57歲張耀揚驚變銀髮族man到裂網民封做港版教父

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Sep 8 2020

57歲的張耀揚近年長居內地，不時低調行善，在疫情肆虐前到偏遠山區派發物資，落手落腳搬披搬米，盡顯愛心及力的表現，跟同場半百張敏同樣未受歲月洗禮，絕對是凍齡代表。近日張耀揚出席內地活動，卻由烏鴉黑髮變白髮白鬚，比真實年紀蒼老，網民驚呼完全認唔出，不過就大讚束髮留鬚的張耀揚男人味更重，封佢為港版港父。

原文刊於《東方新地》

57歲張耀揚最近在內地出席晚宴活動，同場還有港圈好友鄭浩南、吳毅將、吳啟華及馮敬慈，老友碰頭暢談甚歡。一講起張耀揚便會想起經典電影《古惑仔3之隻手遮天》演的「烏鴉」一角，以及多年不變的大隻body，成為個人icon，在多套電影飾演大反派，奠定在演藝路上的奸人之路，在《古惑仔》電影系列更令他紅遍兩岸三地。近年長居內地的張耀揚，不時與好友莫少聰、張敏等到內地探訪派物資，早在大半年前疫情還未肆虐之時，張耀揚還到青海偏僻山區，落手落腳搬運物資，又拿出厚疊疊的人物幣派給當地的老人，被大讚面惡心善。

白髮白鬚look網民勁受落

近日張耀揚出席內地活動，同場還有吳啟華、鄭浩南、吳毅將、彭敬慈，探訪時還是黑髮的張耀揚，突然白髮蒼蒼，兼留有白鬚，不過身型依然健碩，綱民驚訝呢位銀髮族竟然是張耀揚，不過留言都是讚多過踩，雖然有指男神崩壞了，但有更多留言面帶滄桑的張耀揚更具男人味，眼神凌厲似足荷李活經典黑幫電影中的教父角色，封張耀揚做港版教父。

張耀揚回復真我，唔再染髮，自然變成銀髮族，束起辮留埋白鬚，真係隔住mon到感受到那股男人味。

17年張耀揚以呢身鮮藍色西裝出席安以軒和陳榮煉在台北的婚宴，同一套西裝，身型完全沒變，都有爆肌效果。

早前張耀揚在澳門出席私人晚宴，當日已白髮蒼蒼，但未有束辮，但仍然相當受歡迎，被現場賓客重重包圍。

張耀揚雖然淡出娛樂圈，有傳他在任職賭場公關，為人低調，但人氣始終不減，近月突然愛上玩抖音，不時拍片慰粉絲。

張耀揚、張敏低調行善

做善事都有好多種，有人敲鑼打鼓事先張揚驚死人唔知，亦都有人默默行善不問回報，張敏同張耀揚就係後者，兩位八、九十年代獨當一面港產片演員淡出幕前後，原來一直熱心公益，去年八月隨著另一位香港男星莫少聰發起嘅愛心活動捐錢捐物資以外，仲親身跟大隊遠赴青海玉樹將藥物、物資、糧食送到村民同孤兒手上。

一連十日喺青藏高原，每日親手搬運派物資、同村民打成一片、受盡頭痛作嘔等高原反應不適折磨，竟然隻字不提連一張打卡相都冇影過……事隔成年，近日有張耀揚忠粉開抖音重溫短片，才被揭發善舉，52歲嘅張敏身形fit爆皮膚白滑不負美魔女盛名，而57歲嘅耀揚就繼續威猛有霸氣，揸住大疊人仔一百蚊紙邊數邊派畀村民，手瓜起𦟌睇嚟仲有操肌喎！

《逃學威龍》嘅大飛張耀揚同Miss Ho 張敏29年後喺青海玉樹再遇上，為慈善出力，意外被粉絲將事件曝光。

原來由另一位香港藝人莫少聰發起嘅少聰愛心行動連年持續支援幫助偏遠山區及災區重建，又運用人脈拉攏香港藝人參與，去年的玉樹之行，就有張耀揚和張敏同行。

唔止捐款捐物資、山長水遠親身到現場，張耀揚還落手落腳搬搬抬抬，被粉絲大讚面惡心善。

昔日惡形惡相嘅烏鴉，今日一樣豪氣，手上一疊人仔派畀村民。留意番，淡出八年，張耀揚手瓜起𦟌明顯冇偷懶。

半百張敏、張耀揚零走樣

見到張敏同張耀揚，好難唔令人回味香港電影傲視亞洲嘅光輝年代！亞視藝訓班出身、憑做第一代晶女郎被導演王晶捧到上事業巔峰，張敏當年拍盡周潤發、周星馳、劉德華頂級男星，經典作《賭神》、《逃學威龍》等等多不勝數；而張耀揚就係做模特兒出身被導演林嶺東發掘入影壇，高大威猛惡形惡相，《監獄風雲》嘅殺手雄、《逃學威龍》大飛、《古惑仔3之隻手遮天》嘅烏鴉，個個都係經典恨到觀眾咬牙切齒。兩位八十年代入行、九十年代走紅、二千年淡出嘅經典藝人不約而同低調行善，利用知名度幫助弱小影響生命，香港電影嘅影響力點止名和利票房而已。