南法
南法

【 南法 之旅】唔食對唔住自己 – 甜食篇(下集) @為何斯德哥爾摩沒有譚仔三哥

博客

廣告

今集我地繼續一同踏上肥蝦之路,同大家繼續介紹 南法 有咩必食甜食。

4.Croissant and pain au chocolat 牛角酥/朱古力酥

呢樣唔洗解釋啦。

我去 南法 果十幾日,日日早餐都食呢隻包,食到火都黎L埋。
係就係好食,但對我呢個港女黎講,早餐食肉丁米先係王道。

IMG_1920

▼真係日日咁食法架,唔係講少。 IMG_1959

5.Fenocchio glacier

位於尼斯既呢間雪糕相信好多人都識佢,同樣係每次去到都大排長龍,當中不乏亞洲人臉孔添。

我同程仔對呢間野既評價都好高,仲要係尼斯果幾晚,晚晚食完飯都心思思整番杯先安樂。
佢好就好在多味道選擇,而且價錢唔貴。大概係2 euro一球,3.5 euro兩球,5 euro三球。(好似係)

程仔&三家姐推介既有:煉奶味,鹹焦糖味(鹹果隻呀係,唔好叫錯)。

IMG_1819

▼鹹焦糖味(左),煉奶味(右),已經瘋狂encore好多次。
隔黎程仔貪得意點左酸提味,後悔不已,係咁偷偷地畢我果D。

IMG_1821

6.Profiteroles朱古力杏仁泡芙塔

呢碟野邪惡到不得了,不!過!真!係!好!好!味!呀!

朱古力醬、香滑奶油、杏仁、花生碎、泡芙、香草雪糕,咩都出曬黎!
不過真係好膩呀,都係果句,最好搵人分享,獨樂樂不如眾樂樂嘛!

IMG_1779

睇完咁多款法式甜點,有冇勁加心郁郁去番轉南法呢?
如果大家有興趣,餐廳名稱地址等等可以facebook inbox問我,我會嘗試形容比你聽,嘗試。

我呢就開始打到少少氣喘喇,下次再同大家分享D唔食得既野啦,bye。

 

延伸閱讀:

【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥

【南法之旅】唔食對唔住自己- 海鮮 篇(下集)@為何斯德哥爾摩沒有譚仔三哥