落選港姐爭崩頭入行!黃婉恩、梁懿婷拋胸大解放

影視娛樂

廣告

今年港姐的招募口號係「逆市筍工」,吸引一班進擊的佳麗參選,有人為做明星毅然劈炮博一博,結果由蘇格蘭返港的手術室護士謝嘉怡(Lisa)以混血靚樣成為雙料大贏家。三甲港姐筍工在手,落選佳麗唔想空手而回,紛紛出招爭入行,之前為減肥個個冇啖好食,無非想身材弗爆示人,當中26歲黃婉恩、22歲梁懿婷與20歲賴琦媛賽後更大解放,出海著三點式繼續大晒美好身段,有事業線又肯博肯露,相信無綫一定唔會放過。

原文刊於《東方新地》

落選港姐未入行先搞小圈

香港小姐人人爭,不過爭唔到亦不用失望同灰心,因為每年無綫都會從中揀蟀,有潛質的佳麗一定有得留低做小花,今年疫下參選的佳麗被指質素偏高,當中雖然有唔少是非精,但最緊要有娛樂性,由頭是非到尾的寸嘴 Ivy賴琦媛被淘汰後,直認不諱想簽無綫做幕前,上位目標明確,被指是富家女的她更與多位家境同樣富裕的佳麗如范倩雯、梁懿婷及侯嘉欣等未入行先埋堆,繼續搞小圈子。

Yancy由面試開始已被列入高質組,充滿自信的她雖然打入十強後落選,但她坦言盡了全力無悔參選
Yancy由面試開始已被列入高質組,充滿自信的她雖然打入十強後落選,但她坦言盡了全力無悔參選
日前與友人出海學滑水,期間一度離罩險走光。
日前與友人出海學滑水,期間一度離罩險走光。
同 Yancy撞三點式的 Sonia,唔再重妝但落水後甩晒粉,選完港姐果然學到嘢,多款夾死蟻甫士晒身材,夠晒搶眼。
同 Yancy撞三點式的 Sonia,唔再重妝但落水後甩晒粉,選完港姐果然學到嘢,多款夾死蟻甫士晒身材,夠晒搶眼。

參選港姐為入娛樂圈嫁入豪門鋪路

高質落選佳麗黃婉恩參選以來一直我行我素,今年26歲年紀最大的她擁碩士學歷,更被爆是立法會議員何君堯姪仔的女友,落選後她如釋重負,即約友人出海滑水玩樂,以粉藍色三點式泳衣上陣派福利,為參選積極修身的她更一度離罩;無獨有偶,由美國返港參選的梁懿婷亦身穿同款泳衣出海,初次見人被指身形頗肥有「肥版孫藝珍」之稱的她,明顯瘦了一個碼,不過甩粉上陣面目全非,搔首弄姿狂擺甫士,選完港姐唔使再有顧忌,梁懿婷可以做番自己,更利用自己的知名度與曝光率,日前宣布成立網店做代購生意,不過最大的心願仍是等無綫睇中然後入行。據知情者透露:「無綫年年都會揀一批落選港姐入訓練班,睇吓邊個肯博肯捱咪機會多啲囉!有背景同家底當然高一線,是非多同身材好都有幫助,因為會有 noise,今年班女仔大部分都好有野心,有幾個屋企本身有錢,根本唔係話要賺錢養家,係想做明星刷存在感啫!」以前選港姐係入娛樂圈同嫁入豪門嘅捷徑,依家更成為富家千金嘅玩意。

寸嘴 Ivy亦唔執輸,穿上紅色三點式出海,晒巨咪惹火身材。
寸嘴 Ivy亦唔執輸,穿上紅色三點式出海,晒巨咪惹火身材。
經過三圈初選被淘汰的八位佳麗連佳麗、賴琦媛、侯嘉欣、范倩雯、張盈悅、梁懿婷、源菲然及羅雪妍,日前上無綫節目《 #後生仔傾吓偈》做嘉賓,據知無綫會就眾人的條件與口才,從中挑選合適的佳麗。
經過三圈初選被淘汰的八位佳麗連佳麗、賴琦媛、侯嘉欣、范倩雯、張盈悅、梁懿婷、源菲然及羅雪妍,日前上無綫節目《 #後生仔傾吓偈》做嘉賓,據知無綫會就眾人的條件與口才,從中挑選合適的佳麗。
早已是網紅的侯嘉欣與被指寸嘴的賴琦媛都表示恨入行做藝人,賴琦媛更被師姐馮盈盈公開點名讚有做主持潛質。
早已是網紅的侯嘉欣與被指寸嘴的賴琦媛都表示恨入行做藝人,賴琦媛更被師姐馮盈盈公開點名讚有做主持潛質。
錄完 《#後生仔傾吓偈》 ,侯嘉欣更拉隊在車廂內做網上直播,范倩雯、賴琦媛及梁懿婷輪流講對侯嘉欣的個人觀感。
錄完 《#後生仔傾吓偈》 ,侯嘉欣更拉隊在車廂內做網上直播,范倩雯、賴琦媛及梁懿婷輪流講對侯嘉欣的個人觀感。
呢日侯嘉欣、賴琦媛同梁懿婷直搗范倩雯的九龍塘獨立屋寓所,又即場直播,講到身體柔軟度,著住短裙的賴琦媛竟表演一字馬,博出位。
呢日侯嘉欣、賴琦媛同梁懿婷直搗范倩雯的九龍塘獨立屋寓所,又即場直播,講到身體柔
軟度,著住短裙的賴琦媛竟表演一字馬,博出位。
梁懿婷同賴琦媛都係有家底之人,二人攬頭攬頸最活躍又最多嘢講,靠邊坐的屋主范倩雯明顯較內斂。
梁懿婷同賴琦媛都係有家底之人,二人攬頭攬頸最活躍又最多嘢講,靠邊坐的屋主范倩雯明顯較內斂。
今年港姐賽果好合理,中英混血的謝嘉怡奪冠,大熱的陳楨怡與郭柏妍屈居亞、季軍。
今年港姐賽果好合理,中英混血的謝嘉怡奪冠,大熱的陳楨怡與郭柏妍屈居亞、季軍。
21歲的源菲然在南非出世後移民英國,性格比較文靜的她原來小時候已玩香港小姐遊戲,今次十二強止步算係圓夢。
21歲的源菲然在南非出世後移民英國,性格比較文靜的她原來小時候已玩香港小姐遊戲,今次十二強止步算係圓夢。
冠軍謝嘉怡當晚返酒店與親友一起慶功,才揭發落選佳麗源菲然是其表妹,絕對是一大驚喜。
冠軍謝嘉怡當晚返酒店與親友一起慶功,才揭發落選佳麗源菲然是其表妹,絕對是一大驚喜。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地