旅行手信網民爆笑分享!香港人外遊39件奇怪手信:A4紙、機場早餐?連波士頓龍蝦都帶返香港!|網絡熱話
旅行手信網民爆笑分享!香港人外遊39件奇怪手信:A4紙、機場早餐?連波士頓龍蝦都帶返香港!|網絡熱話

旅行手信網民爆笑分享!香港人外遊39件奇怪手信:A4紙、機場早餐?連波士頓龍蝦都帶返香港!|網絡熱話

講到去旅行買手信,香港人其實一啲都唔弱,唔單止買衫褲鞋襪、零食手信,幾乎連成個屋企同街市都買晒返嚟。一班網民互相分享下大家試過去旅行最離譜試過買乜嘢返香港,有啲誇張到唔敢相信,不過可能你同我都試過咁樣買!

撰文:EL|圖片:LIHKG、新傳媒資料室|原文刊於:GOtrip

奇怪手信合集
新鮮食材類

1. 生猛波士頓龍蝦

去到盛產海鮮的地方,少不免會買些海鮮回港與親友分享。有網民竟然誇張到試過去波士頓帶原隻生猛龍蝦返香港,返到香港仍然識郁。由波士頓飛返香港,就算直航都要15.5小時,搭完長途飛機竟然仲識郁,這隻龍蝦真是夠生猛。

至於點樣運隻新鮮龍蝦返嚟,就真係要請教番嗰位網民喇!
至於點樣運隻新鮮龍蝦返嚟,就真係要請教番嗰位網民喇!
生猛波士頓龍蝦
生猛波士頓龍蝦

2. 生菜

唔知點解香港人好似對生菜情有獨鍾,有唔少網民去到外地都忍唔住買生菜返香港,無論去日本、英國定泰國都要買。

搭完飛機都唔變黃,其實都幾勁。
搭完飛機都唔變黃,其實都幾勁。
生菜
生菜

3. 蘿蔔

日本蔬果出名鮮甜,有網民就忍唔住買咗條蘿蔔返香港當手信,仲畀屋企人用嚟整蘿蔔糕。

蘿蔔。
日本蘿蔔出名鮮甜
蘿蔔。
蘿蔔。

4. 沖繩苦瓜

沖繩苦瓜冇香港常見嘅苦瓜咁苦,就算唔食開苦瓜嘅人都接受到,難怪有網民買咗成箱返香港。

沖繩苦瓜。
沖繩苦瓜。
沖繩苦瓜。
沖繩苦瓜。

5. 芒果

香港人喜愛芒果嘅程度真係達到瘋癲,無論係台灣愛文芒,定係去到埃及,就算幾重幾難攞,都會買返香港。

芒果
台灣愛文芒
芒果
芒果

6. 日本生果

日本生果直頭係個個都會買咁滯,差在究竟買幾多返香港,有網民就真係成箱晴王、成箱蜜瓜咁抬返香港。

日本生果直頭係個個都會買咁滯。
日本生果直頭係個個都會買咁滯。
日本水果
日本水果

外賣類

7. 日本M記將軍漢堡

可能覺得日本嘅將軍漢堡好食啲,所以有網民索性帶埋返香港。不過個過程都幾複雜,要特登用保溫盒裝住個包再帶返嚟,呢位網民都幾有恆心,唔知返到香港嗰陣,個包仲暖唔暖呢?

可能覺得日本嘅將軍漢堡好食啲,所以有網民索性帶埋返香港。
可能覺得日本嘅將軍漢堡好食啲,所以有網民索性帶埋返香港。
日本M記將軍漢堡
日本M記將軍漢堡

8. 當地機場早餐

通常上機前都會食定啲嘢打下底,有網民就上機前買咗份早餐,點知食唔晒,索性帶返香港,返到屋企放入雪櫃,做第二日嘅早餐,估唔到呢份早餐可以咁長命。

當地機場早餐
當地機場早餐
當地機場早餐
到屋企放入雪櫃,做第二日嘅早餐

9. 原隻北京填鴨

有網民就話佢試過帶原隻北京填鴨返香港,如果係未片皮,真係原隻連骨咁帶返嚟,都真係幾誇張。

北京填鴨
原隻北京填鴨

10. 韓國炸雞

好食嘅嘢,當然想去完旅行都繼續有得食,有網民喺韓國臨返香港之前,咁啱食咗份炸雞,覺得好好食,於是買多份外賣,帶返香港做宵夜。

韓國炸雞
韓國炸雞

重量級手信類

11. 10kg 貓沙

主子果然係大晒,有網民去旅行都心繫主子,竟然買咗盒10kg嘅貓沙返香港,唔知主子又感唔感受到奴才呢份心意呢?

做呢位網民隻貓真係幸福。
做呢位網民隻貓真係幸福。

12. 日本米

好多網民都話去到日本覺得啲米好好食,就忍唔住托埋包米返香港,足足有5kg重,甚至一家人去,每人都分開抬啲,全家一共買咗20kg,應該可以有排食喇!

不過要留意,每人唔可以帶超過15kg米入境呀!
不過要留意,每人唔可以帶超過15kg米入境呀!
買米
買米

13. 啞鈴

有網民竟然喺外地買啞鈴返香港,睇嚟佢除咗想鍛鍊一下自己的肌肉,連地勤人員嘅身體都想鍛鍊埋喎!

啞鈴
啞鈴

14.

7kg

岩鹽燈

好多人相信岩鹽燈會釋放負離子,有助淨化空氣,甚至可以擺風水陣。攞上手其實一啲都唔輕,就好似攞起舊岩石咁。有網民喺外地買咗盞返香港,都成7kg重,真係夠神心。

岩鹽燈
7kg重的岩鹽燈

15. 小朋友車

呢款小朋友車係好多人細個時候都好想擁有嘅玩具,可以做司機喺行人路上揸車好鬼爽。有網民可能因為咁,去旅行時明明自己冇小朋友,但見到有得賣,都忍唔住手買咗架返香港。

小朋友車
小朋友車

16. A4紙

泰國物價低,而且名牌、市集乜都有,絕對係一個購物天堂。不過有網民同屋企人去玩嘅時候,偏偏睇唔啱嘢,咁啱見到A4紙幾平,就買咗pack返香港。

乜香港啲A4紙真係咁貴咩?
乜香港啲A4紙真係咁貴咩?

揼心口類

所謂揼心口類,即係買完之後,發現香港都有得買,根本唔使山長水遠買返嚟,真係揼心口。

17. 2箱韓國橙汁

有網民去韓國嗰陣,見到有人買咗兩箱濟州橙汁返香港,重到傻。點知一個月後,網友就見到香港超市有得賣。

惟有催眠自己早買早享受。
惟有催眠自己早買早享受。
2箱韓國橙汁
2箱韓國橙汁

18. 芝士撈麵

韓國芝士撈麵曾經係大家嘅手信大熱,去到點都要買番幾個派街坊。有網民就買咗兩箱返香港,點知食晒兩箱之後,就見到759有得賣。

芝士撈麵。
芝士撈麵。

19. 新加坡辣椒蟹味卡樂B薯片

香港有熱浪薯片,新加坡都有辣椒蟹味薯片。有網民去到新加坡特登買咗包返嚟做手信,貪佢夠特色。點知返到香港嗰陣,咁啱出咗期間限定嘅辣椒蟹味薯片,真係白帶一趟喇!

20. 原味桃哈多

有網民嘅媽媽去日本買咗包零食返嚟做手信,點知嗰位網民一睇,竟然係喺香港周街都買到嘅原味桃哈多⋯⋯

原味桃哈多
原味桃哈多

21. 澳洲10kg鳥結糖

澳洲周圍都有小販賣鳥結糖,口味多,而且堅果夠脆,係澳洲大熱手信之一。有網民一口氣買咗10kg鳥結糖返香港,點知返到嚟發現,竟然香港百貨公司有得買,真係白帶!

家庭用品及傢俬類

22. 泰國洗衣粉

有好幾位網民都大讚泰國洗衣粉好香好好用,甚至香到會掛住陣味,所以每次去就算幾重都好,都會買返香港。

23. 台灣熊寶貝柔順劑

熊寶貝最出名係衣物除臭噴霧,最啱打完邊爐噴一噴。不過,有網民嘅女友竟然唔係想要細細支嘅除臭噴霧,而係要大大支柔順劑。廿四孝男友當然好好咁幫女朋友買啦!仲要買3支咁多,但買完之後都有啲後悔。

24. 電廁板

去日本或者入住新酒店,廁所都會裝上電廁板,有得噴水洗屁股之餘,仲有暖板功能,冬天坐上去都會暖笠笠,好舒服。有網民索性買埋返香港,喺屋企都可以用。

25. 土耳其地氈

土耳其地氈
土耳其地氈

26. 摺枱

一個真正嘅購物狂係見到乜都會買!好似呢位網民嘅朋友咁,回程嗰陣行李足足42kg重,就係因為佢咩都買,連一張普通嘅摺枱都買。

枱連包裝都有成7kg重。
枱連包裝都有成7kg重。

廚具類

27. 實木砧板

實木砧板
實木砧板

28. 電飯煲

29. LC煲

LC煲
LC煲

當地特色手信類

30. 荷蘭大麻糖

荷蘭大麻糖
荷蘭大麻糖

 

31. 泰國三角形坐墊

32. 北韓-朝鮮人民民主共和國憲法

33. 切爾諾貝爾 蘇聯防毒面具

大手入貨類

34. 36支 泰國椰青水

35. 20幾包台灣鐵蛋

台灣鐵蛋
台灣鐵蛋
返嚟食咗三餐,諗起都厭啊!
返嚟食咗三餐,諗起都厭啊!

36. 十幾件洪瑞珍

37. 一打雞蛋布甸

成人類

38. 性器官朱古力

39. 性玩具

撰文:EL|圖片:LIHKG、新傳媒資料室|原文刊於:GOtrip

即睇更多:香港網購10大必買台灣手信!去唔到食住先! 快車肉乾、芋頭流芯酥、鳳梨酥|購物優惠情報

旅行手信 網民爆笑分享!香港人外遊39件奇怪手信:A4紙、機場早餐?連波士頓龍蝦都帶返香港!|網絡熱話

旅行手信網民爆笑分享!香港人外遊39件奇怪手信:A4紙、機場早餐?連波士頓龍蝦都帶返香港!|網絡熱話

最新吃喝玩樂資訊