湯怡獲葉念琛欽點演新一代阿寶 形象健康獲封「 絕世好女友 」
原文刊於《東方新地》
湯怡獲葉念琛欽點演新一代阿寶
其實，早喺《 反黑路人甲 》播出之前，獨具慧眼嘅葉念琛導演，已欽點湯怡成為新一代阿寶，擔正英皇電影新片《 盲女驚魂 》。葉導演表示早於2012年已曾邀 Kathy 合作《 天生愛情狂 》，之後一直有留意對方：「 近年湯怡戲路漸闊，演技不斷有進步，我一直想同佢再度合作，到《 盲女驚魂 》終於有機會實現。」葉導演早已聽聞 Kathy 喺《 反黑路人甲 》中角色討好：「 近幾年我同一班男性朋友提起湯怡，大家都會將佢封為女神！當一個演員去到某個階段，累積一定程度嘅好感、觀眾緣，遇上一個好角色，就能夠發光發亮！」
然大家都覺得佢係女神級代表，嚟緊喺新戲入面，無論演技同角色設
計，都會帶來一個意想不到、從未見過嘅湯怡！」
恨演性格反差較大角色
獲葉導演欽點為新一代阿寶，湯怡感到萬分榮幸，並開玩笑道：「 我細細個就睇葉導演嘅電影長大，佢搵我演新一代阿寶，當然好開心，期望導演可以為我設計一個從未演過嘅角色，尤其一啲同我本身性格反差較大嘅，好似《 宮心計 》劇中狠毒嘅奸角，又或者硬橋硬馬嘅打女。」
Kathy 喺《 反黑路人甲 》輕露香肩同美腿成為話題，來到新片《 盲女驚魂 》，會否有更大突破呢？Kathy 表示：「 我覺得演員要突破嘅話，就一定要接受不同挑戰！好似今次喺《 反黑路人甲 》中除咗有床上戲外，我仲要被吊喺27樓高嘅欄杆外，雖然可以用替身，但我覺得親身上陣效果一定更好，其實我都好硬淨㗎！」湯怡演技大爆發，榮升為新一代阿寶，大家要拭目以待啦！
得民心，睇得又演得嘅湯怡旋即獲網民封為女神！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
