessert Gallery嘅大廚曾於米芝蓮二星餐廳當餅廚,特別著重甜品嘅層次,連個招牌甜品名都有埋對比,叫做溫柔.暴力,朱古力殼內係吉士、酥皮、自家製Brownie 同士多啤梨,附上一個槌仔,食前將朱古力扑得細碎,混合所有材料一齊食,朱古力味醇厚香濃,好玩又好食。

溫柔。暴力 $76
溫柔。暴力 $76

Dessert Gallery
地址:元朗鳳攸北街5-7號順豐大廈地下31號舖 (顯示地圖)
電話:6695 8734
營業時間:星期二至四3pm-12mn;星期五及六3pm-1am;星期日3pm-12mn;星期一休息
備註:不設加一,收信用卡
平均消費:$70 /位

4. 邪惡 YG 級漢堡 配料自己揀

元朗MJ Burger所賣嘅漢堡配料通通有得揀,包括3款肉類、15款配菜、5種芝士加7 種醬料合共30款。當中漢堡扒都用上澳洲 YG 級天然牛肉,每隻牛均不超過30個月大,肉質鮮嫩多汁,最啱medium rare半熟程度進食,另可選慢煮五花腩、大大塊雞扒或成寸厚嘅龍葵菇。連醬汁都係自己調製,如加入淡啤酒嘅燒烤醬、加入了薑及甜辣椒的蛋黃醬,幾有心思。配菜方面仲有微焦嘅菠蘿、脆炸洋葱圈、脆口薯餅等,夠晒Free!

自選漢堡 $68起。自選漢堡基本有一款肉類,兩款配菜、一款芝士及一款醬料,亦可加錢增加漢堡材料。 呢個由漢堡扒、龍葵菇、五花腩、番茄、生菜、菠蘿、車打芝士、藍芝同薑甜辣椒蛋黃醬製成,盛惠 $121。
自選漢堡 $68起。自選漢堡基本有一款肉類,兩款配菜、一款芝士及一款醬料,亦可加錢增加漢堡材料。
呢個由漢堡扒、龍葵菇、五花腩、番茄、生菜、菠蘿、車打芝士、藍芝同薑甜辣椒蛋黃醬製成,盛惠 $121。
香橙水牛醬雞翼,4隻$30/8隻$48。 除有墨西哥辣醬,還加入橙汁,使辣味中有半點清新的微酸,更開胃。
香橙水牛醬雞翼,4隻$30/8隻$48。
除有墨西哥辣醬,還加入橙汁,使辣味中有半點清新的微酸,更開胃。

mj-burger-2 copy

MJ BURGER
地址:元朗建業街88號地下 C 舖(顯示地圖
電話:2462 2660
營業時間:12nn-11:30pm
備註:不收加一服務費,暫不接受信用卡

延伸閱讀:

【周末遊懶人包】兩個轆食‧遊元朗

11大邪惡美式熱狗集!勁大隻鰻魚狗 + 甜辣醬炸雞熱狗

最新吃喝玩樂資訊