11月限定節目！自由爵士音樂節@西九文化區雲集香港爵士精英玩足整個週末

Oct 28 2020

秋風起天氣涼涼地，最啱就梗係參加11月6至8日嘅「自由爵士音樂節」！強勢回歸嘅「自由爵士音樂節」將會喺西九文化區自由空間舉行，今年繼續有多個精彩嘅爵士樂表演，諗起喺咁舒服嘅天氣下欣賞爵士樂就覺得正！

3大必睇節目聽盡爵士樂教父、本地爵士歌手表演

今年「自由爵士音樂節」載譽歸來，當然會為大家準備最精彩嘅爵士樂表演，而當中有3個精選節目係一眾爵士迷絕對唔可以錯過嘅！

「Angelita Li Sings Billie Holiday – Feat. Patrick Lui Jazz Orchestra」就邀請本地爵士歌手李安琪（Angelita Li）同雷柏熹爵士大樂團（Patrick Lui Jazz Orchestra）聯手演出，演繹美國爵士天后Billie Holiday嘅名曲，再配合影像向呢位傳奇歌手致敬。大家既可以聽到動人嘅爵士樂，又可以了解到Billie Holiday嘅傳奇故事，夠晒吸引！

日期及時間：
2020年11月7日（星期六）下午5時至晚上6時30分
2020年11月8日（星期日）晚上8時至9時30分
地點：西九文化區自由空間大盒
門票：$400及$280

至於「爵視」就係另類嘅表演，以錄像、設計聲音裝置及空間，配合羅尚正、張貝芝、崔展鴻、姚世裕、蕭偉中及Scott Murphy等一眾爵士樂手即興演奏互動，唔單止可以用耳朵感受爵士音樂，視覺、空間上亦可以有所體驗，等你可以有最頂級嘅爵士樂享受。

日期：2020年11月6日（星期五）
時間：晚上7時至8時15分、晚上9時30分至10時45分
地點：西九文化區自由空間大盒
門票：$250

「最『正』爵士夜」特別邀請咗兩位揚名國際嘅爵士樂教父—羅尚正（Ted Lo）和包以正（Eugene Pao），喺自由空間大盒演奏多首原創作品及經典爵士曲目！「最『正』爵士夜」只會演出一場，一票難求，爵士迷買飛要快啊～

日期：2020年11月7日（星期六）
時間：晚上8時30分至11時（設中場休息）
地點：西九文化區自由空間大盒
門票：$400及$280

大量音樂節目、工作坊任你參加

除咗有售票節目外，「自由爵士音樂節」仲準備咗大量音樂節目，等大家可以一同投入呢個大型節目、感受爵士樂嘅魅力。除咗有台灣、香港同蘇黎世嘅多位音樂家實時進行跨海即興爵士創作和合奏之外，音樂節仲會邀請了眾多本地樂手在自由空間表演，望向維港聽爵士樂夠晒寫意！到時亦有各個工作坊可以免費參加，啱晒大人細路一齊玩，記得預先報名呀～