細數《使徒行者》5大必睇位 佘詩曼、林峯演技大爆發

影視娛樂

廣告

2014年首播嘅《使徒行者》喺當年認真巴閉,網上掀起競猜誰是臥底嘅熱潮之餘,仲係TVB跨平台收視之冠,同時錄得單日大陸網絡播放量逾一億兼總播放量超二十四億嘅成績,亦都係第一套進入「二十億俱樂部」嘅港劇㖭!佘詩曼憑劇中扮演警方臥底「釘姐」一角,橫掃亞洲各大頒獎禮,成為「十一料視后」,片尾曲〈越難越愛〉亦唱到街知巷聞,連帶主唱者吳若希人氣急升。呢套話題作依家喺深宵時段又再重播,為即將播放嘅《使徒行者3》鋪路,讓觀眾溫故知新。

原文刊於《東方新地》

必睇位 1:阿佘爆seed演繹

故事講述性格樂天嘅佘詩曼係警方臥底,任務要尋找五名下落不明嘅臥底,展開一場遊走黑白兩道嘅生存遊戲。阿佘為查案潛入桑拿店幫客人揼骨、按摩,一時又要扮護士同清潔阿姐。為咗喺目標人物蠱惑仔林峯身上套料,更放電色誘對方,笑料百出!而另一方面佢又以聰明才智去完成任務,見佢著上皮褸騎電單車盡顯型女一面。劇情往後發展,有一場戲講述阿佘發現警方臥底「 Ada 」(陳倩揚 飾)嘅屍體後,安葬時佢嘅情緒起伏,爆晒seed,真係隔住個 mon 都覺得空虛寂寞覺得凍,「 十一料視后 」並唔係浪得虛名!

「 釘姐 」與「 爆 seed 」不是冤家不聚頭,經歷種種生離死別,最後happy ending,有情人終成眷屬。
「 釘姐 」與「 爆 seed 」不是冤家不聚頭,經歷種種生離死別,最後happy ending,有情人終成眷屬。
阿佘飾演「 釘姐 」一角演技大爆發,亦因此而橫掃亞洲各大頒獎禮,成為「 十一料視后 」,風頭一時無兩。
阿佘飾演「 釘姐 」一角演技大爆發,亦因此而橫掃亞洲各大頒獎禮,成為「 十一料視后 」,風頭一時無兩。

必睇位 2:林峯為愛捨身試毒

阿佘嘅角色「 釘姐 」,猶如「 女版韋小寶 」,化解危機依靠三寸不爛之舌!而林峯罕有以反派形象登場,表面上係運送冰毒嘅工人,外號「爆seed 」,實質又係警方臥底,將內心嘅掙扎同矛盾演繹得淋漓盡致。「 爆 seed 」同「釘姐」起初未知對方底蘊,經常打情罵俏,呢對歡喜冤家喺鬥智鬥勇下,漸漸擦出愛火花,經典一幕係男方為保護女方,不惜以身試毒,點知劑量過強陷瀕死邊緣一幕,叫人難忘。

林峯不惜以身試毒去保護阿佘,奄奄一息之際,阿佘做其人肉暖包。
林峯不惜以身試毒去保護阿佘,奄奄一息之際,阿佘做其人肉暖包。

必睇位 3:親母養母輪住死

點解阿佘係「 不祥人 」?親母離世,「 釘姐 」開設好腳頭沐足店,作為收風站。佢三位養母呂珊、韓馬利、蘇恩磁不幸被捲入呢場黑白兩道之戰,喺同一集先後被黑幫人物逐一槍殺慘死。呢套劇亦係 TVB 近年死得最多人嘅劇集,自刑事情報科「 康 Sir 」(歐瑞偉飾)被買兇殺害後,其情人「 Ada 」(陳倩揚 飾)亦遇害,之後到黑幫洪英社坐館歡喜哥(許紹雄 飾)嘅心腹連浩勤(沈震軒 飾),被診斷出腦部有惡性腫瘤,接受安樂死而離世。

呢套劇死得人多, 「釘姐」三位養母蘇恩磁、呂珊、韓馬利先後被殺。
呢套劇死得人多, 「釘姐」三位養母蘇恩磁、呂珊、韓馬利先後被殺。

必睇位 4:五臥底之後仲有黑警

五名警方臥底,逐一揭盅 ︰分別係「 釘姐 」、「 爆 seed 」,「 Ada 」、「 連浩勤 」,當年網上掀起競猜誰是最後一位臥底,爆出個冷門,竟然係「 Amy 」(高海寧 飾),但佢已變節投身犯罪集團。往後劇情,有廉政公署執行處調查主任Yan(陳敏之 飾)亦加入刑事情報科「卓Sir 」(苗僑偉 飾)嘅臥底兵團,成為第六個臥底。當年大家都將焦點放喺臥底情節上,當刑事情報科嘅總警司劉江同警司鄧健泓嘅黑警身份曝光,可以話係劇集高潮位之一。另「卓Sir 」苗僑偉調轉槍頭向自己友開槍,以苦肉計扮變節劇情,過程緊張刺激。

警方臥底逐一揭盅,分別有 「連浩勤」 、 「釘姐」 、 「爆seed」和「Ada」。
警方臥底逐一揭盅,分別有 「連浩勤」 、 「釘姐」 、 「爆seed」和「Ada」。
三哥呢位良心警察,調轉槍頭向阿佘開槍,其實係苦肉計、假變節,目的係要揪出犯罪集團嘅幕後主腦。
三哥呢位良心警察,調轉槍頭向阿佘開槍,其實係苦肉計、假變節,目的係要揪出犯罪集團嘅幕後主腦。
高海寧呢個女魔頭,一個變節嘅警方臥底,起碼有三個人為佢而枉死。
高海寧呢個女魔頭,一個變節嘅警方臥底,起碼有三個人為佢而枉死。

必睇位 5:沈震軒放催淚彈

許紹雄飾演嘅黑幫大佬覃歡喜出獄,招攬咗「爆seed 」、財技高手連浩勤(沈震軒 飾)作為左右手,圖謀東山再起。歡喜哥亦係刑事情報科出身,佢為咗報妻女之仇而選擇踏上黑道呢條不歸 路。至於沈震軒嘅角色,囂張成性,但對女朋友即廉政公署執行處調查主任Yan(陳敏之 飾)用情至深,患上惡性腦瘤後,為咗唔想令女友擔心傷心,決定不辭而別,最催淚係佢叫護士定時向Yan發放早已錄製好自己生活片段嘅影片,而最終Yan亦搵到佢嘅墳墓,喊死人咩!

沈震軒、陳敏之呢一對,郎才女貌,可惜悲劇收場。
沈震軒、陳敏之呢一對,郎才女貌,可惜悲劇收場。
警方臥底沈震軒並唔係跌死嘅,而係死於惡性腦瘤。
警方臥底沈震軒並唔係跌死嘅,而係死於惡性腦瘤。
刑事情報科出身嘅歡喜哥,為報妻女之仇而選擇踏上黑道呢條不歸路。
刑事情報科出身嘅歡喜哥,為報妻女之仇而選擇踏上黑道呢條不歸路。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地