維他奶 新口味!香蕉班戟 燕麥餅 試飲報告
維他奶 新口味!香蕉班戟 燕麥餅 試飲報告

維他奶 新口味!香蕉班戟 燕麥餅 試飲報告

到底 維他奶 仲可以出多幾多隻味呢?記者真係睇唔透。事關日前 維他奶 又出多咗兩款新口味:香蕉班戟味同燕麥餅味!出新口味都未夠, 維他奶 仲標榜話呢兩款飲品係飲得到的小食,而家就等記者嚟試下呢兩隻 維他奶 係堅定流啦~

1.香蕉班戟味 維他奶

要研究一種新飲品,就要從成份入手。呢包香蕉班戟維他奶成份有大豆、大麥粉、燕麥粉、麥芽糊精、蜂蜜粉等等,咦!咁香蕉呢?莫非係調味劑調出嚟?點都好,即刻試飲俾你睇。飲落就冇班戟味喇,香蕉味都有少少嘅,但就一啲都唔濃,鍾意香蕉嘅朋友可能會失望喇。記者亦都發現,由於呢個香蕉班戟味嘅 維他奶 嘅成分裏面係冇香蕉,所有都幾困惑點解聞落會有香蕉香㗎呢。

維他奶 香蕉班戟 燕麥餅 04

維他奶 香蕉班戟 燕麥餅 05
橫睇掂睇都唔見有香蕉成分,即係又係調味調出嚟嘅!

2.燕麥餅味 維他奶

燕麥餅味雖然比較淡,但飲落會有一陣麥香。睇返成分表又真係有大麥又有小麥又有燕麥,唔怪之得會有陣麥香啦!佢同麥精唔同,麥精比較甜,呢個就比較淡。但佢同樓上香蕉班戟味有個共通點,就係好「杰」!記者未試過飲咁「杰」嘅 維他奶 ,好似BB食糊仔咁,可能係因為佢呢個質地,所以佢先話佢可以fill hunger most conveniently。維他奶 香蕉班戟 燕麥餅 03

大麥、小麥、燕麥都有
大麥、小麥、燕麥都有

試飲評分

記者搵咗6位同事一齊試飲評下邊隻味嘅 維他奶 好飲啲,結果燕麥餅味維他奶 5:2大比數勝出!大家試完都有一個感想,就係杰,咁杰會驚一個人飲唔完一包添!香蕉班戟味冇班戟味,聞落好有香蕉味,但飲落就冇乜,有同事就話班戟味香蕉味都飲唔到,似係用香蕉浸奶;而燕麥餅味雖然淡咗少少,但有麥香打救,就算似係餅乾浸奶,味道都比香蕉班戟味自然,呢個都係燕麥餅味勝出嘅理由~

維他奶 香蕉班戟 燕麥餅 08維他奶 香蕉班戟 燕麥餅 01

歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!
see first

最新吃喝玩樂資訊