激嬲
激嬲

一句 激嬲 導遊領隊 精選Top 10 @杜遊珍

博客

廣告

老老豆豆,呢排咁多「一句 激嬲 XXX」熱潮,最深得我心一定係 激嬲 導遊同領隊系列,皆因呢班行家含住呢口冤屈好耐,呢個MOMENT係時候要爆,最正全部都係真人真事!不過講真,呢類活動真係唔錯,希望大家笑之餘,都比啲反省,其實有禮貌有常識有體諒,真係好基本囉!出錢去旅行唔代表大晒,唔駛咁葡萄刻毒嘅!以下由我阿珍精選最佳 激嬲 金句!

入選準則: 要嬲到當場將小費掟返畀啲客……咁嬲

第1位:

由第一日喺機場集合,直到完團最後一日,領隊講咩客人都話:「我去旅行多過你食飯,你唔駛講咁多廢話!」但一落車就問:「頭先話幾點集合?邊度食嘢最抵/買嘢最好/影相最靚……?」

呢啲咪叫講你又唔聽,聽完又要問,問完仲要再再,然後問完都係唔明嘅活生生例子!

第2位:

客人參加黃山團,行程要住山頂同响山上睇日出。但出發前同領隊講:「我從來未行過山架,我去到唔行山得唔呀?」

即係呢,點解仲要揀黃山團呢?

第3位:

客人笑住講:「 做你哋呢行真係好,成日有得免費去旅行,上車落車行行企企仲有錢收!你份工真係爽!」 客人黑面講:「咪又係我地畀錢請你嚟玩之嘛!挑!」

其實無分別。

第4位:

客:「我有畀錢,點解唔可以……」——

我從你上車就知道你有畀錢㗎喇,可否不要每日開場白都係「我有畀錢」嗎?

第5位:

客:「我護照要比你Keep,廢事唔見就麻煩。」

心諗:小姐你條底褲使唔使畀我保管?到時無得著都好麻煩……

第6位:

領隊:上車前記得去廁所,車程要1個半小時。

開車約5分鐘後,客:「我要上廁所。」然後,離開酒店出發五分鐘,客:「我部相機漏咗响房!」

第7位:

我:「新加坡係用者自付嘅國家,所以酒店大部份都無免費Wi-Fi。」

客:「點可能!我住緊五星級飯店喎,咁Cheap㗎!」

第8位:

自費餐飲時,客問:「我哋依家食乜?」

自由活動時,客問:「點解領隊導遊唔帶我們去逛下?」

第9位:

客:「嘩!領隊導遊仲食得好過我哋喎!」

心諗:交換吖笨!

第10位:

客:領隊,我間房好似有鬼,可唔可以同你換?」

係咪要答:「我間房仲猛喎!」

 

延伸閱讀:
機場 免稅 店堅平啲? @杜遊珍
大手抽稅32.5% 澳洲 Working Holiday末日@杜遊珍